ഏലിയ- ശ്ലീവാ- മൂശക്കാലം
1⃣ ഞായർ
ലൂക്ക 18:35-43

Liturgical Background

കർത്താവിന്റെ രണ്ടാമത്തെ ആഗമനവും കുരിശിന്റെ വിജയവുമാണ് ഈ കാലത്തിന്റെ പ്രധാന അനുസ്മരണ വിഷയം. കർത്താവിന്റെ രണ്ടാമത്തെ വരവിന് മുമ്പായി ഏലിയ വരുമെന്ന ഒരു വിശ്വാസം ആദിമ സഭയിലുണ്ടായിരുന്നു.
ലോക അവസാനം, മരണം, വിധി ഇത് മൂന്നും ആണ് ഈ കാലത്തിലെ പ്രധാനപ്പെട്ട ധ്യാന വിഷയങ്ങൾ. അവസാന നാളുകളിൽ ഈശോ കുരിശോടു കൂടി പ്രത്യക്ഷപ്പെടും എന്നും എലിയായും മോശയും അവനോടൊപ്പം ഉണ്ടാകുമെന്നും സഭ വിശ്വസിക്കുന്നു. സെപ്റ്റംബർ 14 ന് ആഘോഷിക്കുന്ന വി. കുരിശിന്റെ പുകഴ്ചയുടെ തിരുനാൾ ഈ കാലത്തിലെ പ്രധാന ആ ആഘോഷമാണ്.

Biblical background

ജെറുസലേമിലേക്കുള്ള ഈശോയുടെ യാത്രയുടെ അവസാനത്തിലാണ് ഈ സുവിശേഷ ഭാഗം ലൂക്ക രേഖപ്പെടുത്തുന്നത്. സമാന്തര സുവിശേഷങ്ങളിൽ(മത്തായി, മർക്കോസ്, ലൂക്ക) മൂന്നിലും കാണുന്ന അത്ഭുതമാണ് ഇത്‌. മർക്കോസിന്റെ സുവിശേഷത്തിൽ അന്ധനെ ‍പേര് ബർതിമേയൂസ്‌ ( son of തിമേയൂസ്) എന്ന് പറയുമ്പോൾ ലൂക്ക പ്രത്യേകിച്ച് പേര് പറയുന്നില്ല. (അല്ലെങ്കിലും ഈ പേരിലൊക്കെ എന്തിരിക്കുന്നു അല്ലെ..??)

Interpretation

1. "ദാവീദിനെ പുത്രാ യേശുവേ..."

അന്ധൻ‍ ഈശോയെ അഭിസംബോധന ചെയ്യുന്നത് ഇപ്രകാരം ആണ്.
സമാന്തര സുവിശേഷകന്മാർ ഈശോയ്ക്ക് നൽകാൻ ഉദ്ദേശിക്കുന്ന ഒരു വിശേഷണം അവൻ ദാവീദിന്റെ പുത്രനാണ്, രക്ഷകൻ ആണ് എന്നാണ്. യേശു എന്ന പേരു തന്നെ അത് സൂചിപ്പിക്കുന്നു. 'യഹോവ രക്ഷിക്കുന്നു' അല്ലെങ്കിൽ 'രക്ഷകൻ' എന്നു തന്നെയാണ് അതിനർത്ഥം.

(അല്പം പൊതു അറിവിലേക്ക്)

YESHU(യേശു)= A Hebrew proper noun

ISHO(ഈശോ)=
( East) Syrian pronunciation/translation of hebrew/ aramaic name YESHU

ഇനി YESHU ( യേശു ) എവിടുന്നു വന്നു എന്ന് നോക്കാം.

YESHU ( യേശു) വന്നത് YEHOSUA ( യെഹോഷ്വാ) എന്ന hebrew നാമത്തിൽ നിന്നാണ് . അതിനെ തന്നെ യോഷ്വാ/ ജോഷ്വാ എന്നും നമ്മൾ മലയാളത്തിൽ പറയുന്നു. 'യഹോവ രക്ഷിക്കുന്നു'/ 'രക്ഷകൻ എന്നാണ് ആ പേരിന്റെ അർത്ഥം.

ഇനി ഈ YESHU ( യേശു) വിന്റെ ഗ്രീക്ക് transaltion ആണ് 'IESOUS' (യെസൂസ്)
അതിന്റെ latin translation IESVS/IESUS (യെസൂസ്) അതിന്റെ English ആണ് JESUS

ഇപ്പം മനസിലായി എന്നു വിചാരിക്കുന്നു യേശുവും ഈശോയും ജീസസും തമ്മിലുള്ള ബന്ധം.( മനസിലായില്ലേ...? ഒരു പേരിൽ പലതും ഉണ്ട് എന്ന്.)

അതുകൊണ്ടു "ദാവിദിന്റെ പുത്രാ യേശുവേ..." എന്ന ആ വിളിയിൽ മത്തായി/ മർക്കോസ്/ ലൂക്കാ സുവിശേഷന്മാരുടെ(ഒപ്പം അന്ധന്റെയും‍) ഉദ്ദേശം നമുക്ക് മനസ്സിലാക്കാം. ഈശോ തന്നെയാണ് രക്ഷകൻ എന്നു ഉറപ്പിക്കുക.

യേശു നാമത്തിന്റെ ചില പ്രത്യേകതകൾ

A) രക്ഷക്കുള്ള നാമം
"ആകാശത്തിനു കീഴെ മനുഷ്യരുടെയിടയില്‍ നമുക്കു രക്‌ഷയ്‌ക്കുവേണ്ടി മറ്റൊരു നാമവും നല്‍കപ്പെട്ടിട്ടില്ല."
അപ്പ. പ്രവർ 4 : 12

B) അത്ഭുത ങ്ങൾ നടക്കുന്ന നാമം ‍‍
"പത്രോസ്‌ പറഞ്ഞു: വെള്ളിയോ സ്വര്‍ണമോ എന്റെ കൈയിലില്ല. എനിക്കുള്ളതു ഞാന്‍ നിനക്കു തരുന്നു. നസറായനായ യേശുക്രിസ്‌തുവിന്റെ നാമത്തില്‍ എഴുന്നേറ്റു നടക്കുക".
അപ്പ. പ്രവര്‍ 3 : 6

C) പിശാചുക്കൾ പേടിക്കുന്ന നാമം

"എഴുപത്തിരണ്ടുപേരും സന്തോഷത്തോടെ തിരിച്ചുവന്നു പറഞ്ഞു: കര്‍ത്താവേ, നിന്റെ നാമത്തില്‍ പിശാചുക്കള്‍ പോലും ഞങ്ങള്‍ക്കു കീഴ്‌പ്പെടുന്നു."
ലൂക്കാ 10 : 17

D)അനുഗ്രഹങ്ങൾ ലഭിക്കുന്ന നാമം

എന്റെ നാമത്തില്‍ നിങ്ങള്‍ എന്നോട്‌ എന്തെങ്കിലും ചോദിച്ചാല്‍ ഞാനതു ചെയ്‌തുതരും.
യോഹന്നാന്‍ 14 : 14

അതുകൊണ്ടു പേരിന്റെ ശക്തി മനസിലാക്കുക.

