ശ്ലീഹക്കാലം 2 ഞായർ
യോഹ 16: 12-15

പരിശുദ്ധ ത്രിത്വത്തിന്റെ തിരുനാൾ.

ഈസ്റ്റർ കഴിഞ്ഞു കഴിഞ്ഞു 5⃣0⃣ ആം ദിവസം പന്തക്കുസ്ത. അതിനു അടുത്ത ഞായറാഴ്ച പ. ത്രിത്വത്തിന്റെ തിരുനാൾ . അത് കഴിഞ്ഞു വരുന്ന വ്യാഴാഴ്ച പരിശുദ്ധ കുർബാനയുടെ തിരുനാൾ ( Corpus Cristi) അത് കഴിഞ്ഞു വരുന്ന വെള്ളിയാഴ്ച( പിറ്റേ ദിവസം അല്ല കെട്ടോ) ഈശോയുടെ തിരുഹൃദയ തിരുനാൾ. അതിനടുത്ത ദിവസം ശനിയാഴ്ച മാതാവിൻറെ വിമലഹൃദയ തിരുനാൾ. ഇതാണ് ഒരു ലിറ്റർജിക്കൽ ഓർഡർ.

ക്രൈസ്തവ വിശ്വാസത്തിന്റെ/ ദൈവ സങ്കൽപ്പത്തിൽ കേന്ദ്രമാണ് ആണ് പ .ത്രിത്വ . ദൈവം ഏകനാണെന്നും ഏകദൈവത്തിൽ പിതാവ് പുത്രൻ പരിശുദ്ധാത്മാവ് ഇങ്ങനെ മൂന്ന് വ്യക്തികൾ (persons) ഉണ്ട് എന്നുള്ള വിശ്വാസം.

BIBLICAL BACKGROUND

ബൈബിൾ - പഴയ നിയമം

പഴയ നിയമത്തിൽ
യഹൂദർ ഏകദൈവ വിശ്വാസികൾ ആണ് എങ്കിലും ഒരു ബഹു ദൈവ സങ്കല്പം ചിലപ്പോഴെങ്കിലും കാണാൻ പറ്റും. Eg:1 . ഉല്പത്തി 1⃣8⃣ആം അദ്ധ്യായത്തിൽ 3⃣ ദൈവദൂതന്മാർ അബ്രഹാമിനെ സന്ദർശിക്കുന്നു. Eg. 2. ഉല്പത്തി 1⃣: 2⃣6⃣ ൽ "നമുക്ക് (Plural) നമ്മുടെ ഛായയിലും സാദൃശ്യത്തിലും...."

പുതിയ നിയമം
സുവിശേഷങ്ങളിൽ ഈശോയുടെ ഞാനസ്നാന സമയത്ത് പിതാവും പുത്രനും പരിശുദ്ധാത്മാവും പ്രത്യക്ഷപ്പെടുന്നു. പിന്നെ
ഈശോ മിഷൻ പ്രവർത്തനത്തിനായി ശിഷ്യന്മാരെ അയക്കുമ്പോൾ പിതാവിനെയും പുത്രനെയും പരിശുദ്ധാത്മാവിനെയും നാമത്തിൽ സ്നാനം നൽകാൻ ആവശ്യപ്പെടുന്നു. (മത്തായി 28:20)

പൗലോസ് ശ്ലീഹായുടെ ലേഖനങ്ങളിൽ Trinitarian Formula പലയിടത്തായി കാണാം.
"കർത്താവായ യേശുക്രിസ്തുവിന്റെ കൃപയും ദൈവത്തിന്റെ സ്നേഹവും പരിശുദ്ധാത്മാവിന്റെ സഹവാസവും നിങ്ങളോടുകൂടെ ഉണ്ടായിരിക്കട്ടെ" (2 കോറി 13 :13 ).
സഭാപിതാക്കന്മാരുടെ ‍എഴുത്തുകളിൽ ത്രിത്വം എന്നതിനു തുല്യമായ 'ത്രിനിത്താസ്' എന്ന ഗ്രീക്ക് പദം ആദ്യമായി ഉപയോഗിച്ചത് തെർത്തുല്യൻ എന്ന ദൈവശാസ്ത്രജ്ഞൻ ആണ്. ( അതിനു മുൻപ് തിയൊഫിലസ് 'ത്രയാസ്' എന്ന പദം ഉപയോഗിച്ചിരുന്നു. പക്ഷെ ക്രെഡിക്ട മുഴുവൻ
തെർത്തുലന് പോയി) ഇതിൽ നിന്നാണ് പിന്നീട് TRINITY യുടെ ഉൽഭവം.

ദൈവം ഒന്നാണ്. ദൈവത്തിൽ മൂന്നു ആളുകൾ . ഒരു സ്വഭാവം/ പ്രകൃതം(NATURE) ആണെങ്കിലും
3⃣ വ്യക്തികൾ പിതാവ് പുത്രൻ പരിശുദ്ധാത്മാവ് . പിതാവ് പുത്രനിലും പരിശുദ്ധാത്മാവിലും പുത്രൻ പിതാവിലും പരിശുദ്ധതാവിലും പരിശുദ്ധ ആത്മാവ് പിതാവിലും പുതനിലും പൂർണമായി കുടികൊള്ളുന്നു.

