ശ്ലീഹ 4 ഞായർ ലൂക്ക 6: 27-36

Biblical Background

മത്തായിയുടെ സുവിശേഷത്തിലെ ഗിരി പ്രഭാഷണത്തിന് തുല്യമായി ലൂക്ക അവതരിപ്പിച്ചിരിക്കുന്ന സമതല പ്രഭാഷണ( Sermon on the Plain) ത്തിലെ ഭാഗമാണ് ഇന്നത്തെ സുവിശേഷം. യഹൂദർക്കിടയിൽ അതുവരെ നിലനിന്നിരുന്ന സാമൂഹിക ധാർമികതയുടെ അടിസ്ഥാനം മോശയുടെ നിയമങ്ങൾ ആയിരുന്നു.(പുറപ്പാട് 21:24, ലേവി 20:24,) (അതിന്റെ അടിസ്ഥാനം BC 1800ലെ കാലത്തിലെ Code of Hammurabi ആണ് എന്നാണ് അനുമാനം. അതു വിട്ടു കള..) "കണ്ണിനു പകരം കണ്ണ് ; പല്ലിനു പകരം പല്ല്.." (അതു മാത്രം കൂടുതൽ എടുക്കരുത് plz....) എന്നുള്ളത് അന്നത്തെ ഗോത്ര വർഗ ധാർമികതതിൽ വലിയ കാര്യമായിരുന്നു.(ഇസ്രായേൽ എന്ന ചെറു രാജ്യം ഏതാണ്ട് ഇപ്പോഴും 'അടിക്ക് അടി' എന്ന ആ പഴയ ഗോത്ര വർഗ പ്രത്യയ ശാസ്ത്രമാണ് പിന്തുടരുന്നത് എന്നു തോന്നുന്നു. ) എന്നാൽ അതിനും അപ്പുറത്തുള്ള ഒരു ക്രിസ്തീയ ജീവിത ശൈലി ആണ് ഈശോ ഇവിടെ പഠിപ്പിക്കുന്നത്.

Interpretation

1. ക്രിസ്തീയ പ്രതികരണ ശൈലി
2.
ലോകം യുദ്ധ മുഖത്താണ്. ഇന്ത്യ പാകിസ്താനെ വിടാൻ ഉദേശമില്ല , ഇസ്രായേൽ ഇറാനെ വെറുതെ വിടാൻ ഉദേശമില്ല... (വെടി നിര്ത്താൽ താത്ക്കാലിക ശമാനമായി കണ്ടാൽ മതി... ) റഷ്യ ഉക്രൈനെ വിടാൻ ഉദേശമില്ല.... അമേരിക്ക ആരെയും വെറുതെ വിടാൻ ഉദേശമില്ല.... ശത്രുക്കളെ തുരത്തുക എന്നതാണ് ലോക നിയമം. അപ്പോഴാണ് ശത്രുക്കളെ സ്നേഹിക്കണം എന്ന ഈശോയുടെ നിയമം. ‍‍

സ്നേഹിക്കുക ( To love)
നന്മ ചെയ്യുക (Do Good) അനുഗ്രഹിക്കുക ( To bless)
പ്രാർത്ഥിക്കുക (To Pray) ഇതാണ് മിത്രത്തോടായാലും ശത്രുവിനോടായാലും ഒരു ക്രിസ്തീയ പ്രതികരണ ശൈലി.

ചില പിള്ളേരുടെ പെരുമാറ്റം കാണുമ്പോൾ നമ്മൾ പറയില്ലേ ഇവന് ഇവൻ്റെ അപ്പൻറെ/ അമ്മയുടെ തനി സ്വഭാവമാണ് എന്നോക്കെ. നമ്മുടെ അപ്പൻറെ, സ്വർഗ്ഗസ്ഥനായ പിതാവിൻറെ സ്വഭാവമാണ് കരുണ. അതുകൊണ്ട് മക്കളായ നമുക്കും ആ ഒരു സ്വഭാവം ഉണ്ടാവണം.
ദൈവത്തിൻറെ സ്വഭാവമാണ് കരുണ എന്നാണ് 'കരുണയുടെ മുഖം' എന്ന പേപ്പൽ ബുള്ളിൽ പോപ്പ് ഫ്രാൻസിസ് പറയുന്നത്. കരുണ എന്ന പദത്തിന് തുല്യമായ hebrew വാക്ക് 'റഹീം' ( hezed എന്ന വേറെ വാക്കും ഉണ്ട് കെട്ടോ) എന്നാണ്. ഇതേ വാക്ക് തന്നെയാണ് ഗർഭപാത്രം(womb) എന്നതിനും hebrew ൽ ഉപയോഗിക്കുക.
എന്നുവെച്ചാൽ ഒരു മനുഷ്യൻ ഏറ്റവും കൂടുതൽ സംരക്ഷണവും (Protection) and കരുതൽ ( Care ) ലഭിക്കുന്നത് അമ്മയുടെ ഗർഭപാത്രത്തിലാണ്. ദൈവ കരുണ/സ്‌നേഹം എന്നാൽ ഒരു അമ്മയുടെ ഗർഭ പാത്രം കണക്കെ നമുക്ക് ലഭിക്കുന്ന സ്നേഹവും സംരക്ഷണവും ആണ് എന്ന് ചുരുക്കം.

ഇതേ കാരുണ്യം ആ പിതാവിന്റെ മക്കൾ എന്ന നിലയില് മറ്റുള്ളവരോട് കാണിക്കാൻ നാം ബാധ്യസ്ഥരാണ്.

