ശ്ലീഹക്കാലം ഞായറാഴ്ച 7⃣
ലൂക്ക13 :22-30

Biblical and historical background

ഈശോയുടെ ജറുസലേമിലേക്കുള്ള യാത്രയിൽ നടക്കുന്ന ദീർഘ സംഭാഷണത്തിന്റെരണ്ടാം ഭാഗത്തിലാണ് ഇന്നത്തെ സുവിശേഷം.
എങ്ങനെയെങ്കിലും രക്ഷപ്പെടുക എന്നുള്ളത് യഹൂദരുടെ ആഗ്രഹങ്ങളിൽ ഏറ്റവും പ്രധാനപ്പെട്ട ഒന്നാണ് . നിത്യരക്ഷ പ്രാപിക്കുക എങ്ങനെയെന്ന് ഈശോയുടെ അടുത്തു പലപ്പോഴും ഓരോരുത്തരായി ചോദിക്കുമ്പോൾ പ്രമാണങ്ങൾ അനുസരിക്കുക, സമ്പത്ത് ഉപേക്ഷിക്കുക etc. എന്നിങ്ങനെയുള്ള മറുപടികൾ അവൻ നൽകുന്നു. ഇന്നത്തെ സുവിശേഷത്തിൽ ഈശോ പറയുന്ന മാർഗം ഇടുങ്ങിയ വാതിലിലൂടെ/ വഴിയിലൂടെ സഞ്ചരിക്കുക എന്നുള്ളതാണ് ആണ്.

Interpretation

1 ഇടുങ്ങിയവാതിൽ
എന്താണ് ഇടുങ്ങിയ വാതിൽ? യോഹന്നാൻ സുവിശേഷത്തിൽ ഈശോ പറയുന്നു "ഞാനാണ് വാതിൽ; എന്നിലൂടെ പ്രവേശിക്കുന്നവൻ രക്ഷപ്രാപിക്കും" (യോഹ 10)
എന്നുവെച്ചാൽ രക്ഷപ്രാപിക്കാൻ ആയിട്ടുള്ള ഇടുങ്ങിയ വാതിൽ ക്രിസ്തുവാണ്.
ക്രിസ്തു നടന്ന വഴിയിലൂടെ നടക്കുക . ക്രിസ്തുവാകുന്ന വാതിലിലൂടെ കടക്കുക. അതാണ് രക്ഷക്കുള്ള മാർഗം. ക്രിസ്തു നടന്ന മാർഗ്ഗം എന്ന് പറയുന്നത് സഹനത്തിന്റെ മാർഗ്ഗമാണ്; കഷ്ടതയുടെ വഴിയാണ്. എന്നുവച്ചാൽ നമ്മുടെ സഹനങ്ങളും സങ്കടങ്ങളുമാണ് നമ്മെ നിത്യ ജീവിതത്തിനു പ്രാപ്തമാകുന്നത്. വി. അൽഫോൻസമ്മയും വി. ദേവസഹായം പിള്ളയുമെല്ലാം എപ്രകാരം സഹനത്തിന്റെ തീ ചൂളയിലൂടെ നടന്ന് സ്വർഗ്ഗ കിരീടം നേടിയവരാണ്.

നിത്യജീവൻ നേടിയെടുക്കാൻ വേണ്ടി മാത്രമല്ല ഏതൊരു കാര്യവും നേടിയെടുക്കണമെങ്കില് സഹനത്തിന്റെ കഷ്ടപ്പാടിന്റെ പാതയിലൂടെ നടന്നുനീങ്ങുകയും വാതിലിലൂടെ കടന്നു പോവുകയും വേണം .ഇത്തവണത്തെ KEAM പരീക്ഷയിൽ ടോപ്പർ റാങ്ക് കിട്ടിയ പയ്യൻറെ ഇൻറർവ്യൂ ഒന്ന് ശ്രദ്ധിച്ചു കണ്ടുനോക്കൂ. ഏതാണ്ട് 10- 12 മണിക്കൂർ വരെയാണ് ദിവസവും മിനിമം ആ മകൻ പഠിച്ചിരുന്നത് . ( അവനൊക്കെ റാങ്ക് കിട്ടിയില്ലെങ്കിലേ അതിശയുള്ളൂ). എന്ന് പറഞ്ഞാൽ ഏതൊരു കാര്യം നേടിയെടുക്കാനും കലാ -കായിക - രാഷ്ട്രീയ രംഗങ്ങളിലെ achievments നു പുറകിൽ ത്യാഗത്തിന്റെ സഹനത്തിന്റെ കഷ്ടപ്പാടിന്റെ കഥ ഉണ്ടാകും വേണം എന്നതിന് ആർക്കും സംശയമില്ല .അപ്പ പിന്നെ സ്വർഗ്ഗരാജ്യത്തിന്റെ കാര്യം പറയാനുണ്ടോ... സഹനങ്ങൾ, ത്യാഗങ്ങൾ ഏറ്റെടുക്കാതെ സ്വർഗം സ്വന്തമാക്കാൻ എളുപ്പമല്ല.