Interpretation

* 1. എല്ലാം എനിക്ക് മനസിലാകില്ല

ഗുജറാത്തിലെ അഹമ്മദാബാദിൽ നടന്ന വിമാന അപകടമായിരുന്നു ഈ ആഴ്ചയിലെ പ്രധാനപ്പെട്ട വാർത്ത. ലണ്ടനിലേക്ക് പറന്നുയർന്ന AI 171വിമാനം ഏതാനും നിമിഷങ്ങൾക്കുള്ളിൽ നിലം പതിച്ചു കത്തിയമർന്ന് യാത്രക്കാരും ക്രൂസും തകർന്നു വീണ ഹോസ്റ്റലിലെ കുട്ടികളും അടക്കം 300 നു അടുത്തു ആളുകൾ മരിച്ചിരിക്കുന്നു. ഇത് കാണുകയും കേക്കുകയും ചെയ്യുന്ന നമ്മുടെ മനസിൽ ഉയരുന്ന ഒരു ചോദ്യം എന്തുകൊണ്ട് ഇങ്ങനെ സംഭവിക്കുന്നു എന്നതാണ്. ഇത് മാത്രമല്ല ഏതു ദുരന്തം വരുമ്പോഴും ഇങ്ങനെ ചില സംശയങ്ങൾ നമ്മുടെ മനസ്സിൽ ഉദിക്കും. എന്തുകൊണ്ടാണ് ഇവർക്ക് ഇങ്ങനെ സംഭവിച്ചത് ? എന്താ ദൈവം ഇതൊന്നും കാണുന്നില്ലേ? എന്നൊക്കെ. ഇന്നത്തെ സുവിശേഷത്തിൽ ഈശോ പറയുന്ന ഒരു കാര്യം ഞാൻ പറയുന്ന കാര്യങ്ങളെല്ലാം ഉൾക്കൊള്ളാൻ നിങ്ങൾക്ക് കഴിയില്ല എന്നതാണ്.

അതായത് ഈ ലോകത്ത് നടന്നുകൊണ്ടിരിക്കുന്ന എല്ലാ സംഭവങ്ങളുടെയും പിന്നിലുള്ള ദൈവിക പദ്ധതി ഉൾക്കൊള്ളാനും ഗ്രഹിക്കുവാനും പരിമിതനായ മനുഷ്യന് പറ്റില്ല എന്നു തന്നെ. നമ്മൾ എത്ര ചിന്തിച്ച് തല പുണ്ണാക്കിയാലും എന്തുകൊണ്ട് ചില കാര്യങ്ങൾ ഇങ്ങനെ സംഭവിക്കുന്നു എന്നുള്ളതിന് വ്യക്തവും കൃത്യവുമായ ഒരു മറുപടി നമുക്കില്ല. അതുകൊണ്ട് ചില കാര്യങ്ങൾ നമുക്ക് ഉൾക്കൊള്ളാൻ ആകില്ല എന്ന് അംഗീകരിക്കുക എന്നുള്ളതാണ് പ്രധാന കാര്യം.

എന്ന് പരിശുദ്ധ ത്രിത്വത്തിന്റെ തിരുനാളാണ്. സത്യത്തിന് ത്രിത്വം എന്ന് പറയുന്ന രഹസ്യവും അപ്രകാരം തന്നെ. അത് പൂർണമായി മനസിലാക്കാനോ ഉൾക്കൊള്ളുവാനോ പരിമിതമായ മനുഷ്യബുദ്ധിക്ക് സാധിക്കില്ല. അഗസ്തിനോസിന്റെ പഴയ കഥ തന്നെ ഉദാഹരണം. ഏത്...? കക്ക കൊണ്ട് കടൽ വറ്റിക്കാൻ നോക്കിയ കുഞ്ഞിന്റെ അവസ്ഥ. ഏതാണ്ട് അത്തരമൊരു സാഹസം ആയിരിക്കും ത്രിത്വരഹസ്യത്തെ മനസ്സിലാക്കാൻ ശ്രമിക്കുക എന്നുള്ളതും.

ഈ ത്രിത്വം എന്നത് സാമാന്യ മനുഷ്യബുദ്ധിക്ക് ഗ്രഹിക്കാൻ ആയിട്ട് അത്ര എളുപ്പമുള്ള കാര്യമല്ല കെട്ടോ.. ത്രിത്വൈക ദൈവസങ്കല്പം ഒരു ത്രികോണം എന്നുള്ള രീതിയിലോ അല്ലേൽ H2O വെള്ളം, നീരാവി, ഐസ് എന്നിങ്ങനെ മൂന്ന് രൂപത്തിൽ പ്രത്യക്ഷമാകുന്നു എന്നൊക്കെ ഉദാഹരണത്തിന് വേണ്ടി മാത്രം പറയാം എന്നു മാത്രം. അല്ലെങ്കിൽ
പിന്ന ഒരു ആറ്റത്തിൽ ന്യൂട്രോൺ , പ്രോട്രോൺ, ഇലക്ട്രോൺ എങ്ങനെ 3 particle ഉണ്ട്. ഒന്നു മറ്റൊന്നിനോട് ബന്ധപ്പെട്ടിരിക്കുന്നു എന്നോ അതുമല്ലെങ്കിൽ Mathamatics ന്റെ ഭാഷയിൽ പറഞ്ഞാൽ (ഭൂഗോളത്തിന്റെ സ്പന്ദനം തന്നെ കണക്ക് ആണല്ലോ) 1×1×1=1
എന്നൊക്കെ പറഞ്ഞു പ. തൃത്വത്തെ explain ചെയ്യാം. എന്നാലും അതിനും ഒരു പൂർണ്ണത ഇല്ല. എന്നു വച്ചാൽ എത്ര വിരിക്കാൻ ശ്രമിച്ചാലും അതിനും അപ്പുറം നിൽക്കുന്നു തൃത്വയ്ക ദൈവ സങ്കൽപ്പം.