ഉദാഹരങ്ങൾ:

Eg. 1⃣. വാ. സിസ്റ്റർ റാണി മരിയയെ കൊലപ്പെടുത്തിയ സമാന്ദർ സിങ്നെ സഹോദരി സി. സെൽമി പോൾ രാഖി കെട്ടുന്നു.

2. തൻറെ ഭർത്താവിനെയും മക്കളായ ഫിലിപ് and തിമോത്തി‍‍‍ എന്നിവരെയും ചുട്ടു കൊന്നവരോട് ഗ്രഹാം സ്റ്റെയിൻസ് ഭാര്യ ഗ്ലാഡിസ് ക്ഷമിക്കുന്നു.

3. തന്നെ വെടിവെച്ച അലി അഗ്ക എന്ന തീവ്രവാദിയോട് ജോൺ പോൾ രണ്ടാമൻ മാർപാപ്പ ക്ഷമിച്ച് ജയിലിൽ പോയി കാണുന്നു.
ദ്രോഹിക്കുന്ന വരോട് ക്ഷമാപൂർവം പെരുമാറി അവരെ തിരിച്ചു സ്നേഹിക്കുക എന്നുള്ള ജീവിതശൈലി സ്വന്തമാക്കുക അത്ര എളുപ്പമല്ല. പക്ഷേ അതാണ് ക്രിസ്തു സാക്ഷ്യം. "പിതാവേ ഇവർ ചെയ്യുന്നതെന്താണെന്ന് ഇവർ അറിയുന്നില്ല ഇവരോട് ക്ഷമിക്കണമേ" എന്ന് പറഞ്ഞു കൊണ്ടാണല്ലോ അവൻ മിഴിപൂട്ടിയത്.

2. അങ്ങോട്ടും ഇങ്ങോട്ടും

കൊച്ചു കുട്ടികൾ തല്ലു കൂടുമ്പോൾ നമ്മൾ കാരണം തിരക്കി കഴിഞ്ഞാൽ അവര് പറയും ടീച്ചറെ അവൻ എന്നെ ആദ്യം അടിച്ചു അതുകൊണ്ടാണ് ഞാൻ അങ്ങോട്ട് ഇടിച്ചത് . അല്ലെങ്കിൽ അവൻ എന്നെ ആദ്യം തെറി വിളിച്ചു അതുകൊണ്ടാണ് ഞാൻ അവനെ തെറി വിളിച്ചത്. അതായത് അവൻ ഇങ്ങോട്ട് ചെയ്യുന്നത് എന്തോ അതാണ് ഞാൻ അങ്ങോട്ട് ചെയ്തത് എന്ന് ചുരുക്കം . സുവിശേഷത്തിൽ ഈശോ പറയുന്ന ഒരു കാര്യം മറ്റുള്ളവർ നിങ്ങളോട് എങ്ങനെ പെരുമാറണം എന്ന് നിങ്ങൾ ആഗ്രഹിക്കുന്നുണ്ടോ നിങ്ങൾ അതുപോലെ ആദ്യം അവർക്ക് ചെയ്യണം എന്നാണ്. (ഇതാണ് നിയമവും പ്രവാചകന്മാരും എന്ന് മത്തായി തന്റെ സുവിശേഷത്തിൽ ചേർക്കുന്നുണ്ട്) ഇസ്രായേലിന്റെ സുവർണ്ണ നിയമം എന്ന് കണക്കാക്കുന്നതും ഈ ഒരു കല്പനയാണ്. അതായത് മറ്റുള്ളവർ നമ്മളെ സ്നേഹിക്കണം എന്ന് ആഗ്രഹിക്കുന്നുണ്ടോ നമ്മൾ ആദ്യം അവരെ സ്നേഹിക്കുക മറ്റുള്ളവരെ നമ്മളെക്കുറിച്ച് നല്ലത് പറയണം എന്ന് ആഗ്രഹിക്കുന്നുണ്ടോ നമ്മൾ ആദ്യം അവരെ കുറിച്ച് നല്ലത് പറയുക (നടക്കണ കാര്യം വല്ലതും ആണോ...) മറ്റുള്ളവർ നമ്മളെ ആശ്വസിപ്പിക്കണം എന്ന് നമ്മൾ ആഗ്രഹിക്കുന്നുണ്ടോ നമ്മൾ ആദ്യം അവരെ ആശ്വസിപ്പിക്കുക. പലപ്പോഴും എനിക്ക് നല്ല കൂട്ടുകാരില്ല അയൽക്കാരില്ല സഹപ്രവർത്തകരില്ല എന്നൊക്കെ പരാതി പറയാറുണ്ട് ഓർക്കേണ്ട ഒരു കാര്യം ഞാൻ അപരന് നല്ല കൂട്ടുകാരനാണോ? നല്ല സഹപ്രവർത്തകനാണോ? നല്ല അയൽക്കാരനാണോ..? എന്നു വച്ചാൽ അങ്ങോട്ടു എങ്ങനെ യാണോ അങ്ങനെ തന്നെ ഇങ്ങോട്ടും. കൊടുത്താൽ കൊല്ലത്തും കിട്ടും എന്ന് പറയാറില്ലേ അതു തന്നെ കാര്യം.