2. What Can I do for You?

ഈശോ അന്ധനോട്‍ ചോദിക്കുന്ന ചോദ്യമാണ്. മറ്റൊരാൾക്ക് ആവശ്യമുള്ളത് എന്തു എന്ന് ചോദിച്ചറിയാനും അത് ചെയ്തു കൊടുക്കാനും ഈശോ എപ്പോഴും ശ്രദ്ധിച്ചിരുന്നു.

അത് അന്ധന് കാഴ്ചയായിരുന്നു

കുഷ്ഠരോഗിക്ക് സൗഖ്യം ആയിരുന്നു

സമരിയാക്കാരി സ്ത്രീയ്ക്ക് ജീവജലം ആയിരുന്നു

നല്ല കള്ളന് പറുദീസ ആയിരുന്നു.....

മരിച്ചവന് ജീവൻ ആയിരുന്നു

മറ്റൊരാളുടെ ആവശ്യങ്ങൾ എന്താണെന്ന് ചോദിക്കുവാനും അതു നമ്മെകൊണ്ടു ആകും വിധം ചെയ്തു കൊടുക്കുവാനും പറ്റുക എന്നുള്ളതാണ് ഇന്നത്തെ കാലത്തെ വലിയ പുണ്യം.
"മറ്റുള്ളവർ നിങ്ങളോട് ചെയ്യാൻ ആഗ്രഹിക്കുന്ന പോലെ നിങ്ങൾ അവരോടും ചെയ്യുവിൻ ഇതാണ് നിയമവും പ്രവാചകൻമാരും" എന്നാണല്ലോ ഈശോ തന്നെ പഠിപ്പിക്കുന്നത്. അത് കൊണ്ടു ഈശോ ചോദിച്ച ചോദ്യം നമുക്കും പരസ്പരം ചോദിക്കാവുന്നതാണ് കൂട്ടുകാരോട്, വീട്ടുകാരോട് ,‍‍ അയൽക്കാരോട്, വികരിയച്ഛനോട് What Can I do for You..?

3. ദൈവത്തെ മഹത്വപ്പെടുത്തുക

കാഴ്ച ലഭിച്ച അന്ധൻ ദൈവത്തെ മഹത്വപ്പെടുത്തി എന്നാണ് സുവിശേഷത്തിൽ പറയുന്നത് . അത് കണ്ടുനിന്ന ജനങ്ങൾ എല്ലാവരും ദൈവത്തെ സ്തുതിച്ചു എന്നും പറയുന്നു. ദൈവത്തിൽ നിന്നും ലഭിച്ച അനുഗ്രഹങ്ങളെ ഓർത്ത് അവിടത്തേക്ക് നന്ദി പറയുവാനും അവിടുത്തെ സ്തുതിക്കുവാനും നമ്മൾ പഠിക്കേണ്ടിയിരിക്കുന്നു. പലപ്പോഴും ദൈവാനുഗ്രഹങ്ങൾക്ക് നന്ദി പറയുവാനും അവിടുത്തെ സ്തുതിക്കാനും നമ്മൾ മടി കാണിക്കുന്നു. കരിസ്മാറ്റിക് ധ്യാനകേന്ദ്രത്തിൽ മാത്രമാണ് ഇപ്രകാരം നന്ദി പ്രകടനം കാണാനും ദൈവസ്തുതി കേൾക്കാനും പറ്റുക. പൊട്ടകഥ: കുഞ്ഞുമകൻ ടോണി മരിച്ചു സ്വർഗത്തിൽ എത്തുന്നു . സെറാഫിൻ മാലാഖ‍ അവനെ സ്വർഗ്ഗത്തിന്റെ മുക്കും മൂലയും കാണിച്ചു കൊടുക്കുന്നു. അതിനിടയിൽ സ്വർഗ്ഗത്തിൽ ഒരു വശത്ത് ഒരു കൂട്ടം മാലാഖമാർ ‍‍അതീവ ശ്രദ്ധയോടെ പണി ചെയ്യുന്നു അവൻ കാണുന്നു. എന്താണ് അവർ ചെയ്യുന്നതെന്നു ടോണി സെറാഫിൻ മാലാഖയോട് ചോദിക്കുന്നു. ഭൂമിയിലെ മനുഷ്യരുടെ അപേക്ഷകൾ ശേഖരിക്കുന്ന എന്നതാണ് ആ മാലാഖമാരുടെ ജോലി എന്ന സെറാഫിൻ പറയുന്നു. അപേക്ഷയുടെ ബാഹുല്യം കാരണം ആ ഗണം മാലാഖമാർ വളരെ busy ആണ്. ടോണി വീണ്ടും സ്വർഗ്ഗത്തിന്റെ മറ്റൊരു വശത്തേക്ക് സഞ്ചരിക്കുന്നു. അവിടെയും കുറച്ചധികം മാലാഖമാർ അതീവശ്രദ്ധയോടെ തിരകിട്ടു ജോലി ചെയ്യുന്നു . അവരുടെ ജോലി എന്താണ് എന്ന് അവൻ തിരക്കുന്നു. ഭൂമിയിലെ മനുഷ്യരുടെ ആവശ്യങ്ങൾ സ്വീകരിച്ച് ഈശോ അവർക്ക് അനുഗ്രഹങ്ങൾ നൽകുന്നു.ഈ അനുഗ്രഹങ്ങളെ ഭൂമിയിലേക്ക് അയച്ചു കൊടുക്കുക എന്നുള്ളതാണ് ഈ രണ്ടാമത് കൂട്ടമാരുടെ ജോലി. അനുഗ്രഹങ്ങളുടെ ബാഹുല്യം കാരണം അവരും വളരെ busy ആണ്. ടോണിയുടെ യാത്ര മുന്നോട്ട് പോകുന്നു. സ്വർഗ്ഗത്തിന്റെ ഒരുവശത്ത് എത്തുമ്പോൾ അവൻ കാണുന്ന കാഴ്ച ഒരു കൂട്ടം മാലാഖമാർ‍ ഒരു പണിയുമില്ലാത്ത അലസരായി നിൽക്കുന്നു . ടോണി സെറാഫിൻ മാലാഖയോട് കാരണം തിരക്കുന്നു. ഈശോ നൽകി അനുഗ്രഹങ്ങൾക്ക് പകരമായി ഭൂമിയിൽ നിന്നും മനുഷ്യൻ നന്ദി പറയുന്നു. അതു ശേഖരിക്കുകയാണ് അവരുടെ ജോലി. പക്ഷെ മനുഷ്യന്മാർ ആരും തന്നെ നന്ദി പറയുന്നില്ല . അതുകൊണ്ടു ആ മാലാഖമാർക്ക് പ്രത്യേകിച്ചു പണിയുമില്ല.