അപ്പോസ്തോല പ്രവർത്തനത്തിൽ പൗലോസും സീലാസും തടവറയിൽ നിന്നും രക്ഷപ്പെട്ടതിനുശേഷം പാറാവുകാരൻ അവരുടെ ചോദിക്കുന്ന കാര്യം ഇതുതന്നെയാണ് "രക്ഷ പ്രാപിക്കാൻ ഞാൻ എന്ത് ചെയ്യണം?" അതിനു മറുപടിയായി അവർ പറയുന്നത് പ്രകാരമാണ് "കർത്താവായ യേശുക്രിസ്തുവിൽ വിശ്വസിക്കുക നീയും നിന്റെ കുടുംബവും രക്ഷ പ്രാപിക്കും".(acts 16:31). ക്രിസ്തുവിലുള്ള വിശ്വാസം ,അവൻ നടന്ന വഴിയിലൂടെ ഉള്ള നടത്തവും ഇതാണ് രക്ഷയിലേക്കുള്ള മാർഗം എന്ന് ആർക്കാണ് അറിഞ്ഞുകൂടാത്തത് .

പക്ഷെ ഒരു പ്രശനം ഉണ്ട്. അനേകർ നടക്കാൻ ശ്രമിക്കും എന്നാൽ സാധിക്കുകയില്ല എന്നാണ് ഈശോ പറയുന്നത്.. അതായത് സാധനങ്ങൾ ഏറ്റെടുക്കാൻ ധൈര്യം വേണം അതിലുപരി വേണ്ടത് ഒരു consistency (സ്ഥിരത) ആണ്. ചെയ്യുന്ന കാര്യങ്ങൾ, ആരംഭിക്കുന്ന കാര്യങ്ങൾ തുടർന്ന് കൊണ്ടു പോകാനുള്ള ഒരു സ്ഥിര ഉത്സാഹം വേണം. പലപ്പോഴും നമ്മുടെ പലകാര്യങ്ങളിലും ഒരു ആരംഭ ശൂരത്വം മാത്രമായി പോകുന്നുണ്ടോ എന്നു പരിശോധിക്കണം.

ഹൈന്ദവർക്കിടയിൽ
'പുനർജനനി' എന്ന് പറയുന്ന ഒരു Concept ഉണ്ട് ( പലയിടത്തും അങ്ങിനെ സ്ഥലവുമുണ്ട്). ഇടുങ്ങിയ രണ്ടു പാറക്കെട്ടുകൾക്കിടയിലൂടെ കടന്നാൽ മോക്ഷം കിട്ടും എന്നുള്ള ഒരു ചിന്ത ആളുകളുടെ ഇടയിലുണ്ട്. പക്ഷേ പലരും കടക്കാൻ ശ്രമിക്കുകയും പേടിച്ച് പിൻമാറുകയും ചെയ്യുന്നതായി പറഞ്ഞു ഇട്ടിട്ടുണ്ട്. നമ്മുടെ ജീവിതത്തിലും പലപ്പോഴുംനമ്മുടെ ജീവിതത്തിക്കും പല കാര്യങ്ങൾ ആരംഭിക്കുകയും പിന്നീട് സഹങ്ങൾ വരുമ്പോൾ പിൻമാറുകയും ചെയ്യുന്ന സ്ഥിതി വിശേഷമാണോ ഉള്ളത്??

2. ദൈവത്തിന് നിന്നെ അറിയുമോ?