*3. പത്രോസും പൗലോസും

സഭയിലെ 2 നെടുംതൂണുകളായ ശിഷ്യന്മാരുടെ തിരുന്നളാണ് ഇന്ന്. പത്രോസും പൗലോസും... ഒരാൾ ശിക്ഷ പ്രമുഖനാണ്. ഈശോയുടെ കൂടെ മൂന്നുവർഷം നടന്നവനാണ്. മറ്റൊരാൾ ഈശോയെ കണ്ടിട്ട് പോലുമില്ല. ഒരാൾ വരുമൊരു മുക്കുവനാണ് മറ്റൊരാൾ നല്ല അറിവുള്ള ഒരു യഹൂദ ഫരിസേയനാണ് . ഒരാൾ യഹൂദ ദേശത്തിനുള്ളതാണ് അപരനാകട്ടെ ഗ്രീക്ക് ദേശത്തു നിന്നുള്ളവനാണ് (താർസൂസ്)
എന്ന് പറഞ്ഞാൽ ആശയം കൊണ്ടും ഭാഷ കൊണ്ടും ജീവിതസാഹചര്യം കൊണ്ടും അറിവിൻറെ കാര്യത്തിലും പറഞ്ഞു വരുമ്പോൾ ഇവർ രണ്ടുപേരും രണ്ട് 'എക്സ്ട്രീം' ആണ് ഇവർ തമ്മിൽ ചില തർക്കങ്ങൾ ഉണ്ടായതായി നമുക്കറിയാം എങ്കിലും ക്രിസ്തുവിനെ പ്രഘോഷിക്കുന്ന കാര്യത്തിൽ ക്രിസ്തുവിന് വേണ്ടി ജീവിക്കുന്ന കാര്യത്തിൽ സഭയുടെ വളർച്ചയ്ക്ക് വേണ്ടി നിലകൊള്ളുന്ന കാര്യത്തിൽ രണ്ടുപേരും ഒരുമിച്ചു നിന്നു എന്നതാണ് സത്യം. സഭയുടെ വളർച്ചയുടെ കാര്യത്തിൽ ഇവർ രണ്ടുപേരും ഒരേപോലെ പ്രാധാന്യം അറിയിക്കുന്നവരും പ്രശംസ അർഹിക്കുന്നവരുംമാണ്. പൗലോസിന്റെ സവിശേഷതയായി പറയുന്നത് അദ്ദേഹത്തിൻറെ തീക്ഷണതയാണ്. താൻ കണ്ടിട്ട് പോലുമില്ലാത്ത ഒരു വ്യക്തിക്ക് വേണ്ടി തന്റെ മാനസാന്തരത്തിന് ശേഷം ശിഷ്ടകാലം മുഴുവനായി മാറ്റിവയ്ക്കാൻ അദ്ദേഹം തയ്യാറായി. അദ്ദേഹത്തിൻറെ എഴുത്തുകൾ വളരെ പവർഫുൾ ആണ് ക്രിസ്ത്യൻ ദൈവ ശാസ്ത്രം തന്നെ ഈശോയല്ല പൗലോസാണ് കെട്ടിപ്പൊക്കിയത് എന്ന് പറയാറുണ്ടല്ലോ..)

പത്രോസിനെ കുറിച്ചുള്ള ഏറ്റവും പ്രധാന ഗുണം മറ്റുള്ളവരെക്കാൾ അധികമായി അവൻ ഈശോയെ സ്നേഹിക്കാൻ ‍‍ തയ്യാറായി. എന്നുള്ളതാണ് പലതവണ വീണു പോയിട്ടും വീണ്ടും ആ സ്നേഹത്തിലേക്ക് അവൻ നടന്നു എന്നുള്ളതാണ് സവിശേഷത. ഈ ശിക്ഷ പ്രമുഖർ നമ്മെ ഓർമിപ്പിക്കുന്ന ചില കാര്യങ്ങൾ ഇങ്ങനെയാണ്
ഒന്നാമതയി പൗലോസിനെപോലെ
ഈശോയ്ക്ക് വേണ്ടി തീഷ്ണമായിട്ട് ‍ജോലി ചെയ്യാൻ നമുക്ക് പറ്റണം നമ്മുടെ വായനയും എഴുത്തും ജീവിതവും ക്രിസ്തുവിനെ പ്രഘോഷിക്കുന്നതാകണം . രണ്ടാമതായി പത്രോസിനെ പോലെ വീണു പോയാലും ഈശോയുടെ സ്നേഹത്തിലേക്ക് മടങ്ങിവരാൻ നമുക്ക് പറ്റണം .
അവസാനമായി ആശയപരമായി ജീവിത സാഹചര്യ പരമായി എന്തെല്ലാം അകൽച്ചകൾ നമുക്കിടയിൽ ഉണ്ടെങ്കിലും ഈശോയ്ക്ക് വേണ്ടി സഭയ്ക്ക് വേണ്ടി ഒത്തൊരുമയോടെ അഭിപ്രായത്തോടെ മുന്നേറുവാൻ നമുക്ക് പറ്റണം. പത്രോസ് പൗലോസ് ശ്ലീഹാന്മാരുടെ തിരുന്നാൾ മംഗളങ്ങൾ....