കാര്യം കഥ ആണെങ്കിലും അതിൽ അൽപ്പം കാര്യം ഉണ്ട്. ലഭിച്ച അനുഗ്രഹങ്ങൾക്ക് ദൈവത്തിനു നന്ദി പറയാൻ ദൈവത്തെ മഹത്വപ്പെടുത്താൻ നമുക്ക് പറ്റണം. അതിനു ഏറ്റവും നല്ല ഉദാഹരണമാണ് പരിശുദ്ധ അമ്മ. ആ അമ്മയുടെ സ്തോത്രം ഗീതത്തിൽ എണ്ണിയെണ്ണി അമ്മ ദൈവത്തിനു നന്ദി പറയുകയും ദൈവ സ്തുതികൾ ഏറ്റു പറയുകയും ചെയ്യുന്നു.
അമ്മയുടെ ജനന തിരുന്നാൾ ആണ് വരുന്നത്. അവളൂടെ മാതൃക നമുക്ക് സ്വന്തമാക്കാം.

▤Homily 14 - മർക്കോ 9:2–13⌄

പുറപ്പാട് 34:28–35; 2 ദിനവൃത്താന്തം 5:11–14; 1 കൊറിന്തോസ് 15:35–50;
മർക്കോ 9:2–13
“മലമുകളിൽ കണ്ട മഹത്വം… കുരിശിലൂടെ വരുന്ന വിജയം!”

രൂപാന്തരീകരണം
കുരിശ്
ഉയിർപ്പ്
രണ്ടാം ആഗമനം പ്രത്യാശ

താബോർ മലയിൽ യേശു രൂപാന്തരപ്പെടുമ്പോൾ മോശയും ഏലിയായും അവനോടൊപ്പം പ്രത്യക്ഷപ്പെടുന്നു. ഇത് യാദൃശ്ചികമല്ല.
മോശ — നിയമത്തിന്റെയും ഉടമ്പടിയുടെയും പ്രതീകം.
ഏലിയാ — പ്രവാചകത്വത്തിന്റെയും തീക്ഷ്ണമായ ദൈവവിശ്വാസത്തിന്റെയും പ്രതീകം.
ഇരുവരും ചേർന്ന് ക്രിസ്തുവിലേക്ക് വിരൽചൂണ്ടുന്നു.
താബോറിലെ മഹത്വത്തിനുശേഷം യേശു ജറുസലേമിലേക്കും കുരിശിലേക്കും ഇറങ്ങുന്നു.

“താബോറിലെ അനുഭവം നമ്മെ കുരിശിൽ നിന്ന് രക്ഷപ്പെടാൻ വേണ്ടിയല്ല; കുരിശ് ഏറ്റെടുക്കാൻ ശക്തിപ്പെടുത്താനാണ്.”
1. മോശയുടെ മുഖം പ്രകാശിച്ചു — ദൈവസന്നിധിയിൽ ജീവിക്കുന്ന മനുഷ്യന്റെ മുഖവും പ്രകാശിക്കണം
പുറപ്പാട് 34-ൽ മോശ ദൈവത്തോടൊപ്പം മലയിൽ കഴിഞ്ഞപ്പോൾ അവന്റെ മുഖം പ്രകാശിച്ചു.
ദൈവത്തെ കണ്ടുമുട്ടിയവന്റെ മുഖത്ത് ദൈവത്തിന്റെ പ്രകാശം പ്രതിഫലിച്ചു.
2 ദിനവൃത്താന്തം 5-ൽ പുരോഹിതന്മാർ വിശുദ്ധസ്ഥലത്ത് ദൈവത്തെ ആരാധിക്കുമ്പോൾ ദൈവത്തിന്റെ മഹത്വം ആലയത്തെ നിറയ്ക്കുന്നു.

നമ്മുടെ ദേവാലയത്തിൽ ദൈവത്തിന്റെ സാന്നിധ്യമുണ്ടോ? ഉണ്ട്.
പക്ഷേ നമ്മുടെ ജീവിതത്തിൽ ആ സാന്നിധ്യത്തിന്റെ പ്രകാശമുണ്ടോ?
നമ്മൾ പള്ളിയിൽ നിന്ന് പുറത്തിറങ്ങുമ്പോൾ നമ്മുടെ മുഖത്ത് സമാധാനമുണ്ടോ?
വീട്ടിൽ നമ്മുടെ സാന്നിധ്യം മറ്റുള്ളവർക്ക് അനുഗ്രഹമാണോ?
വിശുദ്ധ ഐറേനിയോസ്
▶▶▶▶▶▶
മനുഷ്യന്റെ യഥാർത്ഥ മഹത്വം ദൈവവുമായി ഒന്നിക്കുന്നതിലാണ്.
മദർ തെരേസയുടെ ചിന്ത
“We are all pencils in the hand of God.”
“നാം എല്ലാവരും ദൈവത്തിന്റെ കൈയിലെ പെൻസിലുകളാണ്.”
അപ്പോൾ ചോദിക്കാം:
ദൈവം എന്റെ ജീവിതത്തിലൂടെ എന്താണ് എഴുതുന്നത്?

“ഫോണിന്റെ screen പ്രകാശിക്കുന്നത് മാത്രം പോരാ; ജീവിതം തന്നെ Gospel screen ആകണം.”
2. ഏലിയായുടെയും മോശയുടെയും ആത്മീയത — പ്രാർത്ഥനയും ധൈര്യവും
താബോറിൽ മോശയും ഏലിയായും പ്രത്യക്ഷപ്പെടുന്നത് പഴയനിയമത്തിന്റെ മുഴുവൻ ആത്മീയചരിത്രവും ക്രിസ്തുവിൽ പൂർത്തിയാകുന്നതിന്റെ അടയാളമാണ്.
മോശയുടെ ആത്മീയത:
ദൈവത്തിന്റെ വചനത്തിന് കീഴടങ്ങുക.
ഏലിയായുടെ ആത്മീയത:
ദൈവത്തിനുവേണ്ടി തീക്ഷ്ണമായി നിൽക്കുക.
ഏലിയാ പറഞ്ഞത്:
“കർത്താവാണ് ദൈവം!”
(1 രാജാക്കന്മാർ 18:39)
മോശയോട് ദൈവം പറഞ്ഞത്:
“എന്റെ സാന്നിധ്യം നിന്നോടുകൂടെ പോകും.”
(പുറപ്പാട് 33:14)
ഇന്നത്തെ തലമുറയ്ക്ക് ഏറ്റവും ആവശ്യമുള്ള രണ്ട് കാര്യങ്ങൾ:
Prayer + Courage
പ്രാർത്ഥന + ധൈര്യം.
മദർ തെരേസയുടെ ജീവിതവും ഇതുതന്നെയാണ് — ആഴത്തിലുള്ള പ്രാർത്ഥനയും അതിൽനിന്ന് ജനിച്ച കരുണാപൂർവമായ പ്രവർത്തിയും.
അവളുടെ പ്രശസ്തമായ ചിന്ത:
“If we pray, we will believe; if we believe, we will love; if we love, we will serve.”
പ്രാർത്ഥന → വിശ്വാസം → സ്നേഹം → സേവനം.

