കൈത്താക്കാലം
ഞായർ 5⃣
ലൂക്ക 16: 19-31

BIBLICAL BACKGROUND

പൊതുവേ പാവപ്പെട്ടവരുടെ സുവിശേഷകൻ എന്നാണ് ലൂക്ക അറിയപ്പെടുന്നത്. കാരണം സമൂഹത്തിൽ താഴ്ന്ന തട്ടിൽ കിടക്കുന്നവർക്ക് (വിജാതീയർക്ക്) വേണ്ടിയിട്ടാണ് തന്റെ സുവിശേഷം പുള്ളിക്കാരൻ പ്രധാനമായും എഴുതിയത്. അതുകൊണ്ട് തന്നെ ദരിദ്രരോട് ഒരല്പം കൂടിയ പരിഗണന എപ്പോഴും പുള്ളി കാണിക്കുന്നുണ്ട്.( മാത്രമല്ല പുള്ളിക്ക് കാശുകാരോട് ലേശം കലിപ്പ് ഉണ്ടോ എന്നും സംശയമുണ്ട്) . യഹൂദരെ സംബന്ധിച്ച് സമ്പത്ത് ദൈവാനുഗ്രഹത്തിന്റെയും ദാരിദ്ര്യം ദൈവശാപത്തിന്റെയും ഭാഗമാണ്. എന്നാൽ ഈശോയാകട്ടെ ഈ ചിന്താ രീതിയെ തലതിരിച്ചു അവതരിപ്പിക്കുന്നു. ഈശോയെ സംബന്ധിച്ചു ദാരിദ്ര്യം സ്വർഗ്ഗ സമ്മാനം നേടാനുള്ള മാർഗമാണ്.

INTERPRETATION

1. Sin of Omission

എന്താണ് ധനവാൻ ചെയ്ത പാപം?
കത്തോലിക്ക വിശ്വാസമനുസരിച്ച് പാപം എന്നു പറയുന്നത് ചെയ്തുകൂട്ടിയ തിന്മകൾ (Acts of Commssion) മാത്രമല്ല; ചെയ്യാതെ പോയ നന്മകൾ കൂടിയാണ് ( Acts of Omission) ആണ്. അവസാന വിധിയിൽ ദൈവം വിധിക്കുന്നത് വിശന്നപ്പോൾ ഭക്ഷണം തന്നില്ല, കുടിക്കാൻ വെള്ളം തന്നില്ല, സന്ദർശിച്ചില്ല എന്നൊക്കെയുള്ള ചെയ്യാതെ പോയ നന്മകൾ എടുത്തു പറഞ്ഞു കൊണ്ടാണ്. അല്ലാതെ കൊന്നു, മോഷ്ടിച്ചു, വ്യഭിചാരം ചെയ്തു എന്നിങ്ങനെ ചെയ്ത പാപങ്ങൾ എണ്ണി പറഞ്ഞുകൊണ്ടല്ല. അതുകൊണ്ടാണ് യാക്കോബ് ശ്ലീഹ പറഞ്ഞത് "ചെയ്യേണ്ട നന്മ എന്താണ് എന്ന് അറിഞ്ഞിട്ടും അത് ചെയ്യാതിരിക്കുന്നവൻ പാപം ചെയ്യുന്നു".(യാക്കോബ് 4 :17) എന്ന്.
നിസ്സംഗതയാണ് (Indifference) ഇന്നത്തെ കാലഘട്ടത്തിലെ ഏറ്റവും വലിയ പാപം എന്നാണ് ഫ്രാൻസിസ് മാർപാപ്പ ഇടക്കിടെ നമ്മളെ ഓർമിപ്പിച്ചിരുന്നത്. ചുറ്റും നടക്കുന്ന അനിഷ്ട സംഭവങ്ങൾ എന്നെ ബാധിക്കുന്ന കാര്യമല്ല എന്ന ജീവിത ശൈലി ക്രൈസ്തവന് ചേർന്നതല്ല. പ്രതേകിച്ചു പുരോഹിതർക്ക്
അതുകൊണ്ടായിരിക്കും ദസ്തോവിസ്‌കിയുടെ 'Brothers of Karamasov' ൽ സോസിമാസ് എന്ന പുരോഹിതൻ എപ്രകാരം വിളിച്ചു പറയുന്നത്: "ലോകത്തുള്ള എല്ലാ അധർമങ്ങൾക്കും എല്ലാവരും ഉത്തരവാധികളാണ് ഒരു പുരോഹിതൻ എന്ന നിലയിൽ ഞാൻ കൂടുതൽ ഉത്തരവാദിത്തപെട്ടവണ്" എന്ന്. ശരിയാണ് പുരോഹിതന് കൂടുതൽ ഉത്തരവാദിത്തമുണ്ട്, തീർച്ച...!!!