▤Homily 15 - (Luke 6:60 -69)⌄

ശ്ലീഹാ കാലം ഞായർ 4⃣ യോഹന്നാൻ 6:60 -69

BIBLICAL BACKGROUND

യോഹന്നാന്റെ സുവിശേഷത്തിലെ ആറാം അധ്യായം പരിശുദ്ധ കുർബാന യെക്കുറിച്ചുള്ള ഈശോയുടെ
ദീർഘ സംഭാഷണം ആണ്. അപ്പം വർധിപ്പിച്ചതിനു ശേഷമാണ് ഈശോ ഇപ്രകാരം ഒരു ദീർഘ സംഭാഷണം നടത്തുന്നതായി യോഹന്നാൻ സൂചിപ്പിക്കുന്നത്. (മറ്റു സുശേഷങ്ങൾ അപ്പം വർധിപ്പിക്കുന്ന കാര്യം മാത്രമേ പറയുന്നുള്ളൂ) എന്നാൽ യോഹന്നാന്റെ സുവിശേഷത്തിലാണ് ദൈവശാസ്ത്രപരമായ ഒരു വ്യാഖ്യാനം ഈ അത്ഭുതത്തിന് നൽകുന്നത്. (യോഹന്നാൻ പണ്ടേ ഒരു തിയോളജിയൻ ആയതുകൊണ്ട് മൂപ്പര് ഇത്തിരി ഡീറ്റെയിൽ ആയിട്ട് രേഖപ്പെടുത്തിയത് ആയിരിക്കും)

INTERPRETATION

1. നിത്യ ജീവന്റെ വചനങ്ങൾ

ഇന്നത്തെ വായനകൾ മുഴുവനും വചനവുമായി ബന്ധപ്പെട്ടതാണ്. ആദ്യ വായനയിൽ ദൈവമായ കർത്താവ്- യഹോവ നേരിട്ട് നൽകിയ വചനങ്ങൾ അഥവാ 10 കൽപ്പനകൾ പുറപ്പാടിന്റെ പുസ്തകത്തിൽ വായിക്കുന്നു. ഇസ്രായേൽ ജനത്തിന്റെ ജീവന്റെ, ജീവിതത്തിന്റെ അടിസ്ഥാനമാണ് ദൈവത്തിന്റെ ഈ വാക്കുകൾ അഥവാ 10 കൽപ്പനകൾ. രണ്ടാം വായനയിൽ എസിക്കിയേക്കിയപ്രവാചകൻ ചുരുളുകൾ അഥവാ വാക്കുകൾ/ വചസ്സുകൾ ഭക്ഷിക്കുന്ന കാര്യം പറയുന്നു.. പുള്ളിക്കത് വായിൽ തേൻപോലെ മധുരിച്ചു എന്നാണ് പ്രവാചകൻ രേഖപ്പെടുത്തിയിരിക്കുന്നത്. ( പുള്ളി ശരിക്കും തേൻ കഴിച്ചിട്ടുണ്ടോ എന്തോ....) ഇതിന്റെ തുടർച്ചയാണ് സുവിശേഷവും . അവിടെ പത്രോസ് പറയുന്നു നിത്യജീവൻറെ വചസുകൾ/ വാക്കുകൾ ക്രിസ്തുവിലാണ് എന്ന്.

ലോകത്തിലുള്ള സകലമാനമനുഷ്യരെയും തന്റെ വാക്കുകളിലൂടെ ഈശോ സ്വാധീനിച്ചിട്ടുണ്ട്. ഇന്നും സ്വാധീനിച്ചു കൊണ്ടിരിക്കുന്നു.
അത്
മഹാത്മാഗാന്ധി, മാർട്ടിൻ ലൂഥർ കിംഗ്‌ പോലുള്ള മഹാന്മാർആകട്ടെ, ലിയോ ടോൾസ്റ്റോയ്, ഫയദോർ ഡെസ്റ്റോയോവിസ്കി പോലുള്ള സാഹിത്യകാരന്മാർ ആകട്ടെ അല്ലെങ്കിൽ ഐസക്കിന് ന്യൂട്ടനെ പോലെയോ (പറഞ്ഞാൽ വിശ്വസിക്കില്ല ഹീബ്രൂ ഭാഷാവരെ പഠിച്ചു ബൈബിലെ പുസ്തകങ്ങളുടെ- ഡാനിയേൽ, വെളിപാട്- commentary വരെ എഴുതിയിട്ടുള്ള ആളാണ് ഇമ്മടെ ന്യൂട്ടൻ കെട്ടോ...) ബ്ലയ്‌സ് പാസ്‌കലിനെ പോലുള്ള ശാസ്ത്രജ്ഞന്മാരെയാകട്ടെകട്ടെ അല്ലെങ്കിൽ മെൽ ഗിബ്സൻ ജെയിംസ് കാൽവിൻസണിപോലുള്ള ലോകോത്തര സിനിമ രംഗത്തുള്ളവരെയാകട്ടെ അതുമല്ലെങ്കിൽ നമ്മുടെ കാലഘട്ടത്തിലെ ഇമ്മടെ സ്വന്തം സഞ്ജുവിനെപോലയോ ജമീലാ റോഡ്ഗ്രെസസിനെ പോലെയോ എന്തിന് നുമ്മടെ സ്വന്തം മുഖ്യമന്ത്രിയെപോലും ഏറെ സ്വാധീനിച്ച ഒന്നാണ് യേശുവിൻറെ വചനങ്ങൾ ( മുഖ്യമന്ത്രി തന്റെ ബൈബിൾ കേന്ദ്രീകൃത പ്രസംഗങ്ങളുടെ പുസ്തകം വരെ പബ്ലിഷ് ചെയ്തു. ആദം നീ എവിടെയാകുന്നു ...?)