ചെയ്തുകൂട്ടിയ വലിയ കാര്യങ്ങൾ പറഞ്ഞുകൊണ്ട് സ്വർഗ്ഗത്തിൽ പ്രവേശിക്കാം എന്നു കരുതുന്നവരുണ്ട്. ദൈവനാമത്തിൽ ഭക്ഷിച്ചു, പാനം ചെയ്തു , പ്രവചിച്ചിരുന്നു പഠിപ്പിച്ചു എന്നൊക്കെ വീമ്പു പറയുന്നവർ . എന്നിട്ടും കർത്താവ് പറയുന്നു എനിക്ക് നിങ്ങളെ അറിയാൻമേല എന്നു.
ദാ അപ്പോ ഇത്രേയുള്ളു കാര്യം. നമ്മൾ അർപ്പിച്ചു കൂടിയ കുർബാനയും എത്തിച്ചു കൂടിയ ജപമാലയും ഏൽപ്പിച്ചു കൂടിയ നൊവേയും കത്തിച്ചു കൂടിയ മെഴുതിരിയും സ്വർഗ്ഗത്തിലേക്ക് നമ്മളെ പ്രവേശിപ്പിക്കണം എന്നില്ല. മറിച്ച് ഏറ്റെടുക്കുന്ന സഹനമാണ് സ്വർഗ്ഗത്തിലേക്കുള്ള മാർഗം. ഫുൾട്ടൻ ജെ .ഷീൻ പറയുന്നപോലെ നമ്മൾ സ്വർഗത്തിൽ എത്തിയാൽ 3 കാര്യങ്ങൾ നമ്മളെ അത്ഭുത പെടുത്തും.

1. നമ്മൾ പ്രതിക്ഷിച്ച പലരും അവിടെ ഉണ്ടാവില്ല.
2. നമ്മൾ പ്രതീക്ഷിക്കാത്ത പലരും അവിടെ ഉണ്ടാകും.
3. ദൈവകൃപ യാൽ നമ്മൾ അവിടെ എത്തി എന്നതിലുള്ള അതിശയം.
(നമ്മളൊക്കെ അവിടെ എത്തുമോ എന്തോ..?)

3. മരണമെന്ന വാതിൽ

സുവിശേഷത്തിൽ പറയുന്ന ഒരു കാര്യം ഇതാണ്. ചിലര് അകത്തു കയറി ഇരിക്കുന്നു . വേറെ ചിലര് പുറത്താക്കപ്പെടുന്നു. അവർ പല്ലുകടിയും വിലാപവും ആയി ഇരിക്കുന്നു. ഇത് സ്വർഗത്തിലെ കാര്യത്തിൽ മാത്രമല്ല ഭൂമിയുടെ കാര്യവും ഏതാണ്ട് ഇങ്ങനെ തന്നെയാണ്. രാഷ്ട്രീയത്തിൽ, കായികരംഗത്ത്, സഭാരംഗത്ത് ചിലരൊക്കെ സ്വീകരിക്കപ്പെടുകയും ചിലരൊക്കെ പുറത്താക്കപ്പെടുകയും ചെയ്യുന്ന കാഴ്ച നമ്മൾ കാണാറുണ്ട് . (നമ്മൾ അതിനെ പൊളിറ്റിക്സ് എന്നൊക്കെ വിളിക്കു മായിരിക്കും). എന്തുതന്നെയുമായിക്കോട്ടെ യജമാനന് പ്രിയപ്പെട്ടവർ അകത്താക്കുന്നു അതല്ലാത്തവർ പുറത്താകുന്നു. പുറത്താക്കിയവർക്ക് പിന്നെ പരാതിയായി പരിഭവമായി വിമർശനമായി അമർഷങ്ങളായി ...
നമ്മൾ ഇതിൽ ഏതു ഗണത്തിൽ പെടും സ്വർഗീയ യജമാനന് ഇഷ്ടപ്പെട്ട ഗണത്തിൽ പെടാൻ നമുക്ക് സാധിക്കുമോ?
അകത്താക്കപ്പെടാൻ വാതിൽ അടയ്ക്കുന്നത് വരെയെ സമയമുള്ളൂ. അതായത് മരണമെന്ന വാതിൽ നമുടെ ജീവിതത്തിൻറെ മുമ്പിൽ അടഞ്ഞുകഴിഞ്ഞാൽ അകത്തു കടക്കുവാൻ ആയിട്ടുള്ള സാധ്യത ഇല്ലാതാവുകയാണ്. അതുകൊണ്ട് ആ വാതിൽ അടയുന്നതിനു മുൻപ് സഹനം ആകുന്ന വഴിയിലൂടെ സഞ്ചരിച്ച് അകത്ത് കയറിപ്പറ്റാനായിട്ടുള്ള യോഗ്യത നേടിയെടുക്കാൻ പരിശ്രമിക്കാം