*2. കൂട്ടായ്മയുടെ ദൈവം*

വിമാന അപകടമാകട്ടെ മറ്റേത് ദുരന്തമാകട്ടെ സംഭവിക്കുമ്പോഴുമുള്ള ഒരു നല്ല കാര്യം എന്നു പറയുന്നത് കുറെ നല്ല മനുഷ്യന്മാർ എല്ലാവരും ഒന്നിച്ചു വരുന്നു രക്ഷാ പ്രവർത്തനം നടത്താൻ ശ്രമിക്കുന്നു എന്നുള്ളതാണ്. പ്രളയത്തിന്റെ സമയത്തും ഉരുൾപൊട്ടലിന്റെ സമയത്തും കേരളത്തിൽ അത് പ്രകടമായി നമ്മൾ കണ്ടതാണ് . (ചില പാഷണത്തിലെ ക്രിമികൾ എവിടെയും ഉണ്ട് കെട്ടോ. അത് വിട്). ജാതി മത ലിംഗ കക്ഷി രാഷ്ട്രീയ താൽപര്യങ്ങൾ മാറ്റിവെച്ച് ദുരന്തമുഖത്തേക്ക് ഒരുമിച്ച് ഇറങ്ങുന്നു. ആൾക്കൂട്ടം പെട്ടെന്ന് ഒരു കൂട്ടായ്മയായി മാറുന്നു എന്നുള്ള കാഴ്ച .

നമ്മുടെ ദൈവ സങ്കൽപ്പത്തിന്റെ ഏറ്റവും വലിയ സവിശേഷത ദൈവം എന്ന് പറയുന്നത് ഒരു നല്ല കൂട്ടായ്മയാണ്. ദൈവം നല്ല കൂട്ടായ്മയാണ് . അതുകൊണ്ട് നല്ല കൂട്ടായ്മകൾ എവിടെയുണ്ടോ അവിടെ ദൈവിക സാന്നിധ്യമുണ്ട് എന്ന് നിസംശയം പറയാം. അത്തരം കൂട്ടായ്മകൾ നഷ്ടപ്പെട്ടുകൊണ്ടിരിക്കുന്ന കാലഘട്ടത്തിൽ കുറച്ചുകൂടി ഒക്കെ കൂട്ടായ്മയ്ക്ക് വേണ്ടി പരിശ്രമിക്കുക.
ഒറ്റക്കല്ല, ഒരുമിച്ചാണ് നാം വളരേണ്ടത്. "No one is safe until everyone..." എന്നൊക്കെ പറയാറില്ലേ..അതു തന്നെ കാര്യം. വീട്ടിൽ , ഇടവകയിൽ , കുടുംബ യൂണിറ്റിൽ, നാട്ടിൽ ഒരു കൂട്ടയ്മ വളർത്തുക. ആദിമ ക്രൈസ്തവർക്ക് ഉണ്ടായിരുന്ന ഒരു ഗുണം ഈ കൂട്ടായ്മയാണ്. "അവര്‍ അപ്പസ്‌തോലന്‍മാരുടെ പ്രബോധനം, കൂട്ടായ്‌മ, അപ്പംമുറിക്കല്‍, പ്രാര്‍ഥന എന്നിവയില്‍ സദാ താത്‌പര്യപൂര്‍വ്വം പങ്കുചേര്‍ന്നു."
(അപ്പ. പ്രവര്‍ 2 : 42) നമ്മുക്ക് ഇല്ലാതെ പോകുന്നതും ഈ കൂട്ടായ്മയാണ്
വ്യക്തികൾ, കുടുംബങ്ങൾ, മതങ്ങൾ തമ്മിലുള്ള ഐക്യം/ കൂട്ടായ്മ നഷ്ടപ്പെട്ടുകൊണ്ടിരിക്കുന്ന കാലം ആണ് ഇത് . നമ്മുടെ കൂട്ടായ്മകൾ വെറും ആൾക്കൂട്ടമായി ചുരുങ്ങി കൊണ്ടിരിക്കുന്ന കാലം. ആൾക്കൂട്ടത്തിൽ എല്ലാവരും പരസ്പരം അപരിചിതർ ആണ് . ഉത്സവം ,പെരുന്നാൾ, ചന്ത, തിയറ്റർ, അപകടം നടന്ന സ്ഥലം എല്ലായിടത്തും ആൾക്കൂട്ടമാണ്. പരസ്പരം പരിചിതമായ കൂട്ടായ്മകൾ വളർത്തിയെടുക്കാൻ നമുക്ക് പരിശ്രമിക്കാം.