എന്ന് പറഞ്ഞാൽ ഈശോയുടെ വചനങ്ങൾ എല്ലാ കാലഘട്ടത്തിലും എല്ലാ തൊഴിൽ മേഖലകളിലും ജീവിത സാഹചര്യങ്ങളിലും പ്രായഭേദമന്യേയുള്ള സകല മനുഷ്യരെ സ്വാധീനിച്ചിട്ടുണ്ട്, സ്വാധീനിച്ചു കൊണ്ടിരിക്കുന്നു. അതാണ് പത്രോസ് ഈശോയെ നോക്കി പറയുന്നത് നിത്യജീവന്റെ വചസുകൾ നിന്നിലുണ്ട് എന്ന്. ജീവന്റെ വചനമായ ഈശോയെ തിരിച്ചറിയുക. ബൈബിൾ വായിക്കുക, വചനം പഠിക്കുക, ധ്യാനിക്കുക. ഒന്നുരണ്ടു ബൈബിൾ വചനമൊക്കെ ഒന്ന് byheart പഠിക്കുക. (കണ്ട സിനിമ ഡയലോഗ് മാത്രം പഠിച്ചാൽ പോരാ...) ദൈവത്തിൻറെ വചനങ്ങൾ കൂടി പഠിക്കുവാൻ ആയിട്ടുള്ള മനസ്സുണ്ടാവുക. ദൈവവചനത്തിന് അതിൽ തന്നെ ഒരു ശക്തിയുണ്ട് എന്ന് തിരിച്ചറിയുക. വചനം ചൊല്ലി പ്രാർത്ഥിക്കാനും തിരു വചന കൊന്ത ചൊല്ലാനും വചനം എഴുതി മാലയാക്കി കോർക്കാനും ബൈബിൾ എഴുതുവാനുമൊക്കെ നമ്മൾ തയ്യാറാവുക. ഇമ്മടെ പിള്ളേർക്ക് എത്രപേർക്ക് 2 ബൈബിൾ വചനം തെറ്റുകൂടതെ പറയാൻ പറ്റും...?( By the way, പിള്ളേരുടെ കാര്യം അവിടെ നിക്കട്ടെ , നമ്മിൽ എത്രപേർക്ക് പറ്റും... )

വാക്കുകൾക്ക് അതിൽ തന്നെ ഒരു ശക്തിയുണ്ട്. അതു ദൈവത്തിന്റെ ആകട്ടെ മനുഷ്യന്റെ ആകട്ടെ. അതുകൊണ്ട് മറ്റൊരാൾക്ക് ജീവൻ പകരുന്ന വാക്കുകൾ നമ്മുടെ നാവിൽ നിന്നും പുറപ്പെടുവാൻ ശ്രമിക്കുക. മറ്റൊരാളെ മുറിപ്പെടുത്തുന്ന, അപരന്റെ ജീവൻ അപഹരിക്കുന്ന വാക്കുകൾ നമ്മുടെ നാവിൽ നിന്നും വരാതിരിക്കാൻ ശ്രദ്ധിക്കുക (പ്രത്യകിച്ചു ഇമ്മടെ വചന പീഠത്തിൽ നിന്നു ).

2. വിട്ട് പോകുന്നവരോ...???‍ കൂടെ നിൽക്കുന്നവരോ...??

ഈശോയുടെ പഠനങ്ങളുടെ കാഠിന്യം കാരണം ചിലർ ഈശോയെ വിട്ടു പോയെന്നും പിന്നീട് അവർ അവന്റെ കൂടെ നടന്നിട്ടില്ല എന്നൊക്കെയാണ് സുവിശേഷം പറയുന്നത്.

രാഷ്ട്രീയത്തിൽ ഇടയ്ക്ക് കേൾക്കുന്ന കാര്യമാണ് പലരും പാർട്ടി വിട്ടുപോയി, പാർട്ടി പിളർപ്പിലേക്ക് എന്നൊക്കെ... ഇപ്പൊ തന്നെ ബംഗാളിൽ ഇമ്മടെ മമതാജിയെ വിട്ട് ഏതാനും എംഎൽഎമാരും എംപിമാരും ബിജെപിയുടെ കൂടെ പോയി... നമ്മുടെ അയൽ സംസ്ഥാനത്ത് ബിജെപി വിട്ട് ചില നേതാക്കന്മാർ അണ്ണൻറെ കൂടെ പോകുന്നു... നമ്മുടെ നാട്ടിലാണെങ്കിൽ നേതാക്കന്മാർ പലരും അവസരം നോക്കി പാർട്ടി വിട്ടുപോകുന്നത് സ്ഥിരം സംഭവമാണ്. ആശയപരമോ വ്യക്തിപരമോ ആയ അകൾച്ചയോ അല്ലെങ്കിൽ അധികാരമോഹമോ ഒക്കെയാണ് ഇപ്രകാരം ചില വിട്ടുപോകലുകളിലക്ക് മനുഷ്യരെ എത്തിക്കുന്നത്. സുവിശേഷത്തിൽ കാണുന്ന കാര്യം ഈശോയുടെ പറഞ്ഞത് മനസ്സിലാക്കാൻ പറ്റാത്ത കുറെ പേർ അവനെ ഇട്ടേച്ചു പോയി എന്നാണ്. (അല്ല അതിൽ അവരെ പൂർണ്ണമായും കുറ്റം പറയാൻ പറ്റില്ല. അമ്മാതിരി ഒരു ഒന്നൊന്നര 'ടോക്ക്' അല്ലേ ഈശോ കുർബനയെ കുറിച്ചു അവർക്ക് കൊടുത്തത്).

