കൈത്താക്കാലം
ഞായർ 2⃣
ലൂക്ക 15: 11- 32

BIBLICAL AND HISTORICAL BACKGROUND

ഈശോ പറഞ്ഞ ക്ലാസിക്കൽ ഉപമകളിൽ ഒന്നാണ് ധൂർത്തപുത്രന്റെ ഉപമ. എന്നാൽ ലൂക്ക സുവിശേഷത്തിൽ മാത്രമേ ഇത് കാണുന്നുള്ളൂ. കാരണം ലൂക്കാ പൊതുവെ സുവിശേഷം എഴുതിയത് സമൂഹത്തിന് മുഖ്യധാരയിലേക്ക് എത്തപ്പെടാത്ത വിജാതീയർക്കും, ചുങ്കക്കാർക്കും പാപികൾക്കും ഒക്കെ വേണ്ടിയാണ്. അതുകൊണ്ടുതന്നെ അങ്ങനെയുള്ളവർ തന്നെയാണ് ലൂക്കായുടെ സുവിശേഷത്തിൽ ഹീറോസ്. ഏതാണ്ട് അങ്ങനെ ഒരാൾ തന്നെയാണ് ഈ ധൂർത്ത പുത്രനും.

INTERPRETATION
1. സുബോധമുള്ളവരാവുക

ധൂർത്ത പുത്രന് സത്യത്തിൽ നഷ്ടപ്പെട്ടത് സുബോധമാണ്. അതുകൊണ്ടാണ് ലൂക്കാ സുവിശേഷകൻ അപ്പോൾ. അവനു സുബോധമുണ്ടായി എന്ന് പറയുന്നത്(15;17, അപ്പോൾ അവൻ അവനിലേക്ക് തിരിഞ്ഞു എന്നൊക്കെയാണ് പുതിയ പഠന ബൈബിളിലെ translation. രണ്ടും. ഏതാണ് ഒന്നു തന്നെ)
സുബോധം നഷ്ടപ്പെട്ട പുത്രന്മാരും പുത്രിമാരും ഉള്ള ഒരു തലമുറയാണ് നമ്മുടേത്. മദ്യം, മയക്കുമരുന്ന് തുടങ്ങിയ ലഹരി വസ്തുക്കളുടെ മുമ്പിൽ ബോധം നഷ്ടപ്പെടുന്ന മക്കൾ, കുട്ടികൾ, ചെറുപ്പക്കാരൻ.കൂടി വരുന്നു. Di Addiction സെൻററിൽ വരുന്ന ചെറുപ്പക്കാരുടെയും പെൺകുട്ടികളുടെ എണ്ണം വളരെ കൂടുതലാണ് എന്നാണ് കണക്കുകൾ സൂചിപ്പിക്കുന്നത്. എന്ന് പറഞ്ഞാൽ സുബോധം വീണ്ടെടുക്കുക എന്നുള്ളതാണ് ചെറുപ്പക്കാർക്ക്/ കുട്ടികൾക്ക് ഉണ്ടാകേണ്ട പ്രധാന ഗുണം . പൗലോസ് ശ്ലീഹാ പറയുന്നുണ്ട്:

"പിശാചു തന്റെ ഇഷ്ടനിര്‍വ്വഹണത്തിനുവേണ്ടി നിങ്ങളെ അടിമകളാക്കിയിട്ടുണ്ടെങ്കിലും സുബോധം വീണ്ടെടുത്ത്‌ ആ കെണിയില്‍നിന്നു രക്ഷപ്പെട്ടേക്കാം.
2 തിമോത്തി 2 : 26
അത്തരത്തിലുള്ള ഒരു വീണ്ടെടുപ്പ്/ രക്ഷപ്പെടൽ നമുക്ക് അനിവാര്യമാണ്

ഈ ദിവസങ്ങളിൽ സന്യാസിമാരുടെ അറസ്റ്റുമായി ബന്ധപ്പെട്ട് നടന്ന കോലാഹലങ്ങളിൽ, രാഷ്ട്രീയ ചർച്ചകളിൽ ഉയർന്നുവന്ന ഒരു വിമർശനം . നമ്മുക്ക് സുബോധം ഉണ്ടാകണം എന്നുള്ളതാണ്. വിശ്വാസികൾക്ക്, നേതൃത്വത്തിന് താൻ ഏത് യജമാനന്റെ തൊഴുത്തിലാണ് വേല ചെയ്യുന്നത് എന്നു തിരിച്ചറിയുകയും അതു ശരിയല്ലെങ്കിൽ തങ്ങൾ നിൽക്കുന്ന ഇടം ശരിയല്ല എന്ന് മനസിലാക്കി മാറി ചിന്തിക്കുവാനും മാറി നടക്കുവാനുള്ള സുബോധം ഉണ്ടാവുക പ്രധാനപ്പെട്ട കാര്യമാണ്.. ഞാൻ ആയിരിക്കേണ്ടത്തിൽ അല്ല ഞാൻ ആയിരിക്കുന്നത് എന്നുള്ള ഒരു ബോധം പുത്രന് ഉണ്ടായി. അത് വളരെ പ്രധാനപ്പെട്ട കാര്യമാണ്. അതായത് ഞാൻ എങ്ങനെയാകണമെന്നോ എവിടെ ആകണമെന്നോ പ്രതീക്ഷിക്കുന്ന സാഹചര്യത്തിലും സ്ഥലത്തും ആണോ ഞാൻ ആയിരിക്കുന്നത്?? അങ്ങനെയല്ലെങ്കിൽ ഒരല്പം സുബോധം ഉണ്ടാവുകയും ഒന്ന് തിരിച്ച് നടക്കാനായിട്ടുള്ള വിവേകം ഉണ്ടാവുകയും ചെയ്യുക പ്രധാനപ്പെട്ട കാര്യമാണ് .അതുപോലെ തന്നെ പ്രധാന കാര്യമാണ് നമ്മുടെ യഥാർത്ഥ എതിരാളി ‍‍⬛‍ആരാണ് എന്നു തിരിച്ചറിയാനുള്ള സുബോധമുണ്ടാവുക എന്നുള്ളതും...