“ദൈവത്തോട് connected ആയാൽ മാത്രമേ ജീവിതത്തിലെ right direction കിട്ടൂ.”
3. താബോറിലെ മഹത്വത്തിനിടയിലും കുരിശിനെ മറക്കരുത് — കുരിശാണ് വിജയത്തിലേക്കുള്ള വഴി
പത്രോസ് പറഞ്ഞു:
“റബ്ബീ, നാം ഇവിടെ ആയിരിക്കുന്നത് നല്ലത്.”
അവിടെ മൂന്ന് കൂടാരങ്ങൾ ഉണ്ടാക്കാൻ പത്രോസ് ആഗ്രഹിച്ചു.
പക്ഷേ യേശു അവിടെ നിൽക്കുന്നില്ല.
താബോർ → ജറുസലേം → കാൽവരി → ഉയിർപ്പ്
ഇതാണ് യേശുവിന്റെ യാത്ര.
ക്രിസ്തുമതം കുരിശില്ലാത്ത മഹത്വത്തിന്റെ മതമല്ല.
1 കൊറിന്തോസ് 15 നമ്മെ ഓർമ്മിപ്പിക്കുന്നത് ശരീരത്തിന്റെ ഉയിർപ്പിനെക്കുറിച്ചാണ്:
“നശ്വരമായത് അനശ്വരത ധരിക്കും.”
അതുകൊണ്ട് ക്രിസ്ത്യാനിക്ക് മരണം അവസാന വാക്കല്ല.
പഴയനിയമത്തിന്റെ പ്രത്യാശ
“എന്റെ വീണ്ടെടുപ്പുകാരൻ ജീവിക്കുന്നു.”
(ജോബ് 19:25)
മദർ തെരേസയുടെ ജീവിതം
അവൾ വേദനയിൽ നിന്ന് ഓടിയില്ല.
ദരിദ്രരിൽ ക്രിസ്തുവിന്റെ മുഖം കണ്ടു.
അവരുടെ പ്രസിദ്ധമായ ചിന്ത:
“Not all of us can do great things. But we can do small things with great love.”
വലിയ കാര്യങ്ങൾ ചെയ്യാൻ എല്ലാവർക്കും കഴിയണമെന്നില്ല; എന്നാൽ വലിയ സ്നേഹത്തോടെ ചെറിയ കാര്യങ്ങൾ ചെയ്യാൻ എല്ലാവർക്കും കഴിയും.

“Cross is not a full stop; Cross is a comma before Resurrection.”
കുരിശ് Full Stop അല്ല; ഉയിർപ്പിന് മുമ്പുള്ള ഒരു comma ആണ്.
4. നേപ്പാളിന്റെ ദുരന്തം — ലോകത്തിന്റെ വേദനയിൽ ക്രിസ്തുവിന്റെ മുഖം കാണുക
2026 ഓഗസ്റ്റ് 26-ന് നേപ്പാളിലെ ഭോട്ടെ കോശി–ത്രിശൂലി നദീതട പ്രദേശങ്ങളിൽ ഉണ്ടായ അതിശക്തമായ flash flood വലിയ ജീവഹാനിക്കും വീടുകൾ, റോഡുകൾ, പാലങ്ങൾ, ജലവൈദ്യുത പദ്ധതികൾ തുടങ്ങിയവയുടെ നാശത്തിനും കാരണമായി. രക്ഷാപ്രവർത്തനങ്ങളും ദുരിതാശ്വാസ പ്രവർത്തനങ്ങളും തുടരുകയാണ്.
ഇത് ഒരു വാർത്തയായി മാത്രം കാണരുത്.
അവിടെ മരിച്ചവരിൽ ക്രിസ്തുവിന്റെ മുഖമുണ്ട്.
കാണാതായവരുടെ കുടുംബങ്ങളുടെ കണ്ണീരിൽ ക്രിസ്തുവിന്റെ കണ്ണുനീരുണ്ട്.
വീടും ജീവിതവും നഷ്ടപ്പെട്ടവരിൽ ക്രിസ്തുവിന്റെ വേദനയുണ്ട്.
യേശു പറഞ്ഞു:
“നിങ്ങൾ എന്റെ ഈ ഏറ്റവും ചെറിയ സഹോദരന്മാരിൽ ഒരുവന് ചെയ്തപ്പോൾ എനിക്കുതന്നെയാണ് ചെയ്തത്.”
(മത്തായി 25:40)
മദർ തെരേസ പറഞ്ഞതുപോലെ:
“I see God in every human being.”
അതുകൊണ്ട് ഈ ദിവസങ്ങളിൽ നേപ്പാളിനുവേണ്ടി പ്രാർത്ഥിക്കണം; സാധിക്കുന്നിടത്ത് സഹായിക്കണം; വേദനിക്കുന്നവരെ മറക്കരുത്.

ദുരന്തങ്ങൾ നമ്മോട് പറയുന്നത്:
“നമ്മൾ പണിതതെല്ലാം ഒരു നിമിഷം കൊണ്ട് നഷ്ടപ്പെടാം; അതുകൊണ്ട് നശിക്കാത്ത നിക്ഷേപം സ്വർഗത്തിൽ ഒരുക്കുക.”
(മത്തായി 6:19–20)