2. സമ്പത്തിന്റെ അനീതി

ഇക്കഴിഞ്ഞ ഓഗസ്റ്റ് 22 ന് (വെളളിയാഴ്ച) ലെയോ മാർപാപ്പ ഉപവാസ ദിനമായി പ്രഖ്യാപിച്ചിരുന്നു. ലോകസമാധാനത്തിനും നീതിക്കും യുദ്ധങ്ങളിൽ ദുരിതമനുഭവിക്കുന്നവർക്കും വേണ്ടിയിട്ടാണ് ഉപവാസം പ്രഖ്യാപിച്ചിരുന്നത്. എന്ന് പറഞ്ഞാൽ അനീതിയും അസമാധാനവും നമ്മുടെ നാട്ടിൽ കൂടിവരുന്നു എന്നുള്ളതാണ്. എന്താണ് നീതി? എന്താണ് അനീതി? ഓരോരുത്തർക്കും അവനവന് അർഹതപ്പെട്ടത് കൊടുക്കുക എന്നുള്ളതാണ് നീതി. അതുകൊണ്ട് തന്നെ അനീതി എന്ന് പറയുന്നത് അർഹതപ്പെട്ടത് കൊടുക്കാതിരിക്കുക എന്നുള്ളതാണ്. ധനവാൻ തന്റെ പടിവാതിൽ കിടക്കുന്ന ലാസറിന് അർഹതപ്പെട്ട പരിഗണനയും അംഗീകാരവും സഹായവും കൊടുത്തില്ല എന്നുള്ളതാണ് അപരാധം. അതാണ് അനീതി. നമ്മുടെ നാട്ടിൽ സമ്പന്നരുടെടെ എണ്ണം കൂടി വരികയും സമ്പത്ത് മുഴുവനും ഏതാനും വിരലിലെണ്ണാവുന്ന ധനവന്മാരിലേക്ക് മാത്രമായി കുന്നുകൂടുകയും ധനവാൻ അതിധനവാന്മാരും ദരിദ്രൻ അതിദരിദ്രന്മാരുമായി മാറുന്ന ഒരു സമ്പദ്ഘടനയിലേക്ക് നമ്മൾ വന്നുകൊണ്ടിരിക്കുകയും ചെയ്യുന്നു. അതുകൊണ്ടുതന്നെ പലപ്പോഴും ദരിദ്രന്മാർ ചൂഷണത്തിനും അനീതിക്കും ഇരയാകുന്നു എന്നുള്ളതാണ് വസ്തുത . ഇന്നത്തെ കാലത്ത് മാത്രമല്ല എല്ലാകാലത്തും ഇത്തരത്തിലുള്ള ഒരു സാമൂഹിക അസമത്വം നിലനിൽക്കുന്നുണ്ട്. പഴയ നിയമത്തിലെ ആമോസ് പോലുള്ള പ്രവാചകൻമാർ ഇത്തരത്തിലുള്ള സാമ്പത്തിക അസമത്വത്തെ വിമർശിക്കുന്നുണ്ട്. സമൂഹത്തിൽ നടമാടിക്കൊണ്ടിരിക്കുന്ന അനീതിയും ആസമത്വത്തെ കണ്ടുകൊണ്ടാണ്
"നീതി ജലം പോലെ ഒഴുകട്ടെ; സത്യം ഒരിക്കലും വറ്റാത്തനീര്‍ച്ചാലുപോലെയും.
ആമോസ്‌ 5 : 24 എന്നാണ് പ്രവാചകൻ പറയുന്നത്. നമ്മുടെ നാട്ടിലും ഇത്തരത്തിലുള്ള സാമൂഹിക അസമത്വം കൂടിവരുന്നു ക്രൈസ്തവരുടെ ഇടയിൽ 'ജാതി' ഇല്ല എന്ന് പറയുമ്പോഴും ഉള്ളവനും (Have) ഇല്ലാത്തവനും ( Have not) തമ്മിലുള്ള വേർതിരിവ് കൂടിവരികയാണ്. സാമ്പത്തികമായി മുന്നിൽ നിൽക്കുന്നവൻ ഇല്ലാത്തവനെ അവഗണിക്കുന്ന ഒരു നിലപാട് സ്വീകരിക്കുന്നു. അതുകൊണ്ട് നമ്മുടെ സമൂഹത്തിലെ സാമ്പത്തികമായി അസമത്വത്തെ, അനീതിയെ മാറ്റി കളയേണ്ടതുണ്ട്. അതിനായി നമ്മളെക്കൊണ്ട് ആകുന്ന സാമ്പത്തിക സഹായം മറ്റുള്ളവർക്ക് നൽകാൻ കടമ നമുക്കുണ്ട്. എൻറെ ചുറ്റുമുള്ളവന് നൽകേണ്ട സാമ്പത്തിക സഹായം നൽകാൻ ആയിട്ടുള്ള മനസ്സുണ്ടാവുക. എൻറെ ചുറ്റുമുള്ള അനീതി നിറഞ്ഞ അസമത്വം നിറഞ്ഞ സാഹചര്യത്തിന് ഞാൻ കാരണമാകാതിരിക്കുക എന്നുള്ളതാണ് പ്രധാനം.