ധൂർത്ത പുത്രന്റെ ഉപമയ്ക്ക് കുമ്പസാരവുമായി ബന്ധപ്പെടുത്തി പലരും പറയാറുണ്ട് . ആംഗലേയ സാഹിത്യകാരൻ ജി. ചെസ്റ്റർട്ടൻ കുമ്പസാരത്തെ കുറിച്ചു പറയുന്നത് every confession is coming back to home എന്നാണ് . പറഞ്ഞാൽ വീട്ടിലേക്കുള്ള തിരിച്ചുവരമാണ് ഓരോ കുമ്പസാരവും. ജീവിതത്തിൽ ഒരാൾ ഏറ്റവും കൂടുതൽ നിഷ്കളങ്കതയും വിശുദ്ധിയും ഉണ്ടായിരുന്നത്. ബാല്യത്തിലാണ് , വീട്ടിൽ ആയിരിക്കുമ്പോൾ ആണ്. ആ ബാല്യത്തിന്റെ വിശുദ്ധിയിലേക്ക് മകൻ അപ്പൻറെ സ്നേഹത്തിലേക്ക് തിരിച്ചു വന്നതുപോലെ നമുക്ക് തിരിച്ചു വരാം കുമ്പസാരം എന്ന കൂദാശയിലൂടെ...

2. ധൂർത്ത് + പുത്രൻ= ധൂർത്ത പുത്രൻ

ധൂർത്ത പുത്രൻ കാണിച്ച ഏറ്റവും വലിയ മണ്ടത്തരം ധൂർത്താണ് . അതുകൊണ്ടു തന്നെ ആ ഉപമയുടെ പേര് 'ധൂർത്ത പുത്രന്റെ ഉപമ ' എന്നാണ്. അവൻ തന്റെ സമ്പത്ത് എല്ലാം നശിപ്പിച്ചു കളഞ്ഞു എന്നാണ് പറയുന്നത്. അങ്ങനെ വന്നപ്പോൾ ആ ദേശത്ത് ഒരു ക്ഷാമം ഉണ്ടാവുകയും അവൻ വലിയ ഞെരുക്കത്തിൽ ആവുകയും ചെയ്തു എന്ന് സുവിശേഷം. പറയുന്നു.
നമുക്ക് പറ്റുന്ന വലിയ മണ്ടത്തരങ്ങളിൽ ഒന്ന് ഈ ധൂർത്താണ്. ആഡംബരത്തിന്റെ, ധൂർത്തിന്റെ ഒരു Culture നമ്മുടെ ഇടയിൽ form ചെയ്തു കഴിഞ്ഞു. നമ്മുടെ താമസം, ഭക്ഷണം, വസ്ത്രം, വാഹനം, വിവാഹ സൽക്കാരങ്ങൾ, പെരുന്നാളുകൾ ,മറ്റു ആഘോഷങ്ങൾ എല്ലാം ധൂർത്തിന്റെയും ആഡംബരത്തിന്റെയും വേദിയായിട്ട് മാറി. നമുക്ക് സംഭവിക്കാനിരിക്കുന്ന ദുരിതം എന്താണെന്ന് വെച്ചാൽ ധൂർത്ത പുത്രന് സംഭവിച്ച അതേ അപകടമാണ്. നമ്മൾ വലിയ
ഞെരിക്കത്തിലാവും. സർക്കരിന്റെ ഔദ്യോഗിക കണക്കനുസരിച്ചു കേരളത്തിലെ ഏറ്റവും കടബാധ്യതയുള്ള സമൂഹം ഇവിടുത്തെ ക്രിസ്ത്യാനികൾ ആണ്. അതിൽ തന്നെ സീറോ മലബാർ ക്രിസ്ത്യാനികളും. കാരണം എന്താ...? നമ്മുടെ ഈ ധൂർത്ത് അല്ലാതെന്ത്?

ഈ ധൂർത്തിനെ ആർഭാടത്തെ ഒന്ന് നിയന്ത്രിക്കുക. വാസസ്ഥലം ആകട്ടെ ഭക്ഷണം ആകട്ടെ, വസ്ത്രം ആകട്ടെ, വാഹനമാകട്ടെ, ഒരല്പം ലാളിത്യം നല്ലതാണ്. പണ്ട് മാമ്മോദീസായിൽ ചോദിക്കുന്ന ചോദ്യം ഓർമ്മ ഉണ്ടാവില്ല. എങ്കിലും പറയാം "സാത്താനെയും അവൻറെ സർവ്വ ആഡംബരങ്ങളും നീ ഉപേക്ഷിക്കുന്നുവോ?

"ഉവ്വ് "
നമുക്ക് വേണ്ടി മറ്റാരോ മറുപടി പറഞ്ഞിട്ടാണ് പള്ളിയിലേക്ക് നമ്മെ കയറ്റുന്നത്.
അതുകൊണ്ടു ഓർക്കുക ആഡംബരങ്ങൾ അതു ഒരു പരിധി കഴിഞ്ഞാൽ പിന്നെ സാത്താന്റെ ആണ്. സമ്പത്തിനോടുള്ള ആസക്തിയാണ് എല്ലാ പാപങ്ങളുടെയും മൂല കാരണം എന്ന് പൗലോസ് പറയുന്നുണ്ട്. ദ്രവ്യസക്തി തന്നെയായ വിഗ്രഹാരാധന എന്നു പൗലോസ് വീണ്ടും പറയുന്നുണ്ട്. എന്ന് പറഞ്ഞാൽ പണത്തിനോടുള്ള ആർത്തി ഒരുതരത്തിലുള്ള വിഗ്രഹ ആരാധനയാണ് എന്നുകൂടി തിരിച്ചറിയുക.