“Life is temporary; love is eternal.”
“നമ്മുടെ possessions നശിച്ചേക്കാം; compassion ഒരിക്കലും പാഴാകില്ല.”
5. എട്ടുനോമ്പ് — പരിശുദ്ധ അമ്മയോടൊപ്പം താബോറിലേക്കും കുരിശിലേക്കും സ്വർഗ്ഗത്തിലേക്കും
പരിശുദ്ധ കന്യകാമറിയത്തിന്റെ ജനനത്തിരുനാളിന് ഒരുക്കമായി ആരംഭിക്കുന്ന എട്ടുനോമ്പ് വെറും ഒരു ആചാരമല്ല.
അത് നമ്മുടെ ജീവിതത്തിൽ ഒരു spiritual reset ആക്കണം.
മറിയം ദൈവത്തിന്റെ പദ്ധതിക്ക് “അതെ” പറഞ്ഞു:
“ഇതാ, കർത്താവിന്റെ ദാസി; നിന്റെ വാക്കുപോലെ എനിക്ക് ഭവിക്കട്ടെ.”
(ലൂക്കാ 1:38)
മറിയത്തിന്റെ ജീവിതത്തിലും താബോർ പോലെയുള്ള സന്തോഷങ്ങൾ ഉണ്ടായിരുന്നു; കാൽവരി പോലെയുള്ള വേദനകളും ഉണ്ടായിരുന്നു.
അതിനാൽ എട്ടുനോമ്പിൽ നാം ചോദിക്കേണ്ടത്:
എന്റെ ജീവിതത്തിലെ അശുദ്ധി എന്താണ്?
ഞാൻ ഉപേക്ഷിക്കേണ്ട ഒരു ശീലം ഏതാണ്?
ഞാൻ ക്ഷമിക്കേണ്ട ഒരു വ്യക്തി ആരാണ്?
ഞാൻ സഹായിക്കേണ്ട ഒരു ദരിദ്രൻ ആരാണ്?
ഞാൻ ദൈവത്തിന് തിരികെ നൽകേണ്ട ഒരു കാര്യം എന്താണ്?
ഏശയ്യാ 7:14
“കന്യക ഗർഭം ധരിച്ച് ഒരു പുത്രനെ പ്രസവിക്കും; അവന് ഇമ്മാനുവേൽ എന്നു പേരിടും.”
മറിയത്തിന്റെ ജനനം നമ്മെ ഓർമ്മിപ്പിക്കുന്നത്:
ദൈവം മനുഷ്യചരിത്രത്തിൽ ഇടപെടുന്നു.
അതുകൊണ്ട് എട്ടുനോമ്പിന്റെ ഓരോ ദിവസവും:
ഒരു പ്രാർത്ഥന + ഒരു ത്യാഗം + ഒരു സ്നേഹപ്രവർത്തി.
മദർ തെരേസയുടെ ജീവിതത്തിൽ നിന്ന് ഒരു ലളിതമായ പ്രചോദനം:
“We can do no great things, only small things with great love.” �
motherteresa.org

“എട്ടുനോമ്പ് calendar-ൽ എട്ട് ദിവസം അടയാളപ്പെടുത്തുന്നതല്ല; ഹൃദയത്തിൽ എട്ട് വാതിലുകൾ തുറക്കുന്നതാണ്.”

മർക്കോ 9-ലെ താബോർ നമ്മോട് പറയുന്നത് ക്രിസ്തു മഹത്വത്തിൽ വരും എന്ന പ്രത്യാശയാണ്.
1 കൊറിന്തോസ് 15 പറയുന്നു:
“നാം എല്ലാവരും രൂപാന്തരപ്പെടും.”
അതിനാൽ ക്രിസ്തുവിന്റെ രണ്ടാം ആഗമനം ഭയത്തോടെ കാത്തിരിക്കേണ്ട സംഭവമല്ല; വിശ്വാസത്തോടെയും വിശുദ്ധിയോടെയും സ്നേഹത്തോടെയും കാത്തിരിക്കേണ്ട മഹത്തായ പ്രത്യാശയാണ്.
മദർ തെരേസയുടെ മനോഹരമായ ചിന്ത:
“We shall not waste our time in looking for extraordinary experiences… but live by pure faith, ever watchful and ready for His coming…”

അതിനാൽ ഈ അഞ്ച് കാര്യങ്ങൾ ഓർക്കാം:
1. മോശ — ദൈവസന്നിധിയിൽ ജീവിക്കുക.
2. ഏലിയാ — വിശ്വാസത്തിൽ തീക്ഷ്ണരാകുക.
3. താബോർ — കുരിശിനപ്പുറം ഉയിർപ്പിന്റെ മഹത്വം കാണുക.
4. നേപ്പാൾ — ലോകത്തിന്റെ വേദനയിൽ ക്രിസ്തുവിന്റെ മുഖം കാണുക.
5. മറിയം — എട്ടുനോമ്പിലൂടെ ഹൃദയം ശുദ്ധീകരിച്ച് കർത്താവിന്റെ വരവിനായി ഒരുങ്ങുക

“എന്റെ മുഖം മോശയെപ്പോലെ ദൈവത്തിന്റെ പ്രകാശം പ്രതിഫലിപ്പിക്കുന്നുണ്ടോ?”

“എന്റെ ജീവിതം ഏലിയാവിനെപ്പോലെ ദൈവത്തിനുവേണ്ടി തീക്ഷ്ണമാണോ?”

“മറിയത്തെപ്പോലെ ‘ഇതാ കർത്താവിന്റെ ദാസി’ എന്ന് പറയാൻ ഞാൻ തയ്യാറാണോ?”

താബോറിൽ നിന്ന് ഇറങ്ങാം.
കുരിശിനെ ഭയപ്പെടാതിരിക്കാം.
മറിയത്തോടൊപ്പം നടക്കാം.
മദർ തെരേസയെപ്പോലെ സ്നേഹിക്കാം.
ക്രിസ്തുവിന്റെ രണ്ടാമത്തെ ആഗമനത്തിനായി ഉണർന്നിരിക്കാം.
*കാരണം — താബോറിലെ പ്രകാശം കാൽവരിയിലെ ഇരുട്ടിനെ തോൽപ്പിക്കും; കാൽവരിയിലെ കുരിശ് ഒടുവിൽ ഉയിർപ്പിന്റെ പ്രഭാതത്തിലേക്ക് നയിക്കും.*

▤Homily 15 - മർക്കോ 9:2–13⌄

ഏലിയ -സ്ലീവാ-മൂശാക്കാലം
ഞായർ 1⃣

Liturgical background

സീറോ മലബാർ ആരാധന ക്രമ വത്സരത്തിലെ എട്ടാമത്തെ കാലമാ ണിത്.
ഈ ഏലിയ സ്ലീവ മൂശാ കാലത്തിൻറെ ഒരു പ്രധാന ചിന്താ വിഷയം യുഗാന്ത്യമാണ്. മോശയും ഏലിയായും പഴയനിയമത്തെ ( നിയമവും പ്രവചകന്മാരും) സൂചിപ്പിക്കുന്നു. സ്ലീവ ആകട്ടെ ക്രിസ്തുവിലൂടെ കൈവന്ന രക്ഷയാണ് ഉദ്ദേശിക്കുന്നത്. ഈ കാലത്തിന്റെ മൊത്തം ലക്ഷ്യം ക്രിസ്തുവിൻറെ രണ്ടാമത്തെ ആഗമനവും അന്ത്യവിധിയും കുരിശിന്റെ വിജയവും ആണ്. എന്ന് വെച്ചാൽ നിയമത്തിലൂടെയും പ്രവാചകന്മാരുടെയും നൽകപ്പെട്ട സന്ദേശങ്ങൾ ഉൾക്കൊണ്ട് നന്നായിട്ട് ജീവിച്ച് ക്രിസ്തുവിന്റെ രണ്ടാമത്തെ വരവനായി ഒരുങ്ങാൻ സഭ നമ്മെ ഓർമിപ്പിക്കുന്നു.

Biblical Background

ഈശോയുടെ രൂപാന്തരീകരണത്തെ മർക്കോസ് വിവരിച്ചിരിക്കുന്ന രീതി പഴയ നിയമത്തിലെ മോശയുടെ ദൈവ ദർശനത്തോട് വലിയ സാമ്യമുണ്ട്.