▤Homily 13 -യോഹ 14:15-20,25-26⌄

ശ്ലീഹാകാലം
ഞായർ 7⃣
യോഹ 14:15-20,25-26

Liturgical & Biblical Background

ശ്ലീഹാക്കാലം അവസാനത്തെ ഞായറാഴ്ചയാണ്. ഇന്നത്തെ വായനകളൊക്കെ പരിശുദ്ധാത്മാവുമായി ബന്ധപ്പെട്ടതാണ്. ആത്മാവ് പെന്തക്കോസ്ത തിരുനാളിൽ ശ്ളീഹന്മാരുടെ മേൽ എഴുന്നള്ളി വന്ന സംഭവം പറഞ്ഞു കൊണ്ടാണ് ഈ കാലം ആരംഭിക്കുന്നത്. അതുകൊണ്ടുതന്നെ പരിശുദ്ധാത്മാവിനെ കുറിച്ചുള്ള ചില കാര്യങ്ങൾ കൂടി പറഞ്ഞു വച്ചു കൊണ്ടു ഈ കാലം അവസാനിപ്പിക്കുകയും ചെയ്യുന്നു.

ആദ്യ വായനയിൽ സംഖ്യ യുടെ പുസ്തകത്തിൽ മോശയിലുള്ള ആത്മാവിൻറെ ചൈതന്യം 70 നേതാക്കന്മാർക്ക് പകർന്നു കൊടുക്കുന്ന ഭാഗമാണ് വായിക്കുന്നത്. രണ്ടാം വായന സാമുവേൽ പ്രവാചകന്റെ പുസ്തകത്തിൽ ദൈവത്തിൻറെ ആത്മാവ് സാവൂൾ രാജാവിനെ വിട്ടു പോകുന്ന കാര്യവും അവൻ ദുരാത്മാവിനാൽ അസ്വസ്ഥനാകുന്ന കാര്യവും വിവരിക്കുന്നു. ലേഖനത്തിന് പൗലോസ് ശ്ലീഹാ ആത്മാവിൻറെ ഫലങ്ങളെ കുറിച്ച് വളരെ ഡീറ്റെയിൽ ആയിട്ട് വിവരിക്കുന്നു. ജഡത്തിനെ തിന്മകളെ കുറിച്ചും പുള്ളി വിവരിക്കുന്നു.
ഇതിന്റെയൊക്കെ തുടർച്ചയാണ് സുവിശേഷം. അവിടെ യോഹന്നാൻ, ഈശോ ശിഷ്യന്മാർക്ക് ആത്മാവിനെ പരിചയപ്പെടുത്തുന്ന ഭാഗമാണ് വിവരിക്കുന്നത്. അന്ത്യ അത്താഴത്തിനു ശേഷം ഈശോ നടത്തുന്ന ദീർഘമായ സംഭാഷണത്തിലാണ് ഈ ഭാഗം നമ്മൾ കാണുന്നത്

INTERPRETATION

1. പരിശുദ്ധാത്മാവ്
പരിശുദ്ധാത്മാവിന്റെ 3 വിശേഷണങ്ങൾ

A) സഹായകൻ (Helper)