3.മൂത്ത പുത്രൻ സിൻഡ്രം (Elder Son Sydrome)

ഉപമയിലെ സ്നേഹനിധിയായ അപ്പൻ ആകാൻ മാത്രം യോഗ്യത നമുക്കില്ല. എന്നാൽ ധൂർത്ത പുത്രൻറെ അത്ര വഷളത്തരവും പലപ്പോഴും നമ്മുടെ കയ്യിലില്ല. എങ്കിലും കഥയിലെ മൂത്ത പുത്രനുമായിട്ട് ചില സാമ്യതകൾ ചിലപ്പോഴെങ്കിലും നമ്മുടെ സ്വഭാവത്തിൽ വരാറുണ്ട് .

അസൂയ: അനിയൻ നന്നായി വന്നപ്പോൾ അവനെ സ്വീകരിക്കാനും അംഗീകരിക്കാനും കൂട്ടാക്കാത്ത ഒരു മനോഭാവം . അതായത് മറ്റൊരാളിൽ കാണുന്ന നന്മ അംഗീകരിക്കാനായിട്ടുള്ള ഒരു വിഷമം. ചെറിയ അസൂയ (Holy Sin) എന്നൊക്കെ പറയാം. നമ്മുടെ ഒരു പ്രശ്നമാണ് ഇതാണ് . നമ്മളെക്കാൾ നല്ലതായി ആരും ഉണ്ടാകാൻ പാടില്ല. തന്നേക്കാളും വലുതായി ആരും വളർന്നു വരാനും അനുവദിക്കില്ല. ഏത്...? പഴയ പെരുന്തച്ചന്റെ പോലെ... കാര്യം മോൻ ആയാൽ പോലും തന്നെക്കാൾ വലുതാവുന്നത് ഇഷ്ടപ്പെടാത്തത് കൊണ്ട് ഒരു ഉളി വീഴ്ത്തി അവൻറെ കഴുത്ത് ഛേദിച്ച പഴയ കഥക്ക് എപ്പോഴും പ്രസക്തി ഉണ്ട്.അത്തരമൊരു അസൂയ മനോഭാവം നമ്മുടെ സ്വഭാവത്തിൽ ഉണ്ടാവാം

കോപം
രണ്ടാമതായി അവൻ കോപിച്ചു അകത്തു കയറാൻ വിസമ്മതിച്ചു എന്നൊക്കെയാണ് പറയുന്നത് . മാതാപിതാക്കളോട് അയൽക്കാരോട് അധികാരികളോട് വല്ലാത്ത വിദ്വേഷവും വെറുപ്പും വെച്ച് പുലർത്തുന്ന ഒരു മനോഭാവം നമ്മിൽ ഉണ്ടാകാം. അപ്പൻ അനിയനെ സ്വീകരിച്ചു എന്നുള്ളത് ഒരു നല്ല കാര്യമാണ് എങ്കില്‍ കൂടിയും അത് സ്വീകരിക്കാനോ അംഗീകരിക്കാനും കൂട്ടാക്കാതെ അപ്പനോട് തർക്കിച്ച് കോപിച്ച് നിൽക്കുന്ന വ്യക്തി . ദേഷ്യം എന്നുള്ള മനോഭാവം ചിലപ്പോഴൊക്കെ നമ്മുടെ സ്വഭാവത്തിലും വന്നു പോയിട്ടുണ്ടായിരിക്കും. അകാരണമായി തട്ടിക്കയറുന്ന മോശമായ വാക്കുകൾ ഉപയോഗിക്കുന്ന ശാരീരികമായി കയ്യേറ്റം നടത്തുന്ന സ്വഭാവം വന്നു പോയിട്ടുണ്ടോ?

അഹങ്കാരം: മറ്റൊരു കാര്യം അവനവൻറെ അഹംഭാവമാണ്. അതായത് താൻ നല്ലതാണെന്നും തന്റെ അനിയൻ ചീത്തയാണ് എന്നുമുള്ള ചിന്ത. നമ്മിലൊക്കെ സംഭവിക്കാവുന്നതാണ് ഞാൻ ചെയ്തതും പറഞ്ഞതും പ്രവർത്തിച്ചതും ശരി അത് മാത്രം ശരി. ഞാൻ പിടിച്ചു മുയലിന് മൂന്നു കൊമ്പു എന്നുള്ള അവസ്ഥ. അതുകൊണ്ട് ഞാൻ മിടുക്കൻ നല്ലവൻ , എനിക്കെതിരെ പ്രവർത്തിക്കുന്നവൻ ആകട്ടെ മോശക്കാരൻ എന്നുള്ള ചിന്ത. ഇതൊരു മുത്തപുത്രന്റെ മനോഭാവമാണ് ഉദ്ദേശിക്കുന്നത്.
ഇത്തരത്തിലുള്ള മൂത്ത പുത്രൻ സ്വഭാവം ഒന്നു മാറ്റി പിടിക്കുന്നത് നല്ലതാണ്.