പുറപ്പാട് പുസ്തകത്തിൽ മോശ മലമുകളിലേക്ക് കയറി ചെല്ലുന്നു ( പുറപ്പാട് 24 & 34 )-

മൂന്നു പേര് മോശയെ അനുഗമിക്കുന്നു (അഹരോൻ, ജോഷ്വാ,‍ ഹൂർ‍)_

മോശ ആറ് ദിവസം അവിടെ ചെലവഴിക്കുന്നു-

മല ഒരു മേഘത്താൽ മൂടപെടുന്നു- മോശ ദൈവിക മഹത്വം( മുഖം) ദർശിക്കുന്നു-

മോശയുടെ മുഖവും ജ്വലിക്കുന്നു -‍
ഇസ്രായേൽ ജനം അതു കണ്ടു ഭയപ്പെടുന്നു-

മോശ തിരിച്ച് മലയിറങ്ങി വരുമ്പോൾ ഇസ്രായേൽ ജനത്തിന്റെ അവിശ്വസ്തത കാണുന്നു.

സുവിശേഷത്തിൽ ഈശോ മലമുകളിൽ കയറുന്നു-

3 -പേർ പത്രോസ്, യാക്കോബ്, യോഹന്നാൻ- എന്നിവർ ഈശോയെ അനുഗമിക്കുന്നു-

മല മേഘത്താൽ മൂടപ്പെടുന്നു-

ഈശോയുടെ മുഖവും വസ്ത്രവും ജ്വലിക്കുന്നു- ശിഷ്യന്മാർ ഭയപ്പെടുന്നു.-

തിരിച്ചിറങ്ങി വരുമ്പോൾ ശിഷ്യരുടെ അവിശ്വാസം കാണുന്നു.

എന്നു വച്ചാൽ മർക്കോസ് ഈശോയെ മോശയെ പോലെ ഒരു ദൈവ മനുഷ്യൻ അല്ലെങ്കിൽ അതിലും ഒരുപടി കടന്ന് ദൈവപുത്രൻ ആയി അവതരിപ്പിക്കുന്നു. (പിന്നെ മത്തായിയും ലൂക്കയും ഈ സംഭവം മർക്കോസിൽ നിന്നും കോപ്പി അടിച്ചതാണ് എന്നാണ് പൊതുവെ പറയുന്നത്)

Interpretation

1. നമ്മുടെ രൂപ മാറ്റങ്ങൾ

പിടികിട്ടാപ്പുള്ളി സുകുമാരക്കുറുപ്പിനെ കണ്ടുകിട്ടി എന്നുള്ളതായിരുന്നു ഈ കഴിഞ്ഞ ആഴ്ചയിലെ ഏറ്റവും (ചിരിപ്പിച്ച ) വാർത്ത. അദ്ദേഹം പേരും വിലാസവുമൊക്കെ മാറ്റി മറ്റൊരു ദേശത്ത് ഒളിച്ച് പാർക്കുകയായിരുന്നത്രേ...!!! അദ്ദേഹത്തിൻറെ രൂപത്തിലും ഭാവത്തിലും വേഷ പകർച്ചയിലും മാറ്റം സംഭവിച്ചിരിക്കുന്നു. കുറുപ്പ് പൂർണ്ണമായും വേറൊരാളായി മാറിയിരിക്കുന്നു പോലും ....!!! ‍സംഭവം കേൾക്കാൻ നല്ല രസമുണ്ട്. ( കാര്യം fake ആണെകിൽ കൂടി മാധ്യമങ്ങളിൽ വന്ന കുറുപ്പിന്റെ ചിത്രങ്ങളിലെ രൂപമാറ്റം നമ്മെ ശരിക്കും ഞെട്ടിച്ചു‍ അല്ലേ...നമ്മളും അതു വിശ്വസിച്ചു..)

മനുഷ്യന്മാരും എന്തിനു ദൈവങ്ങൾ പോലും പലപ്പോഴും രൂപം മാറി നടക്കുന്നത് നമ്മൾ കേട്ടിരിക്കും.
മൂന്നടി മണ്ണ് ഭിക്ഷ യാചിച്ചു വന്ന കൊച്ചു ബാലൻ പെട്ടെന്ന് രൂപം മാറി ആകാശത്തോട് ഉയർന്ന കഥയും നമുക്കറിയാം.
നമ്മുടെ കാലത്തിലെ ഒരു മാതിരി എല്ലാ superheros നും ഇങ്ങനെ രൂപം മാറാൻ കഴിയുന്നവരാണ്. ... ഇനി ദൈവങ്ങളുടെയും അമാനുഷികരുടെയും കാര്യത്തിൽ മാത്രമല്ല നമ്മൾ സാദാരണ മനുഷ്യന്മാരും ഇടയ്ക്കിടെ
രൂപം മാറാറുണ്ട്.

ചിലരെ കുറിച്ചു പറയാറില്ലേ വീട്ടിൽ ഒരു മുഖം, ഓഫീസിലെ വേറെ മുഖം... കൂട്ടുകാർക്കിടയിൽ ഒരു മുഖം... ഭാര്യയുടെ അടുത്ത് മറ്റൊരു മുഖം..
വീടിനകത്ത് ഒരു മുഖം പുറത്തിറങ്ങിയാൽ മറ്റൊരു മുഖം... ഇങ്ങനെ ഒരു രൂപാന്തരീകരണം എല്ലാവരുടെയും ജീവിതത്തിൽ ഉണ്ട്.
സാഹചര്യമനുസരിച്ച് രൂപം മാറുന്ന /നിറം മാറുന്ന ഒരു ജീവിയാണ് മനുഷ്യൻ എന്നുള്ള ഒരു പഴി നമുക്ക് പണ്ടേയുണ്ട്. ഓന്തു പോലും നമുക്ക് മുന്നിൽ നാണിച്ചു പോകും എന്നാണ് പറയുന്നത്.

സുവിശേഷത്തിൽ നമ്മൾ കാണുന്നതും ഒരു രൂപമാറ്റത്തെ കുറിച്ചാണ് ഈശോയുടെ രൂപമാറ്റം അഥവാ രൂപാന്തരികരണം. 'മെറ്റമോർഫോഥെ'
(metemorphōthē)
എന്നുള്ള ഗ്രീക്ക് വാക്കിൻറെ അർത്ഥം രൂപം മാറി എന്ന് തന്നെയാണ്
ഈശോയക്ക് ഒരു രൂപ മാറ്റം സംഭവിക്കുന്നു
അവനു കുറെ കൂടി ദൈവിക ഭാവം കൈവരുന്നു . അവന്റെ വസ്ത്രവും ശരീരവും തൂവെള്ളയായി മാറുന്നു. ദൈവിക മനുഷ്യരോട് അവൻ സംസാരിക്കുന്നു....