3. സത്യത്തിൻറെ പൂർണ്ണത

ആത്മാവിൻറെ ഒരു സവിശേഷതയായി പറയുന്ന കാര്യം അവൻ സത്യത്തിന്റെ പൂർണ്ണതയിലേക്ക് നമ്മെ നയിക്കും എന്നുള്ളതാണ്. നമ്മുടെ ഈ കാലഘട്ടത്തിലെ ഒരു പ്രശ്നം ഏതാണ് സത്യം ഏതാണ് അസത്യം എന്ന് തിരിച്ചറിയാൻ വലിയ പാടാണ്. അസത്യങ്ങളെ അർദ്ധ സത്യങ്ങളായും അർദ്ധ സത്യങ്ങളെ സത്യങ്ങളായി അവതരിപ്പിച്ചു കൊണ്ടിരിക്കുന്നു. അതുകൊണ്ടുതന്നെ ശരിയും തെറ്റും വിവേചിച്ചറിയാൻ വലിയ ബുദ്ധിമുട്ടാണ്. അതിനു പരിശുദ്ധാത്മാവിന്റെ സാന്നിധ്യം നമ്മെ സഹായിക്കും. ആത്മാവ് നമ്മെ സത്യത്തിന്റെ പൂർണ്ണതയിലേക്ക് നയിക്കും എന്നാണ് പറയുന്നത്. പലപ്പോഴും നമ്മുടെ നാട്ടിലും വീട്ടിലും സഭയിലും നടക്കുന്ന പ്രശ്നത്തിന്റെ പ്രധാനപ്പെട്ട കാരണം പൂർണ സത്യങ്ങൾ അറിയാത്തതും മനസ്സിലാക്കാത്തതുമാണ് അതുകൊണ്ട് ഈയിടങ്ങളിലെല്ലാം ആത്മാവിൻറെ നിറവുണ്ടാകുവാനും സത്യത്തിന്റെ പൂർണ്ണതയിലേക്ക് നമ്മെ നയിക്കാനും പ്രാർത്ഥിക്കാം. നമ്മൾ അറിഞ്ഞത് മാത്രമല്ല ശരി അത് മാത്രമല്ല പൂർണ്ണമായ ശരി എന്ന് തിരിച്ചറിയാനും അംഗീകരിക്കാനും ഉള്ള ഒരു വിവേകവും കൂടി ഉണ്ടാവുന്നത് നല്ലതാണ്.

▤Homily 09 - John 16:12-15⌄

ശ്ലീഹക്കാലം ഞായർ 2

പ. ത്രിത്വത്തിന്റെ തിരുന്നാൾ

*പ. കന്യകാ മറിയത്തിന്റെ സന്ദർശന തിരുന്നാൾ*

യോഹ 11:1-16

Interpretation

1. കൂടെ പോയി ചാവാൻ റെഡി

നേതാവിന്റെ മകളെ ചോദ്യം ചെയ്യാൻ വന്ന കേന്ദ്ര ഏജൻസിക്ക് നേരെ കല്ലേറും മുട്ടയേറും നടന്നതായിരുന്നു കഴിഞ്ഞ ആഴ്ചയിലെ പ്രധാനപ്പെട്ട തമാശ (വാർത്ത). ഏതെല്ലാം സംസ്ഥാനങ്ങളിൽ എത്രയേറെ പ്രമാണികളുടെ കണക്കുക പരിശോധിച്ച ED ഇങ്ങനെ ഒരു ആക്രമണം സ്വപ്നത്തിൽ പോലും കേരളത്തിൽ നിന്നും വിചാരിച്ചു കാണില്ല. അല്ല ഇങ്ങനെ ഒരു ആക്രമണം നേരത്തെ അറിഞ്ഞിരുന്നെങ്കിൽ
ഒരു പക്ഷെ അവർ ഈ പണിക്ക് ഇങ്ങോട്ട് വരില്ലായിരുന്നു. (കുറഞ്ഞ പക്ഷം വേണ്ട മുൻകരുതലുകൾ എടുക്കുമായിരുന്നു).

ഇന്നത്തെ സുവിശേഷത്തിലെ നമ്മൾ കാണുന്ന സംഭവം ഇതിനു നേരെ വിപരീതമാണ്. അതായത് തന്നെ കല്ലെറിയാൻ ഇരിക്കുന്നവരുടെ ഇടയിലേക്ക് ഈശോ ധൈര്യപൂർവം പോകാൻ ഒരുങ്ങുന്നതാണ്. അത് നമ്മൾ മുകളിൽ സൂചിപ്പിച്ചപോലെ പോയി കഴിഞ്ഞപ്പോൾ പ്രതീക്ഷിക്കാത്ത രീതിയിൽ കല്ലേറ് കിട്ടുന്നു എന്നുള്ളതല്ല, മറിച്ച് കല്ലേറ് കിട്ടും എന്ന് അറിഞ്ഞിട്ടും പോകാനായിട്ട് ഈശോ തയ്യാറാകുന്നു എന്നുള്ളതാണ്. സത്യത്തിൽ ദതാണ് ഹീറോയിസം.