3. ലാസർ

ഈശോ പറഞ്ഞ ഉപമകളിലെ പേരുള്ള ഏക വ്യക്തിയാണ് 'ലാസർ.' 'ദൈവം സുഖപ്പെടുത്തുന്നു' 'ദൈവം സഹായമായി ഉള്ളവൻ' എന്നെല്ലാമാണ് ഈ പേരിനർത്ഥം. പഴയ നിയമത്തിൽ 'അനാവിം യാഹ്‌വെ' (Anavim YHWH) എന്ന ഒരു പ്രയോഗം ഉണ്ട്. 'യഹോവയുടെ പാവപ്പെട്ടവർ എന്നർത്ഥം' . അല്ലെങ്കിൽ ദൈവം മാത്രം ശരണം ആയിട്ടുള്ള ഒരു വിഭാഗം ആളുകൾ. സത്യത്തിൽ ദൈവം മാത്രം സഹായം ആയിട്ടുള്ള ധാരാളം ആളുകൾ നമുക്ക് ചുറ്റുമുണ്ട് . ( അവരുടെ പേര് ലാസർ എന്നാകണമെന്നില്ല എന്നു മാത്രമേയുള്ളൂ. ). കാരണം ദാരിദ്ര്യം എന്നത് സമ്പത്തിന്റെ മാത്രം കുറവായി കാണേണ്ട. സ്നേഹത്തിന്റെ, പരിഗണനയുടെ, സൗഹൃദത്തിന്റെ, പ്രശംസയുടെ ഒക്കെ ദാരിദ്ര്യം അനുഭവിക്കുന്ന ആളുകൾ നമ്മുടെ ചുറ്റും ഉണ്ട്. ഭാര്യ,‍ ഭർത്താവ്, കുട്ടികൾ,‍ കർന്നവർമാർ,‍‍ കപ്യാർ, ഭക്ഷണം വെക്കുന്ന ചേച്ചി, ‍മഠത്തിലെ സിസ്റ്റർ, കൈക്കാരൻ etc. അവരെ ഒക്കെ ഒന്നു പരിഗണിക്കുക.