നമ്മുടെ അത്യാവശ്യ സമയങ്ങളിൽ സഹായിക്കാൻ പല help line നമ്പർ ഒരു പക്ഷെ നമ്മുടെ കൈവശം ഉണ്ടാകും പോലീസ്-100,‍ Fireforce- 112, Ambulance 108 അങ്ങനെ പല നമ്പറുകൾ നമ്മുടെ കൈവശം ഉണ്ടാകും. മാത്രമല്ല പലപ്പോഴും പല Help Desk കളും Help line numberകളും നമ്മുടെ നാട്ടിൽ ഉണ്ട് പല കാര്യങ്ങൾക്കായി.... എന്നാൽ നിർഭാഗ്യവശാൽ ജീവിതത്തിൽ അത്യവശ്യ സമയത്ത് സഹായിക്കാൻ
ആരും ഇല്ല എന്നുള്ളതാണ് പൊതുവേ നമ്മുടെ നാട്ടിലും വീട്ടിലും ഒക്കെ ഉയർന്നു കേൾക്കുന്ന ഒരു പരാതി. പള്ളിയിൽ സഹായിക്കാൻ ആരുമില്ല. വീട്ടിൽ പണി ചെയ്യുമ്പോഴും സഹായിക്കാൻ ആരുമില്ല. ഓഫീസിലെ സഹായിക്കാൻ ആരുമില്ല. പറമ്പിൽ സഹായത്തിന് ഒരാളെ കിട്ടാനില്ല എന്ന് പ്രായമായവരുടെ പരാതി. റോഡ് അപകടത്തിൽ സഹായത്തിനു ആരുമില്ല.
സുവിശേഷം പരിശുദ്ധാത്മാവിന് കൊടുക്കുന്ന ഏറ്റവും നല്ല വിശേഷം 'സഹായകൻ ' (Helper) എന്നാണ്. എന്ന് പറഞ്ഞാൽ മറ്റൊരാളെ സഹായിക്കുന്നവനാണ് പരിശുദ്ധാത്മാവ്. അതായത് മറ്റൊരാളെ സഹായിക്കാൻ ആയി ആരും ശ്രമിക്കുന്നുവോ അവരിലെല്ലാം പരിശുദ്ധാത്മാവിന്റെ സാന്നിധ്യമുണ്ട് എന്ന് നമുക്ക് മനസ്സിലാക്കാം. പരിശുദ്ധ 'അമ്മ ആത്മാവിനാൽ നിറഞ്ഞപ്പോൾ എലിസബത്തിനെ സഹായിക്കാൻ ഓടിയ കാര്യം നമുക്കറിയമല്ലോ.. അതുപോലെ മറ്റുള്ളവരെ സഹായിക്കാൻ കിട്ടുന്ന അവസരങ്ങൾ ഉപയോഗപ്പെടുത്തുക. അങ്ങനെ നമ്മിലുള്ള പരിശുദ്ധാത്മാവിന്റെ ചൈതന്യത്തെ ഉത്തേജിപ്പിക്കാൻ ശ്രമിക്കുക. വീട്ടിൽ ഇടവകയിൽ, നാട്ടിൽ രൂപതയിൽ, ഓഫീസിൽ സ്കൂളിൽ, നമ്മളെ കൊണ്ട് ആകുന്ന സഹായം മറ്റൊരാൾക്ക് ചെയ്തു കൊടുക്കുക.
(ഇനി സഹായിച്ചില്ലെങ്കിലും വേണ്ട ഉപദ്രവിക്കാതിരിക്കാൻ ആയിട്ടുള്ള മനസ്സ് കാണിക്കുക) . ഇത് ഫുഡ് ബോൾ കളിയുടെ കാലമാണ്. ഗോളടിക്കുക എന്നതുപോലെ പ്രധാനമാണ് അതിനു സഹായിക്കുക അല്ലെങ്കിൽ അതിനായി pass കൊടുക്കുക എന്നത്. ഒരുപക്ഷേ ഒരു കാര്യം നേടിയെടുക്കാൻ സഹിച്ചവരെ ആരും ഓർക്കില്ല എന്നാലും നമ്മളെക്കൊണ്ട് ആകും വിധം മറ്റുള്ളവരെ സഹായിക്കുക. അങ്ങനെ നമ്മിലുള്ള ആത്മാവിന്റെ സാന്നിധ്യം തെളിയിക്കുക.ഒപ്പം നമ്മുടെ ആവശ്യങ്ങളിൽ
പരിശുദ്ധ ആത്മാവായ സഹായകനെ വിളിക്കാൻ മറന്നു പോകരുത്. (പഴയ ബാലരമയിലെ മായവിയെപോലെ... രാജുവും രാധയും വിളിച്ചാൽ മായാവി വരും പോലെ... നമ്മൾ ഒന്ന് ഉള്ളു തുറന്നു വിളിച്ചാൽ ആത്മാവ് നമ്മുടെ സഹായത്തിനു എത്തും.... തീർച്ച....