നമ്മുടെ ജീവിതത്തിലും പലപ്പോഴും പ്രതിസന്ധികളും പ്രതിഷേധങ്ങളും തടസ്സങ്ങളും ബുദ്ധിമുട്ടുകളും കല്ലേറുകളും ഉണ്ടാകുമെന്ന് അറിഞ്ഞിട്ടും നമ്മൾ ചെയ്യാൻ നിശ്ചയിച്ചു ഉറപ്പിച്ചിട്ടുള്ള ചില നന്മകൾ ചെയ്യാൻ ധൈര്യം ഉണ്ടാവുക വലിയ കാര്യമാണ്. അതായത് പ്രതിസന്ധികൾ വരുമെന്ന് വിചാരിച്ച് പേടിച്ച് പിന്മാറാതെ ധൈര്യപൂർവ്വം ജീവിതത്തിൽ റിസ്ക് എടുത്ത് മുന്നോട്ട് പോകാനായിട്ട് പറ്റുക, കല്ലേറുകൾക്കു മുമ്പിൽ പതറാതിരിക്കുക. ഇന്നത്തെ കല്ലേറുകൾ നാളത്തെ കയ്യടികളായി മാറിയേക്കാം. ചുരുക്കിപ്പറഞ്ഞാൽ ഈശോയെ പോലെ ജീവിതത്തിലെ പ്രതിസന്ധി കളിൽ പിൻന്മാറത്തെ ധൈര്യം പൂർവം മുന്നോട്ടു പോവുക.

ഇനി ഇവിടെ കാണുന്ന ഒരു കാര്യം ഒരുത്തൻ കല്ലേറ് കൊണ്ട് ചാവാൻ പോവുകയാണ് എന്നു പറയുമ്പോഴാണ് അവന്റെ ചങ്കായ വേറൊരുത്തൻ (തോമ) പറയുന്നത് എന്നാ പിന്നെ 'നമുക്കും അവനോടൊപ്പം പോയി ചാവാമെന്ന്".

സത്യത്തിൽ ഇതാണ് സ്നേഹം . - അതായത് ഒരുത്തന് കയ്യടി കിട്ടുമ്പോൾ കൂടെ നിൽക്കാൻ ഇഷ്ടം പോലെ ആൾക്കാർ ഉണ്ടാവും പക്ഷേ കല്ലേറ് കിട്ടി മരിക്കാൻ സമയത്ത് അവന്റെ കൂടെ നിൽക്കാൻ എത്രപേർക്ക് പറ്റും? അവിടെയാണ് ഇമ്മടെ തോമാശ്ലീഹാ വ്യത്യസ്തനാകുന്നത്. നമുക്ക് അവനോടൊപ്പം പോയി മരിക്കാം എന്നാണ് ചങ്കൂറ്റത്തോടുകൂടി പുള്ളി പറയുന്നത്. (പക്ഷെ കുറച്ചു നേരം കഴിയുമ്പോ പുള്ളി തന്നെ ചോദിക്കുന്നുണ്ട് കർത്താവേ , അല്ല നീ അവിടേക്കാ പോണേ..? എന്ന്. അതവിടെ നിൽക്കട്ടെ). സ്നേഹത്തിന്റെ, സൗഹൃദത്തിൻറെ, ശിഷ്യത്വത്തിന്റെ നല്ല പാഠമാണ് തോമാശ്ലീഹാ നമുക്ക് മുന്നിൽ കാണിച്ചു തരുന്നത് . ഗുരുവിൻറെ അപകടകരമായ സാഹചര്യത്തിലും കൂടെ നിൽക്കാൻ ചങ്കുറപ്പ് കാണിക്കുന്ന ശിഷ്യൻ.

മറ്റുള്ളവരുടെ സങ്കടങ്ങളിലും അവരുടെ അപകടകരമായ സാഹചര്യങ്ങളിളും അവരെ ഒറ്റയ്ക്ക് വിടാതെ കൂടെ പോവുക എന്നുള്ളതാണ് അവരോട് കാണിക്കാവുന്ന ഏറ്റവും വലിയ സഹായം. -അതിനു മറ്റൊരു നല്ല ഉദാഹരണമാണ് പ. 'അമ്മ. ഇന്ന് പ. അമ്മയുടെ സന്ദർശന തിരുന്നാൾ കൂടിയാണ്. അതായത് തന്റെ ആന്റിക്ക് (ബന്ധു-കൃത്യമായ ബന്ധം ബൈബിളിൽ പറയുന്നില്ല കെട്ടോ) വർധിക്യത്തിൽ പ്രസവ ശുശ്രൂഷക്ക് ആളെ ആവശ്യമുണ്ട് എന്നു മനസിലാക്കി പ. അമ്മ അവളോട്‌ ഒപ്പം ആയിരിക്കാൻ കൂടെ പോകുന്നു. ഇതാണ് സ്നേഹം. അപരന്റെ ആവശ്യങ്ങളിൽ , ഒറ്റപ്പെടലുകളിൽ കൂടെ നിൽക്കുക എന്നതാണ് പ. 'അമ്മ നൽകുന്ന പാഠം. പ. അമ്മയുടെ ഈ സന്ദർശന തിരുനാളിൽ ഒറ്റപ്പെട്ട് പോയ ചില മനുഷ്യന്മാരെ സന്ദർശിക്കാൻ അവരെ സഹായിക്കാൻ നമുക്കും സമയം കണ്ടെത്തം...-