അപര വിദ്വെഷം

കഥയിലെ മൂത്ത പുത്രൻ യഹൂദരെയും ധൂർത്ത പുത്രൻ വിജാതീയരെയും ആണ് represent ചെയ്യുന്നത്. ഈശോ ഈ കഥ പറഞ്ഞിട്ടുണ്ടോ ഇല്ലയോ എന്നതിനെക്കാൾ ലൂക്ക, ലൂക്കയുടെ ഈശോ അന്ന് നില നിന്നിരുന്ന ഒരു സാമൂഹിക തിന്മയാണ് ഇതിലൂടെ ചൂണ്ടിക്കാണിക്കുന്നത്.അതായത് യഹൂദ ക്രിസ്ത്യാനികളും വിജാതീയ ക്രിസ്ത്യാനികളു തമ്മിലുള്ള അന്തരം അന്നുണ്ടായിരുന്നു. ലൂക്ക യുടെ ഈശോ അതിനെയാണ് മറികടക്കാൻ ശ്രമിക്കുന്നത്.
ഈ ദിവസങ്ങളിലെ കന്യാസ്ത്രീകളുടെ മതം മാറ്റവുമായി ബന്ധപ്പെട്ടുള്ള ചർച്ചകൾ പലതായിരുന്നു. പ്രധാനമായിട്ടും ക്രൈസ്തവർ താഴ്ന്ന വിഭാഗത്തിൽപ്പെട്ടവരെ മതം മാറ്റുന്നു എന്നുള്ളതാണ് ഒരു ആരോപണം. അതിനിടയിൽ കേട്ട ഗൗരവമായ സംഗതി സാമൂഹികമായ ഉന്നമനത്തിനു വേണ്ടി മതം മാറിയ പലരും പുതിയ വിശ്വാസത്തിലും അവഗണന നേരിട്ടു എന്നുള്ളതാണ്. അത്തരം ഒരു സാഹചര്യത്തിൽ അവർ വീണ്ടും പഴയ വിശ്വാസത്തിലേക്ക് (ഒരു ഘർ വാപസി) തിരിച്ചുപോകാൻ ഒരുങ്ങുകയാണ് പോലും.
ലൂക്കാ സുവിശേഷകനിലെ ഉപമ ആരംഭിക്കുമ്പോൾ ധൂർത്ത പുത്രനാണ് വില്ലൻ . എങ്കിലും കഥ അവസാനിക്കുമ്പോൾ അത് മൂത്ത പുത്രനിലേക്കാണ് വിരൽ ചൂണ്ടുന്നത്. ചിലപ്പോഴെങ്കിലും നമ്മുടെ വിശ്വാസ സമൂഹത്തിനും വിശ്വാസികൾക്കിടയിൽ ഉയർന്നവൻ, താഴ്ന്നവൻ, കഴിവുള്ളവൻ, കഴിവില്ലാത്തവൻ പാരമ്പര്യ ക്രിസ്ത്യാനി മാർഗം കൂടിയ ക്രിസ്ത്യാനി, സത്യ ക്രിസ്ത്യാനി ,ദളിത് ക്രിസ്ത്യാനി, കളർ ഉള്ളവൻ, കളർ ഇല്ലാത്തവൻ , സവർണ്ണർ, അവർണ്ണൻ, ഇരുത്തൻ, വരത്തൻ എന്നിങ്ങനെയുള്ള വേർതിരിവുകൾ വന്നിട്ടുണ്ടെങ്കിൽ ഒന്ന് ശ്രദ്ധിക്കുന്നത് നല്ലതാണ്. കഥ അവസാനിക്കുമ്പോൾഅപകടം പിടിച്ച സാഹചര്യത്തിലേക്ക് വന്നുപ്പെടുന്നത് മൂത്ത പുത്രനാണ് അല്ലാതെ ധൂർത്ത പുത്രനല്ല. അതുകൊണ്ട് ഒരു മൂത്ത പുത്രന്റെ സ്വഭാവം നമ്മിൽ ഒളിച്ചിരിക്കുന്നു ഉണ്ടെങ്കിൽ അതൊന്നു മാറ്റി പിടിക്കുക. എല്ലാവരെയും സ്വീകരിക്കാനും ഉൾക്കൊള്ളാനും സ്വയം പഠിക്കുക.

▤Homily 15 - യോഹന്നാൻ15 :1- 8⌄

കൈത്താക്കാലം ഞായർ 2⃣ യോഹന്നാൻ15 :1- 8

കൈത്താക്കാലം ഫലാഗമന കാലമായിട്ടാണ് കണക്കാക്കുന്നത്. അതുകൊണ്ടുതന്നെ ഒരു ക്രിസ്ത്യാനി എന്ന നിലയിൽ നല്ല ഫലം പുറപ്പെടുവിക്കാൻ ആയിട്ടുള്ള ചില കാര്യങ്ങളാണ് പ്രധാനമായും വയനകളിൽ നമ്മൾ കേൾക്കുക.
ഇന്നത്തെ ആദ്യ വായനയിൽ നിയമാവർത്തന പുസ്തകത്തിന് ദൈവം മോശയ്ക്ക് കൊടുക്കുന്ന ഉപദേശം അവിടുത്തെ കല്പനകൾ അനുസരിച്ചാൽ ഇസ്രായേൽജനം അവിടുത്തേക്ക് പ്രിയപ്പെട്ട ജനം ആയിരിക്കുമെന്നും അവർക്ക് ധാരാളം അനുഗ്രഹങ്ങൾ ലഭിക്കുമെന്നുമാണ്.
രണ്ടാമത്തെ വായനയിൽ ഏതാണ്ട് ഇതേ പോലെ തന്നെ പ്രഭാഷക പുസ്തകത്തിൽ കർത്താവിൻറെ കൽപ്പനകൾ പാലിക്കുന്നവനെയാണ് മറ്റുള്ളവരെ ബഹുമാനിക്കുക എന്നു പറയുന്നു. ലേഖനത്തിൽ തായ്ത്തടിയോട് ചേർന്ന് നിൽക്കുന്ന ശാഖകൾക്കാണ് ഫലം പുറപ്പെടുവിക്കാൻ പറ്റുക എന്ന് പൗലോസ് ശ്ലീഹ ഓർമിപ്പിക്കുന്നു. സുവിശേഷത്തിൽ ഒന്നു കൂടി വ്യക്തമായി ഈ കാര്യം യോഹന്നാൻ അവതരിപ്പിക്കുന്നു. ഈശോ ആകുന്ന മുന്തിരിച്ചെടിയോട് ചേർന്ന് നിൽക്കുവാൻ പുള്ളിക്കാരൻ ആവർത്തിച്ചു പറയുന്നു.