B) അഡ്വക്കേറ്റ്

പരിശുദ്ധാത്മാവിനെ രണ്ടാമത്തെ വിശേഷണം അഡ്വക്കേറ്റ് ‍എന്നാണ്. വക്കീമാരുടെ പണി കേസ് വാദിക്കുക, ജയിക്കുക കക്ഷിയെ രക്ഷിക്കുക എന്നുള്ളതാണ്. എന്ന് പറഞ്ഞാൽ ഇതുതന്നെയാണ് പരിശുദ്ധാത്മാവ് ചെയ്യുന്നത് . ഈശോ തന്നെ പറയുന്നുണ്ട് നിങ്ങളുടെ ന്യായധിപ സംഘത്തിന് മുമ്പിൽ നിൽക്കുമ്പോൾ എന്ത് പറയണം എന്ന് ആലോചിച്ചു ടെൻഷൻ അടിക്കേണ്ട. ആ സമയത്ത് എന്ത് പറയണം എന്ന് പരിശുദ്ധാത്മാവ് നിങ്ങളെ തോന്നിപ്പിക്കും എന്ന്. ( ഏത് ....? ഇമ്മടെ ദൃശ്യത്തിലെ ജോർജ് കുട്ടി ലൈൻ... പോലീസ് കാർ മറച്ചും തിരിച്ചു ചോദിക്കും അപ്പോൾ ന്റെ മക്കൾ ഇങ്ങനെ പറയാവൂ.... എന്നപോലെ ആത്മാവ് നമ്മെ പഠിപ്പിക്കും) അതായത് ആരോട് എങ്ങനെ കൃത്യമായിട്ട് മറുപടി പറയണം എന്നുള്ള കൃപ നമുക്ക് നൽകുന്നത് ആത്മാവാണ്. ആത്മാവിൻറെ കൃപക്കനുസരിച്ച് പ്രചോദനക്കനുസരിച്ച് നമ്മൾ പ്രവർത്തിക്കുന്നുണ്ടോ? പലപ്പോഴും നമ്മുടെ ഇഷ്ടമനുസരിച്ച് ചിന്തിക്കുകയും പെരുമാറുകയും മറുപടി പറയുകയും ചെയ്യുന്നു എന്നുള്ളതാണ് നമ്മുടെ അപകടം. അതുകൊണ്ട് ആത്മാവിൻറെ പ്രചോദനം തിരിച്ചറിയാൻ മനസ്സിനെയും അതനുസരിച്ചു സംസാരിക്കാൻ നാവിനെയും പരിശീലിപ്പിക്കുക.

C) ആശ്വാസകൻ ( Counselor/ Comforter)

നമ്മുടെ നാട്ടിലും വീട്ടിലൊക്കെ കൂണുപോലെ കൗൺസിലിംഗ് സെൻററുകൾ മുളച്ചു പൊന്തുകയാണ്. ആൾക്കാർക്ക് പരസ്പരം ഷെയർ ചെയ്യാനും ഒരു ആശ്വാസവാക്ക് പറയാനും കേൾക്കാനും ആരുമില്ലാത്ത അവസ്ഥ. മറ്റൊരാളെ കേൾക്കാക്കാനും ആശ്വസിപ്പിക്കാനും കൗൺസിലിംഗ് കൊടുക്കാനും ആർക്കും ഇവിടെ സമയമില്ല. അതുകൊണ്ട് അതിനുവേണ്ടി സെന്ററും തുറന്നു വച്ച് പലരും ഇരിപ്പാണ്. ആത്മാവിനാൽ നിറഞ്ഞ മനുഷ്യർ മറ്റൊരാളെ ആശ്വസിപ്പിക്കാൻ സമയം കണ്ടെത്തും. ഒരു ആശ്വാസവാക്ക് പോലും കിട്ടാതെ സങ്കടപ്പെടുന്ന ഒരുപാട് മനുഷ്യന്മാരുണ്ട് നമുക്ക് ചുറ്റും. അവരെ ഒന്നു ആശ്വസിപ്പിക്കാൻ സങ്കടങ്ങളിൽ കൂടെ നിൽക്കാൻ നമുക്ക് പറ്റണം. ആത്മാവിന്റെ നിറവുള്ളവർക്കേ അതിനു സാധിക്കുകയുള്ളൂ ., ഒരാൾ രോഗിയായി കിടക്കുമ്പോൾ ഒന്നു കാണാൻ പോകാൻ, ഒരു വീട്ടിൽ ഒരു മരണം നടന്നാൽ , അപകടം സംഭവിക്കുമ്പോൾ, ഒരു പരാജയം സംഭവിക്കുമ്പോൾ അവിടെ ചെല്ലാനും ഒരു ആശ്വാസവാക്ക് പറയാനും അവരുടെ ഒപ്പം നിൽക്കാനും ആത്മാവിനാൽ നിറഞ്ഞ മനുഷ്യർക്കേ സാധിക്കൂ. അതിനു ശ്രമിക്കുക.