വീണ്ടും തോമാ ശ്ലീഹായിലേക്ക് വരാം. മറ്റുള്ള ശിഷ്യന്മാരൊക്കെ മടിച്ചു തന്നപ്പോൾ സംശയിച്ചു നിന്നപ്പോൾ അവടെ കേറി 'ഗോൾ' അടിക്കുന്നത് തോമാ ശ്ലീഹയാണ്. ദീദിമോസ്‌ എന്ന അവന്റെ ആ ഗ്രീക്ക് പേരിന്റെ അർത്ഥം ഇരട്ട എന്നാണ്. (ഇരട്ട -Twin എന്നതിന്റെ അരമായ ഭാഷയിലെ പദമാണ് 'താഓമാ' (tāʾōmā)
അതാണ് പിന്നെ നമ്മൾ തോമാ , തോമാ എന്നു വിളിക്കാം തുടങ്ങിയത് എന്നറിയമല്ലോല്ലേ...)
ക്രിസ്തുവിന്റെ ഇരട്ടയാണ് തോമ്മാ എന്ന ചില പാരമ്പര്യ വിശ്വാസങ്ങൾ ഉണ്ട്. ഗുരുവിന്റെ അതേ തീക്ഷണതയും ചങ്കുറപ്പും സ്വന്തമാക്കിയ ശിഷ്യൻ . ആ അർത്ഥത്തിൽ അവൻ ക്രിസ്തുവിന്റെ ഇരട്ട തന്നെ ...
ശ്ലീഹാകാലമാണ് ഈശോയ്ക്ക് വേണ്ടി കല്ലേറു കൊള്ളാനും വേണ്ടി വന്നാൽ ചാവേറായി മാറാനുമുള്ള ഉത്തരവാധിത്വം ഒരു ക്രിസ്തു ശിഷ്യനുണ്ട് എന്ന് ഈ കാലം നമ്മെ ഓർമ്മിപ്പിക്കുന്നു.

എന്തായാലും രണ്ടു കാര്യങ്ങൾ ഓർക്കുക ജീവിതത്തിലെ അപകടം നിറഞ്ഞ ചില സാഹചര്യങ്ങളിലേക്ക് ഈശോയെപോലെ ധൈര്യപൂർവ്വം ഇറങ്ങിച്ചെല്ലുക. രണ്ട് നമ്മുടെ കൂട്ടത്തിൽ ഒരാൾ അത്തരം സാഹചര്യങ്ങളിൽ ഫേസ് ചെയ്യുന്നുണ്ടെങ്കിൽ തോമയെപോലെ , പ. അമ്മയെ പോലെ അവരോടൊപ്പം നിക്കാനുള്ള ചങ്കുറപ്പു കാണിക്കുക.

2. ഓരോന്നിനും അതിന്റേതായ സമയമുണ്ട്......

സുവിശേഷത്തിൽ നാം കാണുന്നത് ലാസർ രോഗബാധിതനായി എന്നറിഞ്ഞിട്ടും രണ്ടുദിവസം കൂടി ഈശോ താൻ ആയിരുന്നിടത്ത് തങ്ങി എന്നാണ്. എന്നിട്ട് ലാസർ മരിച്ചു കഴിഞ്ഞിട്ടാണ് ഈശോ അങ്ങോട്ട് വരുന്നത്. ഇച്ചിരി നേരത്തെ പുള്ളി വന്നിരുന്നെങ്കിൽ ലാസർ മരിക്കില്ലയിരുന്നു. പക്ഷെ ഈശോ പോയില്ല. എന്തേ...?
ഡാനിയേൽ അച്ചൻ പറയുന്നപോലെ ഈശോ നേരത്തെ വന്നിരുന്നെങ്കിൽ രോഗം മാറ്റിയ ലാസറിനെ മാത്രമേ നമുക്ക് കിട്ടുമായിരുന്നുള്ളൂ (അതിൽ ഒരു ത്രിൽ ഇല്ല..) എന്നാൽ അവൻ നേരം വൈകിയതുകൊണ്ട് മരിച്ചു ഉയർത്തെഴുന്നേറ്റ ലാസറിനെ നമുക്ക് കിട്ടി. അതായത് കൂടുതൽ ഉന്നതമായ മഹത്വമായ ഒരു അത്ഭുതത്തിന് ജനം സാക്ഷ്യം വഹിച്ചു.
എന്നു പറഞ്ഞാൽ കർത്താവ് നിന്റെ ജീവിതത്തിൽ എന്തെങ്കിലും കാര്യം നേരം വൈകിപ്പിക്കുന്നുണ്ടെങ്കിൽ പേടിക്കേണ്ട കൂടുതൽ മഹത്വപൂർണ്ണമായി ഒന്ന് നിന്റെ ജീവിതത്തിൽ സംഭവിക്കാനിരിക്കുന്നുണ്ട് . Late ആയി വന്താലും അവൻ latest ആയിതാൻ വരുവേ...
നമ്മുടെ ജീവിതത്തിൽ കർത്താവ് സമയത്തിന് ഇടപെടുന്നില്ല എന്ന് നമുക്ക് തോന്നുന്നുണ്ടെങ്കിൽ വിഷമിക്കരുത് അവൻ ഇടപെടുന്നത് അതീവ ശക്തമായിട്ടായിരിക്കും. പക്ഷെ കുറച്ചു കൂടി കഴിഞ്ഞു ആയിരിക്കും. ഒരു വലിയ മഹത്വം നിന്റെ ജീവിതത്തിൽ നടക്കാൻ വേണ്ടിയിട്ടാണ് ചെറിയ കാലതാമസം കർത്താവ് അനുവദിക്കുന്നത് എന്നു ചുരുക്കം. അതുകൊണ്ടു കുറച്ചു ക്ഷമയോടെ കാത്തിരിക്കുക. ഓർക്കുക... "എല്ലാറ്റിനും ഒരു സമയമുണ്ട്‌. ആകാശത്തിന്‍കീഴുള്ള സമസ്‌തകാര്യത്തിനും ഒരവസരമുണ്ട്‌."
സഭാ 3 : 1.
എല്ലാറ്റിനും അതിൻറേതായ സമയമുണ്ട് ദാസാ....