പലപ്പോഴായി നമ്മൾ കേൾക്കുന്ന ഒരു സംഗതിയാണ് പല കാരണങ്ങൾ കൊണ്ടു ചിലർ പാർട്ടി വിട്ടു പോകുന്നു, ചിലർ പള്ളി വിട്ടുപോകുന്നു, വേറെ ചിലര് (താര) സംഘടന വിട്ടുപോകുന്നു, ചിലര് കുടുംബം വിട്ടുപോകുന്നു എന്നൊക്കെ... അതായത് തങ്ങൾക്ക് ഇഷ്ടപ്പെടാത്ത ചില കാര്യങ്ങൾ നടക്കുമ്പോൾ ,-വീട്ടിൽ, നാട്ടിൽ ,പള്ളിയിൽ, പാർട്ടിയിലും, അതിനോടുള്ള പ്രതിഷേധമായോ താത്പര്യകുറവ് കൊണ്ടോ അതു ഉപേക്ഷിച്ചു പോകുന്നു‍ എന്നുള്ളത് സ്വാഭാവികമായ രീതിയാണ്. ആശയത്തിന്റെ കാര്യത്തിലും ഇതു തന്നെ. നമുക്ക് ഒരു ഇഷ്ടപ്പെടാത്ത/ മനസിലാക്കാനാവാത്ത ഒരു കാര്യം വരുമ്പോൾ അത് പറഞ്ഞവരെയും പഠിപ്പിച്ചവനേയും വേണ്ട എന്ന് വെച്ച് വിട്ടുപോരുന്നു. ( ഇമ്മടെ പിള്ളേര് Tution class മാറുന്ന പോലത്തെ അവസ്ഥ. ടീച്ചർ പറയുന്നത് ഒന്നും മനസിലാകുന്നില്ല. കുറ്റം മുഴുവൻ പാവം ടീച്ചറിന്...) അതല്ലാതെ പറഞ്ഞ കാര്യ കാര്യത്തിന്റെ ഗൗരവം മനസ്സിലാക്കുവാനോ അതിൻറെ അർത്ഥം ആഴത്തിന് ഗ്രഹിക്കുവാനോ ഉപേക്ഷിച്ചു പോകുന്ന ആ ബന്ധത്തിന്റെ - അത് പാർട്ടിയാകട്ടെ പള്ളി ആകട്ടെ കുടുംബമാകട്ടെ വ്യക്തിയാകട്ടെ- ഗൗരവവും ആഴവും മനസ്സിലാക്കാനും ശ്രമിക്കാറില്ല . പലപ്പോഴും ഒരാവേശത്തിന് ഒരു എടുത്ത് ചാട്ടമാണ് നമ്മുടേത്. ഈശോയുടെ ശിഷ്യന്മാരും അത്തരത്തിൽ തന്നെയാണ്. ഈ വചനം കഠിനമാണ് എന്നാണ് അവർ പറയുന്നത്. ഏത് വചനം ..? (അത് മനസ്സിലാകണമെങ്കിൽ യോഹന്നാന് 6:25 മുതൽ വായിച്ചു നോക്കിയാൽ മതി.) കുർബാനയെ കുറിച്ചുള്ള പഠനമാണ്. അത് മനസ്സിലാക്കാത്തതു കൊണ്ടാണ് ശിഷ്യർ വിട്ടുപോകുന്നത് . ഈശോയുടെ എല്ലാം പഠനങ്ങളും ഉപദേശങ്ങളും നമുക്ക് മുഴുവനായി മനസ്സിലാക്കാവുന്നതും ആഴത്തിൽ ഗ്രഹിക്കാവുന്നതും നമുക്ക് ഇഷ്ടപ്പെടുന്നതും ആയിക്കൊള്ളണമെന്നില്ല. എങ്കിലും അവനെ വിട്ടു പോകാതെ നിൽക്കുക എന്നുള്ളതാണ് ഒരു യഥാർത്ഥ ക്രിസ്ത്യാനിയുടെ/ ക്രിസ്തു ശിഷ്യൻറെ ഉത്തരവാദിത്വം. ഇനി ഇത് ഈശോയുടെ കാര്യത്തിൽ മാത്രമല്ല കെട്ടോ.. നമ്മൾ ആയിരിക്കുന്ന ഏതൊരു so called Institution ന്റെ കാര്യത്തിലും , ഏതു...? കുടുംബം, പള്ളി ,പാർട്ടി, സംഘടന ,വ്യക്തി, ഇങ്ങനെയുള്ള എല്ലാ ബന്ധങ്ങളും നമുക്ക് മനസ്സിലാകുന്നില്ല എന്നതിന്റെ പേരിൽ ഉപേക്ഷിച്ച് പോകാതിരിക്കാനായിട്ടുള്ള വിവേകം ഉണ്ടാവുക എന്നുള്ളതാണ് പ്രധാനം. ഇട്ടേച്ചു പോകാൻ എളുപ്പമാണ് കൂടെ നിൽക്കാനാണ് ബുദ്ധിമുട്ട്.

3. ശരീരം ഒന്നിനും ഉപകരിക്കുന്നില്ല.

യോഹന്നാൻറെ സുവിശേഷത്തിലെ രണ്ട് പ്രധാന പ്രതീകങ്ങളാണ് ആണ് ആത്മാവും (PNEUMA) ശരീരവും( SARX) യോഹന്നാനെ സംബന്ധിച്ച് ആത്മാവാണ് പ്രധാനപ്പെട്ടത്. (ഇതിനു ഒരു GREEK PHILOSOPHY സ്വാധീനം കൂടി ഉണ്ട് കെട്ടോ). ഇതേ ആശയം പൗലോസിന്റെ ലേഖനങ്ങളിലും കാണുന്നു.