1. ചില വെട്ടി ഒരുക്കലുകൾ

ഫുട്ബോൾ വേൾഡ് കപ്പ് ഫൈനലാണ്. രണ്ടു ഇതിഹാസതാരങ്ങൾ കളമൊഴിയുന്നു ( കുറഞ്ഞ പക്ഷം അടുത്ത world cupൽ അവരുണ്ടാകില്ല) എന്നുള്ളതാണ് ഇത്തവണത്തെ വേൾഡ് കപ്പിന്റെ സവിശേഷതകളിൽ ഒന്ന്. വേറെ ആരുമല്ല മെസ്സിയും റൊണാൾഡോയും ഈ രണ്ടുപേർക്കുമാണ് കേരളത്തിലെ ഏറ്റവും കൂടുതൽ ആരാധകർ എന്ന് തോന്നുന്നു. (നെയ്മർ ആരാധകർ ക്ഷമിക്കുക)അത് അവരുടെ കഴിവിന്റെ മികവുകൊണ്ടു മാത്രമല്ല, ഒപ്പം അവർ കടന്നുപോയ ജീവിത പ്രതിസന്ധികളും അവർക്ക് ആരാധകരെ നേടിക്കൊടുത്തു. മെസ്സിയുടെ കഥ എല്ലാവർക്കും അറിയാം. കളിക്കളത്തിലെ വലിപ്പക്കുറവ് കാരണം അവസരങ്ങൾ നിഷേധിക്കപ്പെട്ടു. 'കുഞ്ഞൻ' എന്ന പരിഹാസ പേര്....
Growth hormon defficency അതിന്റെ ചികിത്സ ചിലവ് വഹിക്കാൻ പറ്റാത്ത ബുദ്ധിമുട്ട്, (പിന്നെ ബാഴ്സലോണ ക്ലബ്ബ് ആ ചിലവ് ഏറ്റെക്കുന്നു) എങ്കിലും കാലിൽ കുത്തി വപ്പു നടത്തുമ്പോൾ ഉള്ള വേദന.. വിശ്രമം ...സ്വന്തം നാട്ടിൽ നിന്നുള്ള കുടിയേറ്റം അങ്ങനെ നീളുന്ന കഷ്ടപ്പാടുകൾ....

ക്രിസ്ത്യാനോ റൊണാൾഡോയുടെ അവസ്ഥയും വ്യത്യസ്തമല്ല... ബാല്യത്തിൽ കടന്നു പോയ ദാരിദ്ര്യം, അപ്പന്റെ മദ്യപാനം ഹൃദ്രോഗവും (ഹൃദയം ഇടിപ്പ് കൂടുതൽ) വേണ്ടത്ര ആരോഗ്യമില്ല എന്ന പരിഹാസം.... പണമുണ്ടാക്കാൻ തൂപ് വേലക്ക് അമ്മയോടൊപ്പം പോകുന്നു... അങ്ങനെ നേടുപോകുന്ന ദുരിതങ്ങൾ... പറഞ്ഞുവരുന്നത് എന്താന്ന് വെച്ചാൽ ഇപ്പോൾ ഫുട്ബോളിൽ മുടിചൂടാ മന്നന്മാരായി നിൽക്കുന്ന രണ്ടു പേർക്കും അവരുടെതായ കഷ്ടപ്പാടിന്റെയും ദാരിദ്ര്യത്തിന്റെയും പരിഹാസത്തിന്റെയും അനാരോഗ്യത്തിന്റെയും കഥകളുണ്ട്. അത്തരത്തിലുള്ള ബുദ്ധിമുട്ടുകളാണ് അവരെ കളിക്കളത്തിലെ പോരാളികൾ ആക്കി മാറ്റിയത് .

ഇന്നത്തെ സുവിശേഷത്തിൽ ഈശോ പറയുന്ന ഒരു കാര്യം കൂടുതൽ ഫലം നൽകാൻ ആഗ്രഹിക്കുന്നതിനെ തൻറെ പിതാവ് വെട്ടി ഒരുക്കുന്നു എന്നുള്ളതാണ്.
ഏതൊരു മേഖലയിലും ഉന്നതിയിൽ എത്തിയിട്ടുള്ള വ്യക്തികളുടെ പിന്നാമ്പുറ കഥകൾ നമ്മോടു പറയുന്നത് അവർ കടന്നു പോയ കഷ്ടപ്പാടിന്റെയും ബുദ്ധിമുട്ടിയും സങ്കടങ്ങളുടെയും കഥകളാണ്. രാഷ്ട്രീയ മേഖലയിൽ ആയിക്കോള്ളട്ടെ കായിക മേഖലയിൽ ആയികൊള്ളട്ടെ സാഹിത്യമേഖലയിൽ ആകട്ടെ (ഹാരിപോട്ടർ ഗ്രന്ഥകാരി ജെ. കെ. റൗളിംഗ് എന്ന സ്ത്രീയുടെ ആദ്യകാല ജീവിതം വളരെ ക്ലേശകരമായിരുന്നു) ആത്മീയ മേഖലയിൽആയിക്കൊള്ളട്ടെ .... എവിടെയെല്ലാം നല്ല ഫലം പുറപ്പെടുവിക്കുന്ന വ്യക്തികളെ നമുക്ക് കാണാൻ പറ്റുമോ അവരെല്ലാം നല്ല കഷ്ടപ്പാടിന്റെ വെട്ടി ഒരുക്കലുകളിലൂടെ കടന്നു പോയിട്ടുണ്ട്.