ദൈവ ശാസ്ത്രജ്ഞന്മാരുടെ ഒരു വീക്ഷണത്തിൽ ധനികൻ ലാസറിനെ കാണാതെ പോകുന്നതിനുള്ള ഒരു കാരണം അവന്റെ സമ്പന്നതയാണ്.
അവനിങ്ങനെ പട്ടു മെത്തയിൽ കിടന്നും പളുങ്ക് പാത്രത്തിൽ ഭക്ഷിച്ചും ജീവിക്കുമ്പോൾ പുറത്തുള്ള ലാസറിനെ കാണാൻ അവനു പറ്റുന്നില്ല. നമ്മുടെ സമ്പത്ത് ചിലപ്പോഴെങ്കിലും നമ്മുടെ കാഴ്ചകളെ മറച്ചു പിടിക്കുന്നുണ്ട്. വലിയ വീടും അതിലും വലിയ മതിലും പണിതു . 'പട്ടിയുണ്ട് സൂക്ഷിക്കുക,' 'ഇവിടെ വാഹനങ്ങൾ പാർക്ക് ചെയ്യരുത്' എന്നൊക്കെ പറഞ്ഞു ഗേറ്റിൽ ബോർഡ് തൂക്കി ഇടുകയും ചെയുന്ന modern മലയാളിക്ക് തന്റെ മതിലിനു പുറത്തുള്ള ലോകത്തെ മനസിലാകണം എന്നില്ല. (വല്ലപ്പോഴും ഒരു ഉത്തരേന്ത്യൻ യാത്ര നടത്തുന്നത് നല്ലതാണ്. ശരിക്കും ദാരിദ്ര്യം എന്താണെന്ന് അപ്പ കാണാൻ പറ്റും). ജനങ്ങൾക്കു ഭക്ഷിക്കാൻ അപ്പമില്ല എന്നു പറഞ്ഞു വിലപിച്ചവരോട് "എന്നാൽ അവർ കേക്ക് ഭക്ഷിക്കട്ടെ " എന്നു പറഞ്ഞ മരിയാ അന്റോണാ റാണിയുടെ പഴയ ഫലിതത്തിന് ഇപ്പോഴും പ്രസക്തി ഉണ്ടെന്നു തോന്നുന്നു.
രാഹുൽ ഗാന്ധി പറഞ്ഞപോലെ ( രാഹുൽ മാങ്കൂട്ടത്തിൽ അല്ല കെട്ടോ....) പോലെ "ഞാൻ ദാരിദ്ര്യത്തെക്കുറിച്ച് പഠിച്ചു, ധാരാളം ക്ലാസുകൾ എടുത്തു,‍ പ്രബന്ധങ്ങളവതരിപ്പിച്ചു പക്ഷെ നിങ്ങൾക്കത് ശരിക്കും മനസ്സിലാകണമെങ്കിൽ നിങ്ങൾ അത് അനുഭവിക്കുക തന്നെ വേണം." അതുകൊണ്ട്
ഒരല്പം ദാരിദ്രം ജീവിതത്തിൽ പരിശീലിക്കുന്നത് നല്ലതാണ്.

▤Homily 18 -Luke 11:14-26⌄

കൈത്താക്കാലം
ഞായർ 5⃣
ലൂക്ക 11:14-26

Biblical Background

ദൈവരാജ്യത്തിന്റെ വളർച്ചയാണ് കൈത്താക്കാലത്തിന്റെ ഒരു പ്രധാന വിഷയം. ഈശോ പിശാചുക്കളെ പുറത്താക്കുന്നു എന്നത് ദൈവ രാജ്യം ഭൂമിയിൽ സ്ഥാപിക്കപ്പെട്ടതിന്റെയും അതിന്റെ വളർച്ചയുടെയും ലക്ഷണമായി കണക്കാക്കാം. ആദ്യ വായനയിൽ പാപപരിഹാര ബലി പുരോഹിതൻ അർപ്പിച്ചുകൊണ്ടു പാപത്തിൽ നിന്നും മോചനം ലഭിക്കുന്നതിനെക്കുറിച്ചും രണ്ടാം വായനയിൽ തിന്മയുടെ അധികാര രൂപമായ ബാബിലോണിന്റെ അധഃപതനത്തെ കുറിച്ചും സൂചിപ്പിക്കുന്നു. ലേഖനത്തിൽ സാത്താനെ ദൈവമായ കർത്താവ് ശാസിക്കും എന്നും സൂചിപ്പിക്കുന്നു.
മൊത്തത്തിൽ തിന്മയുടെ മോചനവും ദൈവ രാജ്യത്തിന്റെ സ്ഥാപനവുമാണ് ചർച്ചാ വിഷയം.

INTERPRETATION

1. സംസാരിക്കാൻ കഴിയുന്ന ഊമകൾ

ഈശോ, ഊമയായ ഒരു പിശാചിനെ ബഹിഷ്കരിക്കുന്നു എന്നുള്ളതാണ് സുവിശേഷത്തിൽ പറയുന്നത്.
പിശാചു പുറത്തു പോയപ്പോൾ ഊമ സംസാരിച്ചു എന്നും പറയുന്നു.