ജെസ്യൂട് വൈദികനായ വി . ഫ്രാൻസിസ് ബോർജിയെകുറിച്ച് ഇപ്രകാരം ഒരു കഥയുണ്ട്. പതിനാറാം നൂറ്റാണ്ടിൽ ചാൾസ് V മൻ രാജാവിൻറെ കൊട്ടാരത്തിലെ പ്രമുഖന്മാരിൽ ഒരാളായിരുന്നു ഫ്രാൻസിസ്. രാജാവിൻറെ ഭാര്യയായ
അതീവ സുന്ദരിയായ ഇസബെല്ല രാജ്ഞി അകാലത്തിൽ മരണപ്പെടുന്നു. രാജ്ഞിയുടെ അന്ത്യകർമ്മങ്ങളിൽ ശവ പേടകത്തെ അനുഗമിക്കുക എന്നുള്ളത് ഫ്രാൻസിസിന്റെ കടമയായിരുന്നു. കർമ്മങ്ങളുടെ അവളുടെ ശവ മഞ്ചം തുറന്നപ്പോൾ അയാൾ ഞെട്ടി. താൻ ഇത്ര നാൾ കണ്ടിരുന്ന സൗന്ദര്യവതിയായ ആ സ്ത്രീയുടെ ശരീരം ക്ഷയിച്ച് വിരൂപമായി തീർന്നിരിക്കുന്നു. ആ കാഴ്ച അദ്ദേഹത്തെ മാറ്റിമറിച്ചു . ശാരീരിക സൗന്ദര്യത്തിന്റെ ക്ഷണികത അദ്ദേഹം തിരിച്ചറിഞ്ഞു. മരണത്തിന് കീഴ്പ്പെടുത്താൻ സാധിക്കത്തെ യജമാനനെ മാത്രമേ താൻ ഇനി സേവിക്കൂ എന്ന് അദ്ദേഹം നിശ്ചയം ചെയ്തു. പിന്നീടാണ് അദ്ദേഹം കൊട്ടാര സുഖങ്ങളും ഉപേക്ഷിച്ച് ജെസ്യൂട് സഭയിൽ ചേരുന്നതും മിഷനറി ആവുന്നതും പിന്നീട് വിശുദ്ധൻ ആയി മാറുന്നതും.

എന്നുപറഞ്ഞൽ ശരീരം ഒന്നിനും ഉപകരിക്കുന്നില്ല എന്നുള്ള തിരിച്ചറിവ് നമ്മുടെ ജീവിതത്തെ കുറച്ചു മാറ്റിമറിക്കും. ശരീരത്തിന്റെ ക്ഷണികത തിരിച്ചറിയുക. പലപ്പോഴും അതിനു സാധിക്കാതെ പോകുന്നു എന്നുള്ള ഒരപകടം നമ്മുക്കുണ്ട്. നമ്മുടെ സമയവും കഴിവും സമ്പത്തും എല്ലാം ഒന്നിനും ഉപകരിക്കാത്ത ശരീരത്തിൻറെ ആവശ്യങ്ങൾക്കും തൃഷ്ണകളെ തൃപ്തിപ്പെടുത്താനും ഉള്ളതാണ് വലിയ പ്രശ്‌നം. ശരീരത്തോട് ഒരല്പം അകൽച്ച പാലിച്ചുകൊണ്ട് ജീവിക്കാൻ ആയിട്ട് സ്വയം പരിശീലിക്കുക.

കേരളത്തിലെ ഒരു ഹാസ്യ നടൻ അപ്രതീക്ഷിതമായി വിട പറഞ്ഞ ദിവസങ്ങളായിരുന്നു. അദ്ദേഹത്തിന്റെ പല ഇൻറർവ്യൂ ഈ ദിവസങ്ങളിൽ വൈറൽ ആയിരുന്നു. അതിലൊന്നിൽ അദ്ദേഹം പറയുന്ന വാക്കുകൾ ഇപ്രകാരമാണ് നമ്മുൾ ഈ ലോകത്ത് ഒരുപാട് സാധനങ്ങൾ വാങ്ങിക്കൂട്ടുന്നു. പക്ഷേ അതൊന്നും ഇവിടുന്ന് എക്സ്പോർട്ട് ചെയ്യാൻ നമ്മുക്ക് അനുവാദമില്ല . ചുമ്മാ വാങ്ങിക്കൂട്ടാ അത്ര മാത്രമേ ഉള്ളൂ... ഇവിടുന്ന് പോകാൻ നേരത്ത് ഒന്നും കയറ്റാൻ പറ്റില്ല... പിന്നെ എന്തിനുവേണ്ടിയാണ് നമ്മൾ ഇങ്ങനെ വാങ്ങിക്കൂട്ടുന്നത്.., ശേഖരിച്ചു കൂടുന്നത് ...?