(ഇവിടെ വേറൊരു തമാശ എന്താണ് എന്ന് വച്ചാൽ പല മുസ്ലിം പണ്ഡിതന്മാർ‍ ഇപ്പോഴും ഈ
'പാരാക്ളീത്ത' എന്നുള്ളത് അവരുടെ പ്രവാചകൻ ‍ആണ് എന്ന് പറയുകയും പഠിപ്പിക്കുകയും ചെയ്തുകൊണ്ടിരിക്കുകയാണ് . എന്ന് പറഞ്ഞാൽ ഈശോ പറഞ്ഞ സഹായകൻ ആയ ഇമ്മടെ സ്വന്തം പരിശുദ്ധാത്മാവ് അവരുടെ Muhammad ibn Abdullah ibn Abd al-Muttalib ibn Hashim
( 'മുത്തുനബി' ) ആണ് പോലും .... എന്താല്ലേ....‍‍

2. സ്നേഹവും അനുസരണയും‍

ഈശോ പറയുന്നത് നിങ്ങൾ എന്നെ സ്നേഹിക്കുന്നുവെങ്കിൽ എൻറെ കല്പനകളിൽ പാലിക്കും എന്നാണ് എന്ന് പറഞ്ഞാൽ സ്നേഹവും അനുസരണവും‍ തമ്മിൽ ഒരു ബന്ധമുണ്ട് എന്ന് ചുരുക്കം . നമ്മുടെ
പിള്ളേരുടെ കാര്യം തന്നെ എടുക്കാം. സ്നേഹത്തോടെ കൂടിയ ചില ഉപദേശങ്ങളാണ് കുട്ടികളെ അനുസരിക്കാൻ പ്രേരിപ്പിക്കുന്നത്. അല്ലാതെ തർക്കിച്ചുകൊണ്ടോ വാശിപിടിച്ചുകൊണ്ടോ കണ്ണുരുട്ടി കാണിച്ചോ മീശ പിരിച്ചോ , വടി കയ്യിൽ എടുത്തോ‍ അവരെ അനുസരിപ്പിക്കാം എന്നൊക്കെ വിചാരിച്ചാൽ ശുദ്ധ മണ്ടത്തരം ആയിരിക്കും. അതുകൊണ്ടാണ് അപ്പൻറെ ചില ഗൗരവമായി സംഭാഷണത്തേക്കാൾ അമ്മയുടെ സ്നേഹം നിറഞ്ഞ ഉപദേശങ്ങൾ നമ്മൾ വിലക്കിയെടുക്കുന്നത് . അതുകൊണ്ട് വീട്ടിലായാലും സ്കൂളിലായാലും ഓഫീസിൽ ആയാലും സഭയിൽ ആയാലും സ്നേഹം തന്നെയാണ് അനുസരണത്തിലേക്കുള്ള ചൂണ്ടുപലക.

3 *ഞാൻ നിങ്ങളെ അനാഥരായി വിടില്ല*

ബോബി അച്ചന്റെ ഒരു കഥയുണ്ട് . ഒറ്റയ്ക്ക് ട്രെയിനിൽ യാത്ര ചെയ്യാൻ ആഗ്രഹിക്കുന്ന ഒരു പെൺകുട്ടി . അവളുടെ പിടിവാശിക്ക് അച്ഛൻ വഴങ്ങിക്കൊടുക്കുന്നു. എപ്പോഴെങ്കിലും പേടി തോന്നുകയാണെങ്കിൽ തുറന്നു വായിക്കാൻ ഒരു കുറിപ്പ് എഴുതി മടക്കി അവൾക്ക് കൊടുക്കുന്നു. യാത്ര തുടങ്ങുന്നു സന്തോഷം... പകലിന്റെ കാഴ്ചകൾ കഴിഞ്ഞു, രാത്രി സന്ധ്യ മയങ്ങിയപ്പോൾ ട്രെയിനിന്റെ കമ്പാർട്ട്മെന്റിൽ ഇരുട്ടു പരക്കുന്നു. സ്വാഭാവികമായും അവൾക്ക് പേടി വരുന്നു . അച്ഛൻറെ വാക്കുകൾ ഓർമ്മ വരുന്നു. അവൾ ആ കുറിപ്പ് തുറന്നു വായിക്കുന്നു. അതിൽ ഇങ്ങനെ കുറിച്ചിരുന്നു "പേടിക്കണ്ട, തൊട്ടപ്പുറത്തെ കമ്പാർട്ട്മെന്റിൽ അച്ഛനുണ്ട്." സന്തോഷം കൊണ്ട് അവളുടെ കണ്ണു നിറയുന്നു.
കാര്യങ്ങൾ ഇത്രയേ ഉള്ളൂ എത്രയൊക്കെ ഇരുട്ട് നിറഞ്ഞ സാഹചര്യങ്ങളുടെ നമ്മൾ കടന്നു പോകേണ്ടി വന്നാലും ദൈവം നമ്മെ ഒറ്റയ്ക്ക് ആക്കി വിടില്ല. അവൻ നമ്മുടെ കൂടെയുണ്ട്