ഒന്നു ശ്രദ്ധിച്ചാൽ മനസിലാകും നമ്മിൽ പലരും പ്രത്യകിച്ചു ഇമ്മടെ പിള്ളേരും യുവജനങ്ങളും ചില പൈശാചിക ശക്തികളുടെ പിടിയിലായതുകൊണ്ട് സംസാരശക്തി നഷ്ടപ്പെട്ടു ഊമകളായി മാറിക്കൊണ്ടിരിക്കുകയാണ്. പറഞ്ഞു വരുന്നത് നമ്മുടെ മൊബൈൽ /സോഷ്യൽ മീഡിയ അഡിക്ഷനെ കുറിച്ചാണ്.
മൊബൈൽ ഫോണിന്റെയും സോഷ്യൽ മീഡിയയുടെയും അമിത ഉപയോഗം കുട്ടികളിൽ സാമൂഹിക സംസർഗം കുറക്കുന്നു എന്നും അവർ പരസ്പരം communication ഇല്ലാത്തവരായി ഊമകളായി മാറുന്നു എന്നുമാണ് പുതിയ പഠനങ്ങൾ തെളിയിക്കുന്നത്.

മിണ്ടാട്ടം മുട്ടിപ്പോയ ഒരു തലമുറയാണ് നമ്മുടേത്. വേണ്ടപോലെ സംസാരിക്കാൻ നമ്മുടെ കുട്ടികൾക്ക് അറിയില്ല, കഴിയില്ല. സോഷ്യൽ മീഡിയ/ മൊബൈൽ ഫോൺ അമിത ഉപയോഗം അവരെ ഊമകളാക്കി മാറ്റി എന്നു വേണം പറയാൻ..
അതായത്
മൊബൈൽ/ഇന്റർനെറ്റ് എന്ന പിശാചിന്റെ തടവറയിൽ പെട്ടുപോയി നിശബ്ദരായ ഒരു തലമുറയാണ് നമ്മുടേത്... പരസ്പരമുള്ള സംസാരം കുറഞ്ഞിരിക്കുന്നു.. ബന്ധങ്ങൾ നഷ്ടപ്പെട്ടു. അതുകൊണ്ടുതന്നെ ഇവരുടെ സംസാര ശേഷി തിരിച്ചു കിട്ടാനുള്ള ഒരു മാർഗം ഇവരെ ബന്ധിച്ചിരിക്കുന്ന മൊബൈൽ ഫോണും ഇൻറർനെറ്റും സോഷ്യൽ മീഡിയയും പോലുള്ള പിശാചുക്കളെ കുട്ടികളിൽ നിന്നും പുറത്താക്കുക എന്നതാണ്.

സർക്കാരിന്റെ തൂഫാൻ ഹിറ്റായത്തിനു പിന്നാലെ വന്ന ഒരു comment ഇങ്ങനെ ആയിരുന്നു. കുട്ടികളിലെ digital adiction നിയന്ത്രിക്കാൻ ഇതുപോലെ മറ്റെന്തെങ്കിലും പദ്ധതി സർക്കാർ കൊണ്ടു വരണം എന്ന്.

വികസിത രാജ്യങ്ങളിൽ അതിനുള്ള പണി തുടങ്ങി കഴിഞ്ഞു. മൊബൈൽ ഫോൺ/സോഷ്യൽ മീഡിയ ഉപയോഗത്തിൽ പല രാജ്യങ്ങളും നിയന്ത്രണങ്ങൾ കൊണ്ടുവരാൻ ആരംഭിക്കുന്നു .
പല വികസിത രാജ്യങ്ങളിലും സോഷ്യൽ മീഡിയ ഉപയോഗിക്കാനുള്ള പ്രായപരിധിയിലും നിയന്ത്രണം വരുത്തുന്നു.
ഈയിടെ സോഷ്യൽ മീഡിയയിൽ വന്ന ഒരു വാർത്ത പല സെലിബ്രെറ്റികളും തങ്ങളുടെ മക്കൾക്ക് മൊബൈൽ ഫോൺ ഉപയോഗിക്കാൻ കൊടുക്കുന്നില്ല എന്നുള്ളതാണ്.
ഇതിനു കാരണമായി പറയുന്നത് കുട്ടികളിലെ മൊബൈൽ ഫോണിന്റെയും സോഷ്യൽ മീഡിയയുടെയും ഉപയോഗം ദേഷ്യം ,പിടിവാശി തുടങ്ങിയ സ്വഭാവ വൈകൃതങ്ങളിലേക്കു നയിക്കുന്നു എന്നും വളരെ ചെറുപ്പത്തിലുള്ള മൊബൈൽ ഫോൺ ഉപയോഗം കുഞ്ഞുങ്ങൾക്ക് സംസാരിച്ചു തുടങ്ങാൾ കാലതാമസത്തിനു ഇടയാക്കുന്നു എന്നുള്ളതാണ്. എന്നു പറഞ്ഞാൽ അവർ ഊമകളയി തുടരുന്നു എന്നു ചുരുക്കം...