ദൈവീക സാന്നിധ്യത്തിന് അടുത്തിരുന്ന മോശയുടെ മുഖം ദൈവത്തെ പോലെ ജ്വലിച്ചു എന്നാണ് പഴയ നിയമം പറയുന്നത്. പ്രാർത്ഥനയിൽ വ്യാപരിച്ചിരുന്ന ഈശോയുടെ മുഖവും വസ്ത്രവും ശോഭയുള്ളതായി എന്നാണ് സുവിശേഷവും ഓർമ്മിപ്പിക്കുന്നത്. എന്ന് പറഞ്ഞാൽ പ്രാർത്ഥിച്ചിരിക്കുമ്പോൾ, ദൈവിക സാന്നിധ്യത്തിൽ ആയിരിക്കുമ്പോൾ ഒരാളുടെ മുഖത്തിന് പെരുമാറ്റത്തിന് ജീവിതത്തിന് മാറ്റം സംഭവിക്കുന്നു എന്നർത്ഥം. ഏതു.... ? ഇമ്മടെ ഭക്തി ഗാനത്തിലെ ഈരടികൾ പോലെ

" കനലോട് ചേരുമ്പോൾ കനലായി മാറുമ്പോൾ.....

കടലോടു ചേരുമ്പോൾ കടലായി മാറുമ്പോൾ....."

ഏതാണ്ട് അതെപോലത്തെ ഒരവസ്ഥ.
അതുകൊണ്ട് ജീവിതത്തിൽ ഒരു ആത്മീയ രൂപന്തരീകരണം ആഗ്രഹിക്കുന്നുണ്ടെങ്കിൽ ദൈവത്തോടൊപ്പം തിരുസന്നിധിയിൽ നമുക്കും ആയിരിക്കാൻ‍ പറ്റണം. ഏകാന്തതയുടെ, പ്രാർത്ഥനയുടെ, ആത്മീയതയുടെ ഒരു മലമുകൾ നമ്മളും കണ്ടെത്തണം. ഒരു തബോർ അനുഭവം നമുക്കും സ്വന്തമാക്കാൻ പറ്റണം. അവൻറെ വസ്ത്രം വെൺമയുള്ളതായി എന്നാണ് സുവിശേഷം പറയുന്നത്. ഏതൊരു അലക്കുകാരൻ വെളുപ്പിക്കുന്നതിനേക്കാൾ വെണ്മയുള്ളതായി എന്നൊക്കെ മർക്കോസ് വച്ചു കീച്ചുന്നുണ്ട്. (ഇച്ചിരി പുള്ളിയുടെ സാഹിത്യമാകും കെട്ടോ.) എന്തായാലും വസ്ത്രം വെൺമയുള്ളതാകുന്നു എന്നുള്ളത് വിശുദ്ധിയുടെ പ്രതീകമാണ്. ദൈവത്തിൻറെ അടുത്തിരുന്ന് പ്രാർത്ഥിക്കുക എന്നുള്ളതാണ് ജീവിത വിശുദ്ധിയിലേക്കുള്ള ആദ്യപടി . അതു മറക്കരുത്. ഏതാണ്ട് കൊക്കൂണിന്റെ ഉള്ളിൽ കയറി പോകുന്ന പുഴു നല്ല പൂമ്പാറ്റയായി പുറത്തു വരുന്ന പോലെയാണ് പ്രാർത്ഥന കഴിഞ്ഞു പുറത്തു വരുന്ന മനുഷ്യനും. ഒരു തബോർ അനുഭവം സ്വന്തമാക്കി വസ്ത്രവും ജീവിതവും വിശുദ്ധമായി സൂക്ഷിക്കുക.

ഓർക്കുക ഒരു രൂപാന്തരീകരണം നമുക്കും സംഭവിക്കണം....

പുഴു പൂമ്പാറ്റയായി മാറുന്ന പോലെ...

കാട്ടാളൻ സന്യാസി (വാത്മീകി) യായി‍ മാറിയപോലെ...

സവൂൾ , പൗലോസ് ആയി മാറിയപൊലെ
നമ്മിലും ഒരു മാറ്റം സംഭവിക്കണം

2. ഇടം

രൂപാന്തരീകരണ വേളയിൽ പത്രോസ് എടുത്ത് പറയുന്ന ഒരു കാര്യം ഇതാണ് ഗുരു നാം ഇവിടെയായിരിക്കുന്നത് നല്ലതാണ് എന്ന്. അതായത് ഈശോയോടൊപ്പം മലമുകളിൽ പ്രാർത്ഥനയിലായിരിക്കുന്ന സ്ഥലവും സമയവും നല്ലതായി പത്രോസ് തിരിച്ചറിയുന്നു. ഇതുപോലെ നമ്മുടെ ജീവിതത്തിലെ നല്ല ഇടങ്ങൾ ഏതാണ്? എവിടെയായിരിക്കുന്നതാണ് നമുക്ക് കുറേകൂടി നല്ലതാവുക? ദേവാലയം, കുടുംബം, സ്കൂൾ, വീട് ,ഓഫീസ് അങ്ങനെ നല്ലതായ ഇടങ്ങളിൽ തങ്ങുക. അതായത് അത്ര നല്ലതല്ലാത്ത ഇടങ്ങൾ ഉപേക്ഷിക്കുക. മദ്യശാലകൾ, ഹോട്ടലുകൾ,
റസ്റ്റോറന്റുകൾ, ക്ലബുകൾ, ബാറുകൾ , പാർട്ടികൾ... ഇങ്ങനെ അത്ര നല്ലതല്ലാത്ത ഇടങ്ങൾ കഴിവതും ഒഴിവാക്കുക.

ഇനി ഇടം എന്നു പറയുന്നത് ഒരു സ്ഥലം തന്നെ ആകണമെന്ന് നിർബന്ധമില്ല കെട്ടോ.. ഒന്നു ചിന്തിച്ചാൽ മനസിലാകും ഒരു ദിവസം നമ്മൾ ഏറ്റവും കൂടുതൽ സമയം ചെലവഴിക്കുന്ന ഇടം എന്നത് നമ്മുടെ മൊബൈൽ /സോഷ്യൽ മീഡിയ ലോകമാണ്.
ചുമ്മാ മൊബൈലിനെ സ്ക്രീൻ ടൈം ഒന്ന് ചെക്ക് ചെയ്യുന്നത് നല്ലതാണ് ഓരോ ദിവസവും. എത്രമാത്രം സമയമാണ് നമ്മൾ മൊബൈലിൽ പ്രത്യേകിച്ച് സോഷ്യൽ മീഡിയയിൽ ചെലവഴിക്കുന്നത് എന്ന് കാണാൻ പറ്റും.
ഏതെല്ലാം
യൂട്യൂബ് ചാനലുകൾ, ഇൻറർനെറ്റ് സൈറ്റുകൾ ,‍ വാട്സാപ്പ്‌സ് ഗ്രൂപ്പുകൾ, ഇൻസ്റ്റഗ്രാം അക്കൗണ്ടുകൾ facebook page കൾ ഒക്കെയാണ് നമ്മൾ തങ്ങി നിൽക്കുന്ന ഇടങ്ങളായി മാറുന്നത്
ദൈവീക സാന്നിധ്യമുള്ള ഇടങ്ങളിൽ കൂടുതൽസമയം ചിലഴിക്കാനും അല്ലാതെ ഇടങ്ങളിൽ നിന്ന് മാറി നടക്കാനും ഒന്ന് പരിശീലിക്കുന്നത് നല്ലതാണ്. സാമൂഹിക മാധ്യമങ്ങളിൽ നിന്നും ഒരു പിന്മാറ്റം കുറച്ചൊക്കെ നല്ലതാണ് ഈ കാലഘട്ടത്തിൽ.