ഈശോ ശിഷ്യർക്കു കൊടുത്ത വാഗ്ദാനങ്ങളിൽ ഒന്നാണ് അവരെ അനാഥരാക്കി വിടുകയില്ല എന്ന്. ദൈവം ആരെയും ഒറ്റക്കാക്കുന്നില്ല എന്നതാണ് വലിയ സദ്‌വാർത്ത. ഒറ്റപ്പെട്ടു പോയി എന്നുള്ളതാണ് മനുഷ്യന്റെ ആദ്യ സങ്കടം.( ഏത്.... പഴയ ആദത്തിന്റെ വിഷമം അതു തന്നെ) ആ സങ്കടം ഇന്നും നമ്മിലൂടെ തുടരുന്നു. ലോകത്തിലെ കോടിക്കണക്കിനു മനുഷ്യർ ഈ ഏകാന്തത എന്ന അസുഖത്തിന്റെ അടിമകൾ ആണ് എന്നാണ് കണക്കുകൾ സൂചിപ്പിക്കുന്നത്. ഒറ്റപ്പെട്ടു പോകുന്നു എന്ന രോഗത്തിന് ഈശോ നൽകിയ മരുന്നാണ് കുർബാന. ദൈവം നമ്മളെ അനാഥരാക്കി വിടുന്നില്ല എന്നതിന്റെ ഏറ്റവും വലിയ തെളിവാണ് പ. കുർബാന. പരിശുദ്ധ കുർബാനയിൽ ദൈവം നമ്മുടെ ഒപ്പം ഉണ്ട്. അവിടുന്ന് അനാഥരാക്കി വിടുന്നില്ല . മറക്കരുത് നമ്മുടെ ഏകാന്തതയിൽ ഒറ്റപ്പെടലിൽ കുര്ബാനയോളം വലിയ കൂട്ടില്ല...

ഒപ്പം ഒരു കാര്യം കൂടി ഓർക്കുക ആരെയും ഒറ്റക്കാക്കി വിടാതിരിക്കുക. ഒറ്റപ്പെട്ടുപോയവരുടെ കൂട്ടിനുണ്ടാവുക എന്നതാണ് വലിയ സുകൃതം

ചോദ്യവും ഉത്തരവും

ഇന്നത്തെ സുവിശേഷത്തിൽ പ. ആത്മാവിനെ യോഹന്നാന്റെ വിശേഷിപ്പിക്കുന്നത് എങ്ങനെ?

യോഹന്നാന്റെ സുവിശേഷത്തിലും മറ്റു സുവിശേഷങ്ങളിലും ആത്മാവിനെ വിശേഷിപ്പിക്കാൻ ഉപയോഗിക്കുന്ന ഗ്രീക്ക് പദം 'PNEUMA' എന്നണ്. ( ഇമ്മടെ പഴയ PNEUMATOLOGY ക്ലാസ് നോട്ട് ഒന്നു മറിച്ചു നോക്കുന്നത് നല്ലതാണ്. 'PNEUMA HAGIYA'= HOLY SPIRIT ) എന്നാൽ യോഹന്നാന്റെ സുവിശേഷത്തിലെ 6 സ്ഥലങ്ങളിൽ പരിശുദ്ധാത്മാവിനെ 'PARAKLETOS' എന്ന ഗ്രീക്കു വാക്ക് ഉപയോഗിച്ചുകൊണ്ട് പുള്ളിക്കാരൻ വിശേഷിപ്പിക്കുന്നു. അതിൽ ആദ്യത്തെ ആണ് യോഹ 14:16. 'PARAKLETOS' എന്ന ഗ്രീക്ക് വാക്കിനു ഉപദേശകൻ ( COUNSELOR) അഡ്വക്കേറ്റ്, ആശ്വാസകൻ ( COMFORTER) എന്നിങ്ങനെയൊക്കെയാണ് അർത്ഥം.
(In Greek , PARA= Besides( അരികെ) , KLETOS= Called ( വിളിക്കുക) എന്നല്ലാമാണ്. അതായത് അരികിലേക്ക് വിളിക്കപ്പെട്ടവൻ അഥവാ ഉപദേശകൻ ( അല്ലാതെ നമ്മൾ ഉദ്ദേശിക്കുന്ന 'പാര' യുമായി ഇതിനു യാതൊരു ബന്ധവും ഇല്ല കെട്ടോ. )