ഓർക്കുക സംസാരിക്കാൻ അറിയാമായിരുന്നിട്ടും നിശബ്ദമായി പോയ മക്കളാണ് നമുക്ക് ചുറ്റും..അവർക്ക് കുറച്ചു കൂടി സംസാരശക്തി വീണ്ടെടുക്കുവാൻ അവരെ സഹായിക്കുക.
അവരെ ബന്ധിച്ചിരിക്കുന്ന പിശാചുക്കളെ അവരിൽ നിന്നും പുറത്താക്കുക.

2. കൂടെ നിൽക്കുന്നവരും എതിരെ നിൽക്കുന്നവരും

സുവിശേഷത്തിൽ കാണുന്ന ഒരു കാര്യം ഈശോ പിശാചിനെ പുറത്താക്കുമ്പോഴും കുറെ പേർ ഈശോ ചെയ്ത നല്ല കാര്യത്തെ പ്രശംസിക്കുന്നതിന് പകരം അതിനെ വിമർശിക്കുകയും തള്ളിപ്പറയുകയും പരിഹസിക്കുകയും ചെയ്യുന്നതാണ്. ഇതൊരു വലിയ പ്രശമാണ്. ഒരാൾ എത്ര നമചെയ്താലും അതു അംഗീകരിച്ചു കൊടുക്കാൻ തയ്യാറല്ലാത്ത ഒരു മനസ് ചിലപ്പോൾ നമ്മുക്ക് ഉണ്ടാകാം . അതൊന്ന് മാറ്റി പിടിക്കുക.

ഒരാൾ ഒരു നല്ല കാര്യം ചെയ്യുമ്പോൾ അയാളുടെ കൂടെ നിൽക്കുവാനായിട്ട് അയാൾക്ക് വേണ്ടി സംസാരിക്കുവാൻ ആയിട്ടുള്ള ഉത്തരവാദിത്വം നമുക്കുണ്ട്. അതല്ലാതെ മറ്റുള്ളവർ എന്ത് വിചാരിക്കും, ഇതിൽ എനിക്ക് പ്രത്യേകിച്ച് ഉത്തരവാദിത്വം ഇല്ലല്ലോ, ഇത് എന്നെ ബാധിക്കുന്ന കാര്യമല്ലല്ലോ എന്നൊക്കെ കരുതി ഒരു നിഷ്പക്ഷത പുലർത്തുന്നത് അത്ര ശരിയല്ല . നന്മയുടെ കൂടെ ശരിയുടെ കൂടെ നിൽക്കുക.

സുവിശേഷത്തിലെ ഈശോ പറയുന്ന ഒരു കാര്യം എൻറെ കൂടെ ഇല്ലാത്തവൻ എനിക്ക് എതിരാണ് എന്നതാണ്. അടുത്തിടെ ഒരു മലയാളം യൂ ട്യൂബ് ചാനലിൽ ഈശോ എന്ന വ്യക്തിയുടെ ചരിത്ര സാധ്യത (Historicity)യെ കുറിച്ചും ദൈവപുത്രത്തെ കുറിച്ചുമുള്ള ചർച്ചകൾ തകൃതിയായി നടക്കുകയാണ്. പങ്കെടുക്കുന്നതിന് ഭൂരിഭാഗം പേരും ക്രിസ്ത്യാനികൾ തന്നെ . അവർ ചരിത്രത്തിലെ ഈശോയെ അംഗീകരിക്കുന്നവരാണ് എന്നാൽ അതിൽ കാര്യമായി ആരും തന്നെ ഈശോയുടെ ദൈവത്വത്തിൽ ഉള്ള വിശ്വാസത്തെ പരസ്യമായി ഏറ്റുപറയുവാൻ തയ്യാറാകുന്നില്ല എന്നതാണ് സങ്കടം. എന്ന് പറഞ്ഞാൽ അവർ ഈശോയ്ക്ക് എതിരല്ല . പക്ഷേ ഈശോയ്ക് ഒപ്പമാണ് എന്ന് പറയുവാൻ തയ്യാറാകുന്നുമില്ല..