പാറമടയിൽ നിന്നും പത്രോസിന്റെ സിംഹാസനത്തിൽ എന്നൊരു പുസ്തകം വി. ജോണ് പോൾ രണ്ടാമൻ മാർപ്പാപ്പയെ കുറിച്ചു മലയാളത്തിലുണ്ട് . മാർപ്പാപ്പ തന്റെ ബാല്യകാലം മുതൽ അനുഭവിച്ച കഷ്ടതകളും യുദ്ധം വരുത്തി വച്ച ദുരിതങ്ങളും കൽക്കരി ഖനിയിലെ ജോലിയുമൊക്കെ അദ്ദേഹംത്തിന്റെ ജീവിതത്തിന്റെ പിന്നാമ്പുറങ്ങളുണ്. ഈ കഷ്ടപ്പാടുകൾ ഒക്കെതന്നെയാണ് അദ്ദേഹത്തെ പരിശുദ്ധ സിംഹാസന പദവിയിലേക്ക് എത്തിച്ചത് എന്നു നമുക്കറിയാം. ബൈബിളിലെ പഴയ നിയമത്തിലെ ജോസഫിന്റെ കാര്യം എടുക്കുക. സഹോദരന്മാരാൽ ഉപദ്രവിക്കപ്പെട്ടവൻ, പൊട്ട കിണറ്റിൽ തള്ളി ഇടുന്നു, അടിമയായി വിൽക്കപ്പെടുന്നു, തെറ്റിദ്ധരിക്കപ്പെടുന്നു, കരാഗ്രഹത്തിൽ അടക്കപ്പെടുന്നു... ഒടുവിലാണ് ഈജിപ്തിലെ ഗവർണർ ആയി ഉയർത്തപ്പെടുന്നതും തന്നെ കൊന്നുകളയാൻ തീരുമാനിച്ച സഹോദരങ്ങൾ അയാൾക്ക്‌ മുന്നിൽ കുമ്പിട്ടു നിൽക്കുന്നതും.

എന്ന് പറഞ്ഞാൽ ഇന്നും എന്നും ഏതെങ്കിലും ഒക്കെ മേഖലയിലെ തിളങ്ങിനിൽക്കുന്ന അവരൊക്കെ നല്ല രീതിയിൽ വെട്ടുകിട്ടി (കഷ്ടപ്പെട്ടു) പുഷ്പിച്ചു വന്നവരാണ്. അതാണ് കർത്താവ് പറയുന്നത് പറയുന്നത് തന്റെ പിതാവ് കൂടുതൽ ഫലം നൽകാൻ ആഗ്രഹിക്കുന്നവരെ കായ്ക്കാനായി വെട്ടിയ ഒരുക്കുന്നു എന്ന് . അതായത് ദൈവത്തിൽ നിന്നും നിനക്ക് നല്ല വെട്ടു കിട്ടുന്നുണ്ടെങ്കിൽ നീ പേടിക്കണ്ട ദൈവം നിന്നിൽ നിന്നും കൂടുതൽ ഫലം ആഗ്രഹിക്കുന്നുണ്ട് എന്നു ചുരുക്കം.

പക്ഷെ ആ വെട്ടിയൊരുക്കൾ ക്ക് നമ്മൾ നിന്നു കൊടുക്കാൻ ഒരുക്കമാണോ...?

വെട്ടിയൊരുക്കാൻ വരുന്ന കർഷകനോട്, ചെടി തന്നെ വെട്ടേണ്ട എന്ന് പറഞ്ഞാൽ വലിയ പ്രശ്നമായി ...
തന്നെ ചെത്തി മിനുക്കാൻ വരുന്ന *ശില്പിയോട്, കല്ല്* തനിക്ക് ഉളിയുടെ വേദന സഹിക്കാൻ മേല എന്ന് പറഞ്ഞാൽ പ്രശ്നമായി ....
ചിന്തൂരു ഇടാൻ വരുന്ന ആശാരിയോട്, മരം തനിക്ക് അതിനു താൽപര്യമില്ല എന്ന് പറഞ്ഞാലും കുഴപ്പമായി. എന്ന് പറഞ്ഞാൽ നല്ല ഫലം കാണണമെങ്കിൽ ഇത്തരത്തിലുള്ള ചില സഹങ്ങളിലൂടെ നമ്മുടെ ജീവിതം കടന്നുപോയേ പറ്റൂ. അറിയാലോ ? ഒരു മുളത്തണ്ടിൽ 7 മുറിവുകൾ വീഴുമ്പോഴാണ് മനോഹരമായ സംഗീതം അതിൽ നിന്നും പുറപ്പെടുകയുള്ളൂ. അതുകൊണ്ട് ദൈവത്തിനു വെട്ടിയ ഒരുക്കാൻ നീ നിന്നെ തന്നെ അനുവദിക്കുക .
അപ്രകാരം സഹനങ്ങളിലൂടെ വെട്ടി ഒരുക്കപ്പെട്ടു വിശുദ്ധിയുടെ ഫലം ചൂടി നിൽക്കുന്ന ഒരു വിശുദ്ധ നമുക്കും ഉണ്ട്. വി. അൽഫോൻസാ. അമ്മയുടെ തിരുന്നാൾ അടുത്തു വരുകയാണ്. വെട്ടി ഒരുക്കപ്പെടാൻ അവളെപോലെ നമുക്കും ഒരുങ്ങാം