ശരീരം ഒന്നിനും ഉപകരിക്കുന്നില്ല എന്നണ് യോഹന്നാന്റെ ഈശോ പറയുന്നത്.
നമ്മുടെ പ്രശ്നം നമ്മൾ ശരീരത്തിൽ മാത്രം ഒതുങ്ങിക്കൂടുന്നു എന്നതാണ്. ശരീരം, അതിന് ആവശ്യമായ ഭക്ഷണം, വസ്ത്രം പിന്നെ അതിനെ മോടി പിടിപ്പിക്കാനുള്ള ചായങ്ങൾ, ചമയങ്ങൾ നിറക്കൂട്ടുകൾ അതിൽ മാത്രമാണ് നമ്മുടെ ശ്രദ്ധ. നമുക്ക് ചുറ്റുമുള്ള എല്ലാ കടകളും ശരീരത്തിന് വേണ്ടി മാത്രം ആണ്. അതു ഇന്നത്തെ കാലത്തിൻറെ പ്രത്യേക കൂടിയാണ്. എന്നാൽ ഈശോ പറയുന്നു " എന്തു ഭക്‌ഷിക്കും, എന്തു പാനംചെയ്യും, എന്തു ധരിക്കും എന്നു വിചാരിച്ചു നിങ്ങള്‍ ആകുലരാകേണ്ടാ.
മത്തായി 6 : 31 എന്നാണ്." ( അത് ഇന്നത്തെ തലമുറയോടുള്ള ഉപദേശം കൂടിയാണ്.)
അതുകൊണ്ടു വല്ലപ്പോഴെങ്കിലും ശരീരത്തെ വിട്ടു പിടിക്കു. ആത്മാവിനെക്കുറിച്ച് ഒന്ന് ചിന്തിക്കുന്നത് നല്ലതാണ്. ആത്മാവിനാവശ്യമായ ഭക്ഷണവും സുരക്ഷിതതത്വവും അതിനാവശ്യമായ പോഷകാംശങ്ങളും കൊടുക്കുന്നുണ്ടോ എന്ന് ഉറപ്പുവരുത്തുക

"ആത്‌മാവില്‍ ആരംഭിച്ചിട്ട്‌ ഇപ്പോള്‍ ശരീരത്തില്‍ അവസാനിപ്പിക്കുവാന്‍മാത്രം ഭോഷന്‍മാരാണോ നിങ്ങള്‍?"
ഗലാത്തിയാ 3 : 3

എന്നുള്ള പൗലോസിന്റെ ചോദ്യം നമ്മോടും കൂടി ഉള്ളതാണ് കെട്ടോ..
അസീസിയിലെ ഫ്രാൻസിസ് തന്റെ ശരീരത്തെ 'കഴുത' എന്നൊക്കെയാണ് വിശേഷിപ്പിക്കുന്നത്. അത്രയും ഒന്നും പറ്റിയില്ലെങ്കിലും ആവശ്യത്തിലധികം പ്രാധ്യാന്യം ശരീരത്തിന് നൽകേണ്ട എന്ന Theology of Body(TOB) ജോണ് പോൾ രണ്ടാമന്റെ പഠനങ്ങളെ നമുക്ക് ഗൗരവത്തിൽ എടുക്കാം.

ചോദ്യവും ഉത്തരവും

യോഹന്നാൻറെ സുവിശേഷത്തിലെ ആറാം അധ്യത്തിന്റെ പ്രസക്തി.

മറ്റു സുവിശേഷങ്ങളിൽ ഈശോയുടെ കുർബാന സ്ഥാപന സംഭവം നമ്മൾ വായിക്കുമ്പോൾ യോഹന്നാൻ അതു രേഖപ്പെടുത്തിയിട്ടില്ല . എന്നാൽ യോഹന്നാന്റെ സുവിഷേശം ആറാം അധ്യായം കുര്ബാനയെ ക്കുറിച്ചുള്ള പഠനമായിട്ടാണ് പൊതുവെ കണക്കാക്കുക.
യോഹന്നാൻ
ഈശോയെ 'LOGOS' -'WORD' ആയിട്ടാണ് സുവിഷത്തിന്റെ ആദ്യം അവതരിപ്പിച്ചിരിക്കുന്നത്. എന്നാൽ ഈ സുവിശേഷഭാഗത്തിൽ അപ്പത്തെക്കുറിച്ചുള്ള /ദിവ്യകാരുണ്യ ത്തെക്കുറിച്ചുള്ള ഈശോയുടെ പഠനവും ഒപ്പം ഈശോ വചനമാണ് എന്ന പഠനവും കാണാൻ സാധിക്കും. ഈശോ ജീവൻറെ അപ്പം ആണ് എന്ന് പറയുന്നത് പോലെ തന്നെ ഈശോ നിത്യജീവന്റെ വാക്കാണ് എന്ന് യോഹന്നാൻ തന്റെ സുവിശേഷത്തിലൂടെ അവതരിപ്പിക്കുന്നത് . വല്ലതും മനസിലായോ..... ??

അതായത് ഉത്തമാ....

യോഹന്നാൻ ഈശോക്കു 2 പ്രതീകങ്ങൾ കൊടുക്കുന്നു. (അതു രണ്ടും നമുക്ക് ആറാം അധ്യായത്തിൽ കാണാം)

1. ഈശോ നിത്യജീവന്റെ അപ്പം (Bread of Eternal Life) ആണ് ( അതു ഈശോ തന്നെ പറയുന്നു - യോഹ 6:25-59 )

2. ഈശോ നിത്യ ജീവൻറെ വചസ് ( Word of Eternal Life) ആണ്. അതു പുള്ളിക്കാരൻ nice ആയി ഇമ്മടെ പത്രോസിനെകൊണ്ടു പറയിപ്പിക്കുന്നു.

സത്യത്തിന് ഇത് രണ്ടും നമ്മൾ അറിയുന്നതും അനുഭവിക്കുന്നത് പരിശുദ്ധ കുർബാനയിൽ ആണ് . അവിടെ Breaking of the Bread and Breaking of the Word ഇങ്ങനെ രണ്ടു കാര്യങ്ങൾ നടക്കുന്നു. ഇതു രണ്ടും ഒരു പോലെ പ്രധാനപ്പെട്ടതാണ്.