3.പ. ത്രിത്വം = കൂട്ടായ്മ

ഇന്ന് പ. ത്രിത്വത്തിന്റെ തിരുന്നാൾ ആണ്

ഈസ്റ്റർ കഴിഞ്ഞു കഴിഞ്ഞു 5⃣0⃣ ആം ദിവസം പന്തക്കുസ്ത. അതിനു അടുത്ത ഞായറാഴ്ച പ. ത്രിത്വത്തിന്റെ തിരുനാൾ .അത് കഴിഞ്ഞു വരുന്ന വ്യാഴാഴ്ച പരിശുദ്ധ കുർബാനയുടെ തിരുനാൾ ( Corpus Cristi) അത് കഴിഞ്ഞു വരുന്ന വെള്ളിയാഴ്ച( പിറ്റേ ദിവസം അല്ല കെട്ടോ) ഈശോയുടെ തിരുഹൃദയ തിരുനാൾ. അതിനടുത്ത ദിവസം ശനിയാഴ്ച മാതാവിൻറെ വിമലഹൃദയ തിരുനാൾ. ഇതാണ് ഒരു ലിറ്റർജിക്കൽ ഓർഡർ

നമ്മുടെ വിശ്വാസത്തിൻറെ കേന്ദ്രം എന്ന് പറയുന്നത് പ. ത്രിത്വമാണ്. പ. ത്രിത്വത്തിന്റെ നാമത്തിലാണ് നമ്മൾ മാമോദീസ സ്വീകരിക്കുന്നത്. നമ്മുടെ ഒരുവിധ പ്രാർത്ഥനകളെല്ലാം (പ .കുർബാന അടക്കം...??) ആരംഭിക്കുന്നതോ അവസാനിക്കുന്നതോ പരിശുദ്ധ ത്രിത്വത്തിന്റെ നാമത്തിലാണ്. നാം കുരിശുവര അവസാനിപ്പിക്കുന്നതും ഇതേ നാമത്തിലാണ്. വിശ്വാസപ്രമാണത്തിനും നമ്മൾ ഈ വിശ്വാസം ഏറ്റു ചൊല്ലുന്നുണ്ട്.
എന്ന് പറഞ്ഞൽ ജീവിതത്തിൽ ഉടനീളം നാം അറിഞ്ഞോ അറിയാതെയോ പരിശുദ്ധ ത്രിത്വ വിശ്വാസം ഏറ്റു പറയുന്നുണ്ട് . സ്നേഹത്തിന്റെയും ഐക്യത്തിന്റെയും പ്രതീകമായിട്ടാണ് പരിശുദ്ധ തൃത്വത്തെ നാം കണക്കാക്കുക.

ത്രിത്വത്തെകുറിച്ച് പറയുമ്പോൾ മനസ്സിലാക്കേണ്ട ഒരു കാര്യം ഇതാണ്. നമ്മുടെ ദൈവസങ്കൽപം എന്നുപറയുന്നത് ഒരു കൂട്ടായ്മയാണ്. ദൈവം എന്ന് പറയുന്നത് നല്ല ഒരു കൂട്ടായ്മയാണ്. അതുകൊണ്ട് നല്ല കൂട്ടായ്മ എവിടെയുണ്ടോ അവിടെ ദൈവം ഉണ്ട്. കൂട്ടായ്മ വളർത്തിയെടുക്കുക. ഒറ്റക്കല്ല, ഒരുമിച്ചാണ് നാം വളരേണ്ടത്. "No one is safe until everyone..." എന്നൊക്കെ പറയാറില്ലേ..അതു തന്നെ കാര്യം. വീട്ടിൽ , ഇടവകയിൽ , കുടുംബ യൂണിറ്റിൽ, നാട്ടിൽ ഒരു കൂട്ടയമ വളർത്തുക. വ്യക്തികൾ, കുടുംബങ്ങൾ, മതങ്ങൾ തമ്മിലുള്ള ഐക്യം/ കൂട്ടായ്മ നഷ്ടപ്പെട്ടുകൊണ്ടിരിക്കുന്ന കാലം ആണ് ഇത് എന്ന്‌ ഓർക്കുക. ബോധപൂർവം ഒരു കൂട്ടായ്മ സൃഷ്ടിക്കുക.