പിന്നെ ഒരു കാര്യം.....
ഈ വെട്ടി ഒരുക്കുക എന്നുള്ളതിനുള്ള ഗ്രീക്ക് പദം കതൈറോ (KATHAIRO) എന്നാണ്. ഈ പദത്തിൻറെ ശരിയായ അർത്ഥം ശുദ്ധീകരിക്കുക (To Cleanse, To Purify) എന്നുള്ളതാണ്. എന്ന് പറഞ്ഞാൽ ഓരോ വെട്ടിയൊരിക്കലും ഒരു ശുദ്ധീകരണ പ്രക്രിയ തന്നെയാണ് അത് മറന്നു പോകരുത്.

ഹെബ്രായ ലേഖന കർത്താവ് പറയുന്നത്
"താന്‍ സ്‌നേഹിക്കുന്നവന്‌ കര്‍ത്താവു ശിക്‌ഷണം നല്‍കുന്നു; മക്കളായി സ്വീകരിക്കുന്നവരെപ്രഹരിക്കുകയും ചെയ്യുന്നു."
(ഹെബ്രാ 12 : 6) എന്ന്.

2. ബഡ്ഡിംഗും ഗ്രാഫ്റ്റിംഗും

പണ്ട് സ്കൂളിൽ പഠിക്കുമ്പോൾ ബയോളജി ക്ലാസിൽ Budding ,Grafting എന്നൊക്കെ പഠിച്ചിരിക്കും. ചിലർ പരീക്ഷണാർത്ഥം അതു ചെയ്തു നോക്കിയിട്ടുണ്ടായിരിക്കും. ഒരു വൃക്ഷകത്തിന്റെ/ചെടിയുടെ മെയിൻ ശാഖയോട് ചേർത്തുവച്ച് മറ്റൊരു വൃക്ഷത്തിന്റെ/ ചെടിയുടെ ശാഖ ചേർത്ത് പിടിപ്പിക്കുപ്പ പരിടിയാണ് ഈ Budding and Grafting എന്നാണ് എന്റെ ഒരു ഇത്.... (സത്യമായും ഇവ തമ്മിലുള്ള വ്യത്യസം എനിക്കറിയാൻ മേലാ ... ‍ക്ഷമിക്കുക)
എന്തായാലും Bud/graft ചെയ്യപ്പെട്ട ആ മുകുളം/ ശാഖ മെയിൽ ശാഖയിൽ നിന്നും വെള്ളവും വളവും (ജീവരസം) സ്വീകരിച്ചു വളരുന്നു. മെയിൽ ശാഖയിൽ നിന്നു മാറി bud/graft ചെയ്യപ്പെട്ട ശാഖയ്ക്ക് തനിയെ നിലനിൽപ്പില്ല. (ഇതിന്റെ ശാത്രീയ വശങ്ങൾ അറിവുള്ളവർ പറയുക)

സുവിശേഷത്തിൽ ഈശോ പറയുന്ന കാര്യം തന്നോട്, തന്റെ പിതാവിനോട് ചേർന്ന് നിൽക്കാതെ ഫലം പുറപ്പെടുവിക്കാൻ ആർക്കും പറ്റത്തില്ല എന്നണ്. എന്ന് പറഞ്ഞാൽ തായ്ത്തടിയോട് ചേർന്ന്നിന്നില്ലെങ്കിൽ ബഡ്ഡ്/ ഗ്രാഫ്റ്റ് ചെയ്യപ്പെട്ട ആ ഭാഗം വാടിപ്പോകും, ഉണങ്ങിപോകും സംശയമില്ല . എന്ന് പറഞ്ഞതുപോലെ ഈശോയോട് ചേർന്ന് നിൽക്കാൻ പറ്റിയിലെങ്കിൽ നമ്മുടെ ജീവിതവും വാടിപോകും.

ഈശോയാകുന്ന (തായ്‌തടിയായ) വി. കുർബാനയാകുന്ന കൂദാശയോടും ജീവരസം നമുക്ക് പകർന്നു നൽകുന്ന മറ്റു കൂദാശകളോടും ചേർന്നു നിൽക്കുക എന്നത് നമ്മുടെ ആത്മീയ വളർച്ചക്ക് അത്യവശ്യമാണ്.

പൗലോസ് ശ്ലീഹ തന്റെ ലേഖനത്തിൽ ഈ കാര്യം മനോഹരമായിട്ട് പറയുന്നുണ്ട്. ഒട്ടിച്ചു ചേർക്കപ്പെട്ട നീ ദൈവ കൃപയിൽ നിന്നാൽ അവിടുന്നു കാരുണ്യം കാണിക്കും അല്ലെങ്കിൽ മുറിച്ച് നീക്കപ്പെടും എന്ന് ശ്ലീഹ പറയുന്നു.

എന്തായാലും ബഡ് ചെയ്യപ്പെട്ട , ഗ്രാഫ്റ്റ് ചെയ്യപ്പെട്ട നമ്മുടെ ജീവിതത്തിൽ ഫലം പുറപ്പെടുവിക്കാൻ ഈശോയാകുന്ന / കുർബാന ആകുന്ന തായ്‌തടിയോട് ചേർന്നു നിൽക്കുക. കുർബാനയിൽ നിന്നും കൂദാശകളിൽ നിന്നും മാറി പോകും തോറും നീ Budd ചെയ്തതായാലും ശരി Graft ചെയ്തതായാലും ശരി ഇനി Layer ചെയ്തതയാലും ശരി... ആത്മീയമായി ശുഷ്കിച്ചു പോകും തീർച്ച....!!