ഇത് വളരെ വിഷമം പിടിച്ച അവസ്ഥയാണ്. നമ്മുടെ നാട്ടിലെ പല ആളുകളും ഈശോയ്ക്ക് എതിർന്നവരല്ല പക്ഷേ ഈശോയുടെ ഒപ്പമാണെന്ന് പറയുവാൻ ആയിട്ട് അവർ കൂട്ടാക്കുന്നില്ല. അങ്ങനെയുള്ളവരോടാണ് ഈശോ പറയുന്നത് എന്നോട് കൂടെ അല്ലാത്തവർ എനിക്ക് എതിരാണ് എന്ന് .

If You are not the part of the solution, then You are the part of the problem എന്നു പറയാറില്ലേ അതു തന്നെ കാര്യം...

നമ്മുടെ വീട്ടിലും നാട്ടിലും ഒക്കെ എന്തെങ്കിലും ഒരു പ്രശ്നം ഉണ്ടാകുമ്പോൾ ഒന്നിനും ഉൾപ്പെടാതെ മാറിനിൽക്കുന്ന ഒരു കൂട്ടരെ കാണാൻ പറ്റും. ഈ ന്യൂട്രാലിറ്റി എന്ന് പറയുന്നത് എപ്പോഴും ശരിയായിക്കൊള്ളണമെന്നില്ല. ( ഇതിന്റെ അർത്ഥം ഏതെങ്കിലും ഒരു പക്ഷം പിടിച്ചു എപ്പോഴും നിൽക്കണം എന്നതല്ല). മറിച്ചു ശരിയുടെ പക്ഷത്ത് നിൽക്കുവാനാട്ടുള്ള ധൈര്യം ഉണ്ടാകണം. സത്യം എന്തെന്ന് ഉറപ്പുള്ള കാര്യങ്ങളിൽ ശരിയുടെ പക്ഷം നിൽക്കാതെ ന്യൂട്രൽ ആയിട്ട് നിൽക്കുക ഗൗരവമായ തിന്മയായി തന്നെയാണ് കത്തോലി സഭ കാണുന്നത്.

നമ്മുടെ ഒരു പ്രശ്‌നത്തിൽ നമുക്ക് വേണ്ടപ്പെട്ട ഒരാൾ നമ്മുടെ കൂടെ നിൽക്കുന്നില്ലെങ്കിൽ അതിനർത്ഥം അയാൾ നമുക്കെതിരെ എന്ന് തന്നെയാണ്.
അതായത് സത്യത്തിന്റെ, ശരിയുടെ കൂടെ നിൽക്കാൻ കഴിയുക വലിയ കാര്യ മാണ് .
വിശ്വാസത്തിന്റെ കാര്യത്തിൽ ഞാൻ ഈശോയ്ക്ക് എതിരല്ല, പള്ളിക്ക് എതിരല്ല, അച്ചന് എതിരല്ല എന്നൊക്കെ പറയുന്ന കുറേ പേരെ കാണാൻ പറ്റും...
പക്ഷേ ഈശോയ്ക്ക് എതിരല്ല എന്നതല്ല ഈശോയോട് ഒപ്പമാണോ എന്നു ചിന്തിക്കുക. ആത്മീയതയുടെ കാര്യത്തിൽ വിശ്വാസത്തിന്റെ കാര്യത്തിൽ നിഷ്പക്ഷത ( neutrality) എപ്പോഴും ശരിയകണമെന്നില്ല.
നമ്മുടെ വ്യക്തിപരമായ ജീവിതത്തിൽ ഈശോയുടെ ഒപ്പം നിൽക്കുവാൻ സത്യത്തിന്റെ ഒപ്പം നിൽക്കുവാൻ പരിശ്രമിക്കുക

3. ഒഴിഞ്ഞ ഭവനം ( Empty House)