ലിയോ 14മൻ മാർപാപ്പയുടെ ആദ്യ ചാക്രിക ലേഖനമായുടെ ആദ്യ ചാക്രിക ലേഖനം മാഗ്നിഫികാ ഹുമാനിത്താസ് (Magnifica Humanitas) 'മഹത്തായ മാനവരാശി' കഴിഞ്ഞ ദിവസം പുറത്തിറങ്ങി. പാപ്പാ അതിൽ രണ്ടുദാഹരണം പറയുന്നു .ഒന്ന് ബാബേൽ ഗോപുരത്തിന്റെയാണ് (ഉല്പ 11:1-9)മറ്റൊന്ന് ജെറുസലേം മതിൽ നിർമ്മാണമാണ് (നെഹമിയ 3) . ബാബേൽ അനൈക്യത്തിന്റെ പ്രതീകമാണ്. അതു ദൈവത്തിനു നേരെ നടത്തിയ വെല്ലു വിളിയാണ്. അതു ചിതറിക്കപ്പെട്ടു.
ജെറുസലേം മതിൽ ഐക്യത്തിന്റെ പ്രതീകമായതിനാൽ അത് പണിത് ഉയർത്തപ്പെട്ടു.
നമ്മുടെ ദൈവം ഒരു കൂട്ടായ്മയാണ്. പ. ത്രിത്വം പൂർണ്ണമായ ഐക്യത്തിന്റെ പ്രതീകമാണ്. അതുകൊണ്ട്
നമുക്ക് ഐക്യമാണ്. ഐക്യത്തിനു വേണ്ടിയുള്ള ശ്രമങ്ങൾ ദൈവികമാണ് അതിനു എതിരെയുള്ള ശ്രമങ്ങൾ അത്രയങ് ദൈവികമല്ല എന്നു വേണം കണക്കാക്കാൻ.

ചോദ്യവും ഉത്തരവും

ക്രിസ്തുമതത്തിലെ ത്രിത്വയ്ക ദൈവത്തെ കുറിച്ചുള്ള വിശ്വാസത്തിന്റെ ഉറവിടം എന്ത്??

ബൈബിൾ - പഴയ നിയമം

പഴയ നിയമത്തിൽ
യഹൂദർ ഏകദൈവ വിശ്വാസികൾ ആണ് എങ്കിലും ഒരു ബഹു ദൈവ സങ്കല്പം ചിലപ്പോഴെങ്കിലും കാണാൻ പറ്റും.

ഉല്പത്തി 1: 26 ൽ "നമുക്ക് (Plural) നമ്മുടെ ഛായയിലും സാദൃശ്യത്തിലും...." എന്ന പ്രയോഗം കാണാം

ഉല്പത്തി 18:3 ൽ 3 ദൈവദൂതന്മാർ അബ്രഹാമിനെ സന്ദർശിക്കുന്ന സംഭവം വായിക്കുന്നു

പുതിയ നിയമം

സുവിശേഷങ്ങളിൽ ഈശോയുടെ ഞാനസ്നാന സമയത്ത് പിതാവും പുത്രനും പരിശുദ്ധാത്മാവും പ്രത്യക്ഷപ്പെടുന്നു. പിന്നെ
ഈശോ മിഷൻ പ്രവർത്തനത്തിനായി ശിഷ്യന്മാരെ അയക്കുമ്പോൾ പിതാവിനെയും പുത്രനെയും പരിശുദ്ധാത്മാവിനെയും നാമത്തിൽ സ്നാനം നൽകാൻ ആവശ്യപ്പെടുന്നു. (മത്തായി 28:20)

പൗലോസ് ശ്ലീഹായുടെ ലേഖനങ്ങളിൽ Trinitarian Formula പലയിടത്തായി കാണാം.
"കർത്താവായ യേശുക്രിസ്തുവിന്റെ കൃപയും ദൈവത്തിന്റെ സ്നേഹവും പരിശുദ്ധാത്മാവിന്റെ സഹവാസവും നിങ്ങളോടുകൂടെ ഉണ്ടായിരിക്കട്ടെ" (2 കോറി 13 :13 ).
സഭാപിതാക്കന്മാരുടെ ‍എഴുത്തുകളിൽ ത്രിത്വം എന്നതിനു തുല്യമായ 'ത്രിനിത്താസ്' എന്ന ഗ്രീക്ക് പദം ആദ്യമായി ഉപയോഗിച്ചത് തെർത്തുല്യൻ എന്ന ദൈവശാസ്ത്രജ്ഞൻ ആണ്. ( അതിനു മുൻപ് തിയൊഫിലസ് 'ത്രയാസ്' എന്ന പദം ഉപയോഗിച്ചിരുന്നു. പക്ഷെ ക്രെഡിക്ട മുഴുവൻ
തെർത്തുലന് പോയി) ഇതിൽ നിന്നാണ് പിന്നീട് TRINITY യുടെ ഉൽഭവം.

ദൈവം ഒന്നാണ്. ദൈവത്തിൽ മൂന്നു ആളുകൾ . ഒരു സ്വഭാവം/ പ്രകൃതം(NATURE) ആണെങ്കിലും
3⃣ വ്യക്തികൾ പിതാവ് പുത്രൻ പരിശുദ്ധാത്മാവ് . പിതാവ് പുത്രനിലും പരിശുദ്ധാത്മാവിലും പുത്രൻ പിതാവിലും പരിശുദ്ധതാവിലും പരിശുദ്ധ ആത്മാവ് പിതാവിലും പുതനിലും പൂർണമായി കുടികൊള്ളുന്നു.