*3. ഈശോയിൽ വസിക്കുക*

ഫലം പുറപ്പെടുവിക്കാനായിട്ടുള്ള മാർഗം എന്ന് പറയുന്നത് തായ്ത്തണ്ടിനോട് അഥവാ ഈശോയോട് ചേർന്ന് നിൽക്കുക എന്നുള്ളതാണ്. 'ABIDE IN ME' എന്നാണ് ഈശോ പറയുന്നത്. എന്ന് വെച്ചാൽ ഓർക്കേണ്ട കാര്യം നമ്മൾ എന്തൊക്കെ ചെയ്തു കൂട്ടിയാലും കെട്ടിപൊക്കിയാലും വളർത്തികൊണ്ടു വന്നാലും അതൊന്നും ഈശോയോട് ചേർന്ന് നിൽക്കുന്നില്ലെങ്കിൽ നമ്മൾ ചെയ്തുകൂട്ടുന്നതൊക്കെ വെറും ഉണക്ക കമ്പ് പോലെയായി മാറും എന്നുള്ളതാണ്

നമ്മൾ ഒത്തിരി ഏറെ ത്യാഗം ചെയ്യുന്നവരായിരിക്കും സൽപ്രവർത്തികൾ ചെയ്യുന്നവരായിരിക്കും രാഷ്ട്രീയ പ്രവർത്തനവും സാമൂഹിക സേവനവും ചെയ്യുന്നവരായിരിക്കാം പക്ഷേ നമ്മൾ ഇതൊക്കെ ചെയ്യുന്നത് ഈശോയോട് ചേർന്ന് നിന്നുകൊണ്ടല്ലെങ്കിൽ ഈ ചെയ്യുന്നതൊക്കെ വെറുതെയാകും. ഈ കത്തോലിക്കാ സഭയുടെ സാമൂഹിക പ്രവർത്തനവും സർക്കാരിൻറെ സാമൂഹിക പ്രവർത്തനവും തമ്മിലുള്ള വ്യത്യാസം എന്താണ് വെച്ചാൽ നമ്മൾ ഇത് ചെയ്യുന്നത് ഈശോയോട് ചേർന്ന് നിന്നുകൊണ്ടാണ് അല്ലെങ്കിൽ ചേർന്നു നിൽക്കാൻ ആഗ്രഹിച്ചു കൊണ്ടാണ്. അത് ഇല്ലാതെയുള്ള എത്ര വലിയ നന്മയും പ്രവർത്തനവും വെട്ടി മാറ്റപ്പെട്ട ചുള്ളി കമ്പുകൾ ആയിട്ട് ഉണങ്ങിപ്പോകാൻ ആയിട്ടുള്ള സാധ്യത കൂടുതലാണ്. മാത്രമല്ല ഇന്നല്ലെങ്കിൽ നാളെ അത് തീയിൽ എറിയപ്പെടുകയും ചെയ്യും. അതുകൊണ്ടു തയ്ത്തണ്ടിനോട് ചേർന്നു നിൽക്കുക .പിന്നെ ഈ തായ്ത്തണ്ടു എന്നു പറയുന്നത് ഈശോയാണ്..... ഒപ്പം സ്വന്തം കുടുംബമാകാം, കുടുംബ യൂണിറ്റ്കാം, ഓഫീസ് ആകാം സഭയാകാം...

ചോദ്യവും ഉത്തരവും

എന്താണ് ഈ ഞാനാകുന്നു.... (I am saying.....) ന്റെ പ്രത്യേകത?

യോഹന്നാന്റെ സുവിശേഷത്തിൽ മാത്രം ഈശോ 'ഞാൻ അതാകുന്നു..., ഇതാകുന്നു ...എന്നുള്ള രീതിയിൽ മിനിമം 7 തവണ അവതരിപ്പിച്ചിരിക്കുന്നത്.
1. ഞാൻ ജീവന്റെ അപ്പമാകുന്നു (6:35)
2. ഞാൻ ലോകത്തിൻറെ പ്രകാശമാകുന്നു,(8:12)
3. ഞാൻ ആകുന്നു വാതിൽ (10:9)
4. ഞാൻ നല്ല ഇടയനാകുന്നു (10:11)

5. ഞാൻ പുനരുദ്ധാനവും ജീവനും ആകുന്നു(11:25)
6. ഞാൻ വഴിയും സത്യവും ജീവനും ആകുന്നു.(14:6)

7. ഞാൻ സാക്ഷാൽ മുന്തിരിചെടിയും...'(15:1) എന്നുള്ള പ്രയോഗം.

ഈ 'ഞാൻ ആകുന്നു'( In greek EGO EIMI ) എന്നുള്ള പ്രയോഗം യോഹന്നാൻ അവതരിപ്പിക്കാൻ കാരണം അത് പഴയ നിയമത്തിൽ യഹോവ മോശക്കു മുൾപടർപ്പിൽ പ്രത്യക്ഷപ്പെട്ടപ്പോൾ തന്നെ സ്വയം വെളിപ്പെടുത്തിക്കൊടുത്ത പേരാണ്. "I AM WHO I AM". അതുകൊണ്ടു ഈ 'ഞാൻ ആകുന്നു.....'
എന്നുള്ള പ്രയോഗത്തിലൂടെ യോഹന്നാൻ ഉദ്ദേശിക്കുന്നത് ഈശോ യഹോവയ്ക്ക് തുല്യനാണ് എന്നു തന്നെയാണ്. അഥവാ യഹോവയായ ദൈവം തന്നെയാണ്