പത്രോസ് പറയുംപോലെ നമ്മൾ ഇവിടെയായിരിക്കുന്നത് നല്ലതാണ് . എവിടെ....?

പ്രാർത്ഥനയിൽ ആയിരിക്കുന്ന സ്ഥലവും സമയവും നല്ലതാണെന്ന് പ്രത്യേകിച്ചു പറയേണ്ടതില്ലല്ലോല്ലേ...??

*3. ഈശോയുടെ സൗഹൃദങ്ങൾ*

ഈശോക്കു ചുറ്റും വലിയ ഒരു ജനാവലി ഉണ്ടായിരുന്നു. അതിൽ ഒരു 72 പേരെ ഈശോ തെരഞ്ഞെടുത്ത് പ്രേഷിത വേലക്ക് അയക്കുന്നു. പിന്നെ ഈശോയ്ക്ക് കൂട്ടിന് ഒരു 12 ശിഷ്യന്മാരുടെ ഗണം ഏതാണ്ട് എപ്പോഴും ഉണ്ടായിരുന്നു . ഇങ്ങനെയൊക്കെയാണെങ്കിലും മൂന്നു പേരെയാണ് ഈശോ എപ്പോഴും കൂടെ കൂട്ടുന്നത്. പത്രോസ്, യാക്കോബ് യോഹന്നാൻ. ഇവരെ തന്നെയാണ് ഈശോ ജായ്റോസിന്റെ മകളെ ഉയർപ്പിക്കുമ്പോഴും ഗത്സമനിൽ പ്രാർത്ഥിക്കുമ്പോഴും കൂടെ കൂട്ടുന്നത്. എന്ന് പറഞ്ഞാൽ ഒരുപാട് സൗഹൃദ വലയം ഈശോയ്ക്ക് ചുറ്റും ഉണ്ടായിരുന്നെങ്കിലും ഈ മൂന്നുപേർ ഈശോയ്ക്ക് പ്രിയപ്പെട്ടവർ ആയിരുന്നു എന്ന് വേണം കണക്കാക്കാം.

അതുപോലെ ചില നല്ല സൗഹൃദങ്ങൾ നമുക്ക് വേണം. സന്തോഷത്തിലും സങ്കടത്തിലും കൂടെ നിൽക്കാനായി, നമ്മുടേതെന്നു പറയാൻ ചിലർ വേണം. എല്ലാവരും എൻറെ കൂട്ടുകാരാണ് എന്നൊക്കെ പറയുന്നത് ചുമ്മാ പുളുവടിയാണ്. അങ്ങനെ പറയുന്നതിന്റെ അർത്ഥം ആഴമായ ഒരു സൗഹൃദം നമുക്കില്ല എന്ന് തന്നെയാണ്. ഫേസ്ബുക്കിലെ 'ഫ്രണ്ട്സ് ലിസ്റ്റിന്റെ' എണ്ണവും ഇൻസ്റ്റഗ്രാമിലെ 'ഫോളോവെഴ്സിന്റെ'എണ്ണവും പിന്നെ കാക്കത്തൊള്ളായിരം വാട്സാപ്പ് ഗ്രൂപ്പുകളിലെ എണ്ണിയാൽ ഒടുങ്ങാത്ത കൂട്ടുകാരുടെ എണ്ണവും അല്ല ഇവിടെ ഉദ്ദേശിക്കുന്നത്. നീ വിളിക്കുമ്പോൾ നിൻറെ കൂടെ വരാൻ അത് ആത്മീയതയുടെ മലമുകളിലേക്ക് ആകട്ടെ ഉല്ലാസത്തിന്റെ കടൽതീരത്തേക്ക് ആകട്ടെ സങ്കടത്തിന്റെ ഗത്സമൻ തോട്ടത്തിലേക്ക് ആകട്ടെ എത്ര പേരുണ്ട് നിന്റെ സൗഹൃദ വലയത്തിൽ? അതുകൊണ്ടാണ് പ്രഭാഷക പുസ്തകത്തിൽ പറയുന്നത് "സൗകര്യംനോക്കി സൗഹൃദം നടിക്കുന്നവരുണ്ട്‌;
കഷ്‌ടദിനത്തില്‍ അവരെ കാണുകയില്ല."
പ്രഭാഷകന്‍ 6 : 8 . ചുരുക്കത്തിൽ നമ്മുടെ സൗഹൃദത്തിന് കുറച്ചു കൂടി ആഴം വേണം എന്ന് ചുരുക്കം. ബുദ്ധന് ആനന്ദനെ പോലെ കൃഷ്ണന് അർജുനനെ പോലെ ഫ്രാൻസിസ് അസീസിക്ക് ബ്രദർ ലിയോയെ പോലെ ചില ചങ്ക് സൗഹൃദങ്ങൾ നമുക്കും വേണം അല്ലേ...?

ചോദ്യവും ഉത്തരവും

എന്തു കൊണ്ട് മോശയും ഏലിയായും...?

മോശ പഴയ നിയമഗ്രന്ഥങ്ങളെയും ഏലിയാ പ്രവാചകന്മാരെയും പ്രതിനിധികരിക്കുന്നു. അതുകൊണ്ടു ഇവർ രണ്ടു പേരും കൂടി പഴയ നിയമത്തെ മുഴുവനായി ഉൾക്കൊള്ളുന്നു എന്നു വേണേൽ പറയാം...

ഇനി മറ്റൊരു കാര്യം

ദൈവത്തിന്റെ മഹത്വം ദർശിച്ച രണ്ടു പേരാണ് മോശയും ഏലിയായും... മോശ സീനയ് മലയിൽ വച്ചും (പുറപ്പാട് 33, 34)ഏലിയാ ഹൊറബ് മല യിൽ വച്ചും (1 രാജ 19) . ഈ രണ്ടു മലകളും ഒന്നാണ് എന്നു കരുതപ്പെടുന്നു.

ഇനി അത് മാത്രമല്ല....

മോശ എവിടെ സംസ്കരിക്കപ്പെട്ടു എന്നു ആർക്കും അറിയാത്തതിനാലും ഏലിയ അഗ്നിരഥത്തിൽ എടുക്കപ്പെട്ടതിനാലും ഇവർ മരിച്ചിട്ടില്ല എന്നതാണ് യഹൂദ പാരമ്പര്യം.