ഒഴിഞ്ഞുകിടക്കുന്ന ( ആ പ്രയോഗം മത്തായി ആണ് ഉപയോഗിക്കുക. ലൂക്ക അടിച്ചു വാരി സജ്ജീകരിക്ക പെട്ട എന്നാണ് പറയുക .ഏതാണ്ട് രണ്ടും ഒന്നു തന്നെ)
ഭവനത്തിലേക്ക് ആണ് വീണ്ടും പിശാച് വീണ്ടും വന്നു തന്റെ ആധിപത്യം ഉറപ്പിക്കുന്നത്. അതുകൊണ്ട് മനസ്സിന് free ആക്കി ഇടതിരിക്കുക. ഒഴിച്ചിടാതിരിക്കുക . അലസന്റെ മനസ്സ് പിശാചിൻറെ പണിപ്പുരയാണ് എന്ന് പറയാറുണ്ടല്ലോ( Idle mind is devils' workshop) അതു തന്നെ സംഭവം. ജീവിതം കുറെ busy ആയി നില നിർത്തുക ഒരു പരിധി വരെ നല്ലതാണ് . ഒപ്പം കുറെ കൂടി പോസിറ്റീവ് ആയിട്ടുള്ള ചിന്തകൊണ്ടും ജീവിതത്തെ മനസിനെ fill ആക്കി നിർത്താൻ പരിശ്രമിക്കുക.

നമ്മൾ ഒരു വീട് പുതിയത് പണിത ശേഷം അതിൽ ആരും താമസിക്കാതെ വന്നാൽ അതു പൊടിപിടിച്ചും മാറാല പിടിച്ചും നശിച്ചു പോകുമെന്ന് നമുക്കറിയാം. ഇതുപോലെ തിന്മകൾ തൂത്തു വാരി കളഞ്ഞ നമ്മുടെ ഹൃദയമാകുന്ന ഭവനത്തിലേക്ക് നന്മകൾ / പുണ്യങ്ങൾ ആകുന്ന അലങ്കാരം കൊണ്ടു നിറക്കാനും നമ്മൾ. ശ്രദ്ധിക്കണം

നമ്മൾ ഒരു ധ്യാനം കൂടി നന്നായി ഉപകേഷിച്ചു കളഞ്ഞ പല ദുശീലങ്ങളും ബന്ധങ്ങളും വൈരാഗ്യ ബുദ്ധിയുമെല്ലാം നമ്മൾ ഒന്നു ശ്രദ്ധിച്ചില്ലെങ്കിൽ പൂർവാധികം ശക്തിയോടെ തിരിച്ചു വരും എന്ന് ചുരുക്കം.
അതുകൊണ്ടു തിന്മയുടെ ശക്തികൾ തിരിച്ചു വരാതിരിക്കാൻ നിതാന്ത ജാഗ്രത ആവശ്യമാണ് "നല്ലതുചെയ്യുന്നില്ലെങ്കില്‍ പാപം വാതില്‍ക്കല്‍ത്തന്നെ പതിയിരിപ്പുണ്ടെന്ന്‌ ഓര്‍ക്കണം. അതു നിന്നില്‍ താത്‌പര്യം വച്ചിരിക്കുന്നു; നീ അതിനെ കീഴടക്കണം.
(ഉല്‍പത്തി 4 : 7)

ചോദ്യവും ഉത്തരവും

എന്താണ് ദൈവത്തിൻറെ കരം എന്നതുകൊണ്ട് ഉദ്ദേശിക്കുന്നത്?

ലൂക്കാ സുവിശേഷത്തിൽദൈവത്തിൻറെ കരം കൊണ്ടാണ് ഈശോ പിശാചുക്കളെ പുറത്താക്കുന്നതായി പറയുന്നത്.
ഇവിടെ കരം എന്നതിന് പകരമായി ഉപയോഗിക്കുന്ന ഗ്രീക്ക് വാക്ക്
daktülō എന്നാണ് . വിരൽ എന്നാണ് ആ വാക്കിന്റെ യഥാർത്ഥ അർത്ഥം.
അപ്പോൾ
ദൈവത്തിൻറെ വിരൽ കൊണ്ടാണ് താൻ പിശാചുക്കളെ പുറത്താക്കുന്നത് എന്നാണ് ഈശോ പറയുന്നത്.

അതേ സമയം മത്തയിയുടെ സുവിശേഷത്തിൽ ദൈവാത്മാവിനെ കൊണ്ടാണ് താൻ പിശാചുക്കളെ പുറത്താക്കുന്നത് എന്ന് ഈശോ പറയുന്നു. ഇത് രണ്ടും കൂടി കൂട്ടി വായിച്ചാൽ അതായത് ദൈവത്തിൻറെ കരം/ അഥവാ വിരൽ എന്നതുകൊണ്ട് ഉദ്ദേശിക്കുന്നത് പരിശുദ്ധാത്മാവിനെയാണ് എന്ന് മനസ്സിലാക